Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Kay manga inulug ku, walaꞌ aku pag-anenganeng na pigdatengan da ku ya kadég yeiy. Manang pigkalingawan da ku ya manga kya-agiyan ku idtu muna aw pigtibulluk da ku ya kanak anenganeng adti datenganan. Yanagaw to-o ku pigbetang adti kanak ginawa na tagtunun ya manga pigpakang da kanak na Tyumanem idtu na pagtawag nan kanak aw pagpakasambuk da ku kan Kristu Jisus. Bekeꞌ oloꞌ na adun manang adtu pa uman kagaya ni tas na langit.
Ya pagpadeleg sa pagpangintu-u kan Kristu
Walaꞌ aku paglong na nyatagtun da ku ya kadég yeiy. Manang pigtibagsegan ku na alag ku yeiy matagtun, kay pigtagtun da aku ni Kristu. Kay manga inulug ku, walaꞌ aku pag-anenganeng na pigdatengan da ku ya kadég yeiy. Manang pigkalingawan da ku ya manga kya-agiyan ku idtu muna aw pigtibulluk da ku ya kanak anenganeng adti datenganan. Yanagaw to-o ku pigbetang adti kanak ginawa na tagtunun ya manga pigpakang da kanak na Tyumanem idtu na pagtawag nan kanak aw pagpakasambuk da ku kan Kristu Jisus. Bekeꞌ oloꞌ na adun manang adtu pa uman kagaya ni tas na langit. Maynan galu ya anenganeng na kadég tadun na nyakadalid da ya pagpangintu-u. Aw kun awun utaw na diliꞌ maynan ya anenganeng nilan, bukasan saba kanilan na Tyumanem ya pagpakalabet kun unu ya matinaw.
Yanagaw pangkay singalan ya nyakasambuk da dun ni kan Kristu, nyabagu la sakanan. Kay lyumabay da ya dadan aw ya bagu migpalekat da.
Ya pag-iman na diliꞌ kabullugan
Na, deyen ya Tyumanem na yan ya Ama na kanaten Matas na Pangulu na si Jisu-Kristu. Asuntu sa dakulaꞌ na kallat na Tyumanem, pig-atagan nan kitadun na bagu na pagka-utawun na awun pag-iman magi dun ni pagkataw ni Jisu-Kristu lekat adti pagkamatay, aw diliꞌ saba kitadun kabullugan.
Aw ya to-o ka-ilangan, yan ya kamayu paggaginawa͡ay, kay yan ya magpa-iganget sa kadég yeiy pada gayed magkasambuk ya kamayu anenganeng. Aw tumbayan na ya kalinaw na pig-atag ni Kristu kamayu, yan ya maggagad sa kamayu anenganeng. Kay pigtawag da kamu nan pada ma-imoꞌ da sambuk na lawas na yan ya manga mangintu-uway. Aw gayed kamu pagpasalamat adti kanan.
Ya kanaten manga ama, diliꞌ to-o madugay ya pagpitul nilan kanaten. Yan oloꞌ ya pagpitul nilan kun unu ya adti anenganeng nilan na madyaw kanaten. Manang ya kana Tyumanem pagpitul kanaten to-o dakulaꞌ ya ma-untung, pada magkalinis kitadun kasiling nan. Ya pagpitul kanaten adun, masakit aw diliꞌ makapaleya kanaten. Manang ya sampetan yeiy, kun nyakapalna-u kanaten ya pagpitul yan, magkadyaw ya bet tadun aw yan ya mag-atag sa kalinaw na kanaten pag-eyaꞌ.
Ya palna-u na diliꞌ magpalibantug
Na, pakanyegi aku mayu, kamu na maglong, "Un kami adun madtu ni sambuk na lunsud, aw kun bekeꞌ yan, kunallaw, aw dun kami pag-eyaꞌ seled na sangka͡umay. Aw magbalikwat kami dun aw magtipun kami sa madég na kuwalta!" Manang diliꞌ kamu maglong sa maynan, kay walaꞌ mayu ka-ede-i kun unu ya un dumateng kunallaw aw kun sangunu ya kadugay mayu asini tas na lupaꞌ. Kasiling kamu saba oloꞌ na labun na pagkita-en na maselem aw diliꞌ madugay malanas da uman. Yan baling ya umbaꞌ mayu paglongun, "Kun tumbay na Tyumanem, aw utaw pa kami, yan ya imo-un nami." Manang kenneꞌ mayu baling migpatastas aw migpalibantug sa un mayu imo-un, aw alag yeiy malatay adti Tyumanem. Aw kun kya-ede-an na utaw ya madyaw na un nan galu imo-un manang walaꞌ nan baling imo-a, nyakasalaꞌ sakanan adti Tyumanem.