Arca da aliança

Nduɔŋ nuʼ te mələ̀ʼtə Nyii

1 Fəŋ məŋkaa nɔ nə kie ntɛ núʼhə ndə bə kie ndə mə-kə́-lə̀ʼtə Nyii nə yɔŋ, bɔŋleʼ kie yəŋkə kəchisê ndə bə kie ndə mələ̀ʼtə Nyii chɔ. 2 Bə nɔ nə fʉ̀ə lɛʼkə, fəŋ njəŋ bə kə́ tíi nə yəŋ-kəchɔŋ-kə, nɔ kə kie f̃ɔkə ndə bə mɔ̀ʼ kɛʼɛ ndəŋ ghɔ, ghɔŋbə tebele nə bele chɔ ndə bə nɔʼ kɔ́ tʉ Nyii. 3 Bɔ̌ŋ kəŋkyʉʉhə, biitə-njəŋ-kə nɔ nə bɛ chɔ, ndə bə kə́ tíi nə yəŋ-kəchɔŋkwɛʼtəŋ-kə. 4 Yəŋfɛ̀ʼndɛŋNyiikə nɔ nə bɛ muŋgɔ ndə bə chìi nə goo ndə mə-kə́-tɔ̀ŋ lyiikə ndəŋ ghɔ, leʼnə tɔŋ-məŋkaa-Nyii-kə ndə bə bɔ̀ŋ ndəŋ ɛŋ inchəŋ nə goo. Mu mbʉ kətɔŋ, bɔʼ-goo-kə nɔ nə bɛ muŋgɔ nə fɔyubə ndə bə tíi nə mana, leʼnə mbuu Alo ndə i nɔʼ fyùʼtə kɔ́ fyuŋbə, leʼnə baaŋ-ŋgoʼhə-bə ibûu ndə bə nyɔ̀ʼ bəŋkahə-Nyii ndəŋ ghɔ. 5 Ndəŋ mbʉ kətɔŋ, fɔ-kɔŋbɛʼ-bə nɔ kə bɛ chɔ. Bə nɔ nə kə́ tíi bɔ̂ŋ nə bəchelobiŋ* bɔ̂ŋ kə́ dʉ̀ʼ məgʉə-Nyii. Ghɔŋnətə-ʉə kwóhə mbʉ chu kətɔŋ ndə tiefɛ̀ʼndɛŋkwɛʼtəŋNyii ŋwìʼ fɔbʉəkə chɔ mbɔ Nyii chʉʼ sʉ̀fyii-i hə ndəŋ bʉ̂ʼ-bʉə-tə. Bʉʼʉ məfʉ̀ʼtə nubə inchəŋ nduɔ fɛ.

19 Ndʉʉmɛ, bə yɔ̀ʼ chu njaafɛ̀ʼndɛŋNyii ndə i bɛ yuo, mbʉ tɔŋkə ndə i kie ŋkaamə-i muŋgɔ, bə nyíɛ i kə́ tə́nə mu njaafɛ̀ʼndɛŋ-īŋ. Bə nyíɛ leʼnə-wyuu-bə, mədùŋtə ghɔŋbə fuu-yuo bɔ̀ʼtə, məŋɛ̀nə kəchisê leʼnə vii shʉ́əshʉ́ə kə́ gwùtə.