Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ayni meyane! Hashnu ta hamma kar’ingwa yira aafa faaduna wuza; sinuntano isa wuza zaguna; orfonaki baron daaget sinnaastaki fa barki hamma kar’anak shongonawa. Wossumanaason dananak sinnaasta fa koi’ni dimaasta hamma kar’anak eelana. Es wossumaas dey Ha’oos Kiristoos Yesusniki kamo taak den samak imana koi’ba foonto kaaswa.
Koi’baasta Kar’e Eela
Han baron zuutira aane ephut wedey han barikito zuuttambaase asin daningwa uuk aafa chimanawuza. Sinuntano Yesus Kiristoos taan basar zagire taak hoossina wossumaason dananak ek sina eelanak duudonawa. Ayni meyane! Hashnu ta hamma kar’ingwa yira aafa faaduna wuza; sinuntano isa wuza zaguna; orfonaki baron daaget sinnaastaki fa barki hamma kar’anak shongonawa. Wossumanaason dananak sinnaasta fa koi’ni dimaasta hamma kar’anak eelana. Es wossumaas dey Ha’oos Kiristoos Yesusniki kamo taak den samak imana koi’ba foonto kaaswa. Ese Ayyanani foosik chima inno es effatena yaadata innok foonak sholsuwa; nittotin oor oor kisuni safara ganentiissi faafaanane es safaraason Ha’oos amma nittok zagunawa.
Es bari boor’a oonu Kiristoosnir sinfaanane gaddo testowa; kur’u testoos aati es bari eddeessi gaddo testo giri.
Hayewa Abdi
Yesus Kiristoos kitun kabubaasik hayewa sina abdiison innok imma; akama fakibaasik gaddo koontok innotin bari naanggota zagi Daamni Yesus Kiristoosni Aba Ha’oosik galata sinfawungwa.
Es baristan denalo zuuttambaase asin zuutira taar’a yo’uba foontonon isar zagifa keeshtanaason mayti. Isa atuni billiti sinna futok teegtetiis han nagaasik sinna boor’a Kiristoosni nagaas nitto nibaassi taatton; Ha’ooson dey galatter sinti.
Baassok ma’ar sinna bestenaasimato garo wonanon innotin ke’isesete. Sinuntano Ha’oos bari kortooson haa’er sinanik innok ke’ni wuzaktu ke’ifa. Ke’oos zuuttera es kabaasik asu suumonaktu zagifatano gironak zagunir sinna aane bestefa. Sinuntano leejjistere ari asuni meyak naga tuumna ooko sinak bestefa gaanaason danonek zagifa.
Nitto Teetni Safarantiista Teetotiita
Ese odoti: «Hash hawung wedey wono hantan kabira isa katamasi hamaniwa; isa wogga esta diira nagadera buu’suniwa» yifeti. Sinuntano wono sinni baron aane arifeti; kaantiis aambanso? isarga biistefaat wolla tishfa furutuusne faatirwa. Es baristan zeemma: «Daamiisa fiqadi sinfaanane han baron wedey ek baron zaguni» utik sholsifawa. Sinuntano nitto es baron shakaattu teetnitiisik ge’feti dey teetefeti; es effatena teetoos manguwa. Ese ma’aron zagunak sholsu sinbaason arifet zagu beybaas es bar barik boor’awa.