Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
Mba fhara suaŋgi kameŋ, ne rotu ga mbui tɨvi nen ki. Fhe Bakɨme rotu ga mbui phen vhɨra kha nuianan ki. Mba phen, mbe sherar ana muuŋgi. Mbe ana muuŋgiap, shaa bakɨmen rɨgara ana ntorgap, ruma phuniaŋ muuŋgi. Mba fharigi ruman mbe kendori ndi si shɨve gum mbe Fhe Bakɨme nzuav ofa mbui vikntuu ki kaa ki. Mba rum, mbe kha zɨn ana rɨgi, "Ŋgarigi Rum." Mba shaa bakɨme zɨn kɨrar ki rum, mbe khaŋ nzuai rum ma. Mba rum ana "Guigi Guarara Ŋgarigi Rum ma." Mba ruman ndɨga vhuuŋ hi ruina mpooi artar, mbe khan ana muuŋgiap, gorar ana poogi. Mba ŋanen Fhe Bakɨme mbe suaŋgi kameŋ ki kovsɨk vhɨra mba ŋanen ki. Mba kovsɨk, mbe gorar za ana poogi. Mba kovsɨga vhen, mbe gorar muuŋgi nda, mbe manan ana suegi. Ana mba kovsɨgar Aron santɨva ruigi sɨgam, ana mema ndagi. Ana vhɨra mba kovsɨgar kim, Fhe Bakɨme Isreriŋ phorga suaŋgi kameŋ, ana kɨman mparava phunin mba kameŋ khergi. Mba kameŋ khergi kɨmani vhɨra mba kovsɨgar ki. Mba kovsɨga tɨn gumgi gu mbigi muuŋgi tɨvi mbatɨgi vhɨzi ŋaneŋ ma. Fhe Bakɨme enser phunini, manin tumani, mbe ni kargim, ni vhɨra mba kovsɨga tɨn ki. Mbe mani kargim, manin vhɨgani ramramgiap, vov mba gumgi gu mbigi muuŋgi tɨvi mbatɨgi vhɨzi ŋaneŋ vharigi. Mba Fhe Bakɨme enserani, maaŋ ki ne khaŋ muuŋgi. Fhe Bakɨme vhɨra mba ŋanen ki. Gu ntigem tuituigip za mba bigi nɨɨŋge bun suaŋgirga fhu.
Mba gumgir pani suaŋgim, Fhe Bakɨme enseri, mbe Hevenan Fhe Bakɨme Phena thɨma fhɨrgi. Mbe ana fhɨrgiap, garim, Fhe Bakɨme Suaŋgi Kaman Vureŋ Ki Kovsɨk, ana phena vhen kɨrara ndarav ki. Mba buip vhekvhegap, fhura shɨkshɨga ndogi, khɨkhɨɨ bakɨvi him, buip phɨrerim, khɨmkhɨk kha nuianan him, mbok ais fara muuŋgiap nzi.