Ano novo

13 Pi walageg, ri dagur finey ni kug taw ngay; machane ren’en ni kug rin’ e kug pag talin e n’en ni bay nga keru’ug, ma gu be athamgil ni nggu taw ko n’en ni ir e bay ngam’on rog. 14 Ere gu be mil nib k’iy kanawo’eg i yan ko n’en ni gu be nameg ni bochan e nge yag puluwon ngog, ni aram e pong nike tay Got ngodad u daken Kristus Jesus ni ngdarod ko yafos ni bay u tharmiy.

Mil i yan ko gin ni yibe nameg

12 Dagur yog nike yag ngog e ren’ey, ara kug taw ko n’en ni yibe nameg. Ku gu be yan ni gu be guy rogon ni nge yag ngog ni fan e ke milfag ngak Kristus Jesus. 13 Pi walageg, ri dagur finey ni kug taw ngay; machane ren’en ni kug rin’ e kug pag talin e n’en ni bay nga keru’ug, ma gu be athamgil ni nggu taw ko n’en ni ir e bay ngam’on rog. 14 Ere gu be mil nib k’iy kanawo’eg i yan ko n’en ni gu be nameg ni bochan e nge yag puluwon ngog, ni aram e pong nike tay Got ngodad u daken Kristus Jesus ni ngdarod ko yafos ni bay u tharmiy.

15 Gadad gubin e pi’in ke pi’ilal e leam rodad nrogon nma ilal e leam rok girdi’en Kristus nge yan i mus ngarogon, e aray rogon e leam rodad ni ngi i par. Ma fa’anra bay boch i gimed nib thil e leam rorad, mra tamilangnag Got ngorad e re bugithin ney.

17 Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

N’en nike l’agan’uy ngay ni bayi m’ug nib riyul’

3 Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,

10 A Got, mu sunumeg e tafinay nib machalbog u fithik’ag,

ma ga pi’ reb e tafinay ngog nib be’ech ma ba yul’yul’.

11 Dab mu n’igeg nggu chuw u p’eowchem;

dab mu chuweg rog fare Kan Nthothup rom.

7 Mu gum’an ngam sonnag SOMOL ni ir e nge maruwel;

dabi awan’um ngak e pi’in ke yo’or ban’en rorad,

ara pi’in kefel’ rograd ni bochan e sasalap.

8 Mu gay ngam pir’eg feni manigil SOMOL.

Ba felan’ e cha’ ni be naf nga tan pa’!✝

31 Machane pi’in yad be toer ngak SOMOL ni nge ayuwegrad

e bay ra pir’eged nike yib gelngirad bayay.

Bay ra changeggad ngalang ni bod e arche’ ni eagle;

yad ra mil, ma dab ra magaergad;

ma yad ra yan, ma dabi m’ay gelngirad.

11 Yi go’ gag e gumnang e tin ku gu tanomnag ni fan ngomed, tanom ni nggu man’og nagmed ma gathi nggu gafgow nagmed, pi tanom nem e nge yag ngomed e tin u mu nameged.

25 Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg. 26 Bay gu pi’ ba gumircha’ nib be’ech ngomed nge reb e leam nib be’ech. Bay gu chuweg gumircha’med ni bod feni el e malang mu gu pi’ ngomed ba gumircha’ nma fol.✝ 27 Bay gu pi’ e kan nthothup rog ngomed mu gu gagiyeg nagmed ngu’um folgad ko pi motochiyel rog ma gimed be rin’ urngin e tin kugog ngomed ni ngu’um rin’ed.✝

14 Nge rogon nib t’uf Got nge girdi’ romed e ngam puthuyed nga urngin e pin’ey, ni ir e ma chugumiy urngin ban’en nga ta’bang nge par nike fel’ rogon. 15 Ma gapas nma pi’ Kristus nga lanin’dad e nge mang ir e ngi i gagiyegnag lanin’med; ya re gapas ney e ir e ke piningmed Got ngay ko fare dowef nri ta’reb. Ere um pininged e magaer ngak Got u lanin’med.

11 Ke turguy ngal’an urngin ban’en ke tay. Ke taydad ni gadad ba’adag ni ngad nanged e tin bay nga m’on ni bay fini yib, machane de taydad ni nge tamilangan’dad ko tin nike m’ay i leamnag rok ni nge rin’ aram ko tabolngin nge yan i mada’ ko tungun.

10 Pi chitamangidad ni girdi’ e yad ma gechig nagdad nib ngoch nap’an nrogon nib mat’aw u wun’rad. Machane Got e be gechig nagdad ni fan ngodad, ya ngad thothupgad ni bod ir. 11 Ma fa’an bayi gechig nagdad Got, ma gadad finey e ngiyal’ i n’em nre n’em nike yib ngodad e ban’en ni nge kireban’dad ngay, ma gathi nge felfelan’ nagdad. Machane fa’ani tomur riy, ma fa pi’in ni mit nem e gechig e ke yib mangin ngorad ni kar moding gad, e aram e ke yag pulwon ngorad, ni ke gapas lanin’rad ma ke yal’uw pangirad u mit Got.

Ning chiylen ni nge dabi uf be’

13 Mu telmed ngog, gimed e pi’in ni be lungumed, "Daba’ ara gabul e ngad milekaggad nga reb e binaw ngad siyobaygad riy u lan reb e duw me yag e salpiy ngodad ni pire’." 14 Ma mus ko n’en ni bay yib ngomed gabul ma da mu nanged! Ya gimed bod bochi yang i ath ni sum ko garbeb, ni yib i m’ug ma de n’uw nap’an me m’ay nga bayang. 15 Ere ba’aray e n’en ni susun e ir e nga mogned: "Fa’anra mm’agan’ Somol ngay, ma bay da pired ngu’ud rin’ed e tiney nge tinem." 16 Machane chiney e ke tolangan’med gimed be yog ni gimed e soromed; urngin e pi n’ir ni gimed be yog ni gimed e soromed riy e ba kireb.

17 Ere cha’ nde rin’ e tin ni bfel’ ni manang nsusun e ir e nge rin’ e ba kireb e rok, ni aram e ke denen.