Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
ନିୟମ୍ ପେଡ଼ା
ମାରି, ୱାର୍ ରୁଣ୍ତି କିୟୁ ଅଦା ନିରିକା ମାରି ଉଣ୍ତ୍ରି କିୟୁ ଅଦା ଅସାର୍ ମାରି ଉଣ୍ତ୍ରି କିୟୁ ଅଦା ଉଛା ଆକିସିଆ ୱେର୍ଗୁଦି ଉନ୍ଡ୍ରି ପେଡ଼ା ତିଆର୍ କିନିଦେର୍ । ଆବେନ୍ ମିର୍ ନେଗି ବାଙ୍ଗାରାମ୍ଦାନ୍ ଆକା ଡାଲାୟ୍ କିନିଦେର୍; ମାରି, ଆୟା ଲୋଇ ମାରି ଆତ୍ରେ ବା ଡାଲାୟ୍ କିନିଦେର୍, ମାରି, ଆୟା ମୁସୁକୁ ସାରିବେଡ଼୍ତି ବାଙ୍ଗାରାମ୍ଦି କାତି କିନିଦେର୍ । ମାରି, ଆୟା ଉଣ୍ତିଙ୍ଗ୍ ବାଙ୍ଗାରାମ୍ତି ନାଲ୍ଗି ଆସ୍ନିକେଙ୍ଗ୍ ଚଞ୍ଚ୍ତାନ୍ ୱାକ୍ସି ଆବେଣି ନାଲ୍ଗି କନାଦୁ ସିନିଦେର୍; ଆବେଣି ଉନ୍ଡ୍ରି ତରିନ୍ ରୁଣ୍ଡି ବାନୁ ଆସ୍ନିକା ମାରି ଆଇ ତରିନ୍ ରୁଣ୍ଡି ବାନୁ ଆସ୍ନିକା ତେବାନାତ୍ । ମାରି ମିର୍ ଆକିସିଆ ମାରାନ୍ଦାନ୍ ରୁଣ୍ଡି କଣା କିଜି ବାଙ୍ଗାରାମ୍ଦାନ୍ ଡାଲାୟ୍ କିନିଦେର୍ । ମାରି, ପେଡ଼ା ପିଣ୍ଡିନି ଉଣ୍ତିଙ୍ଗ୍ ପେଡ଼ାଦି ରିଆଙ୍ଗାଁ ତରିନ୍ ମାନି ବରୋଦୁ ଆୟା କଣା ଡ଼ୁଗିସ୍ କିନିଦେର୍ । ଆୟା କଣା ପେଡ଼ାଦି ଲୋଇ ମାନ୍ଜିନାତ୍, ଆବେଣାନ୍ ସୋପ୍ତେଙ୍ଗ୍ ଆଏତ୍ । ମାରି, ନାନ୍ ମିଙ୍ଗିଁ ଆମା ରୁଣ୍ତି କାଲୁଦୁ ରାସାତି ନିୟମ ଆକୁ ସିନା, ଆକା ଆୟା ପେଡ଼ାଦୁ ଇଡ୍ନିଦେର୍ ।
ଇୟାୱେନ୍କା ମିର୍ ନେଗି ବାଙ୍ଗାରାମ୍ଦାନ୍ ରୁଣ୍ଡି କିୟୁ ଅଦା ନିରିକା ମାରି ଉଣ୍ତ୍ରି କିୟୁ ଅଦା ଅସାର୍ତି ଉନ୍ଡ୍ରି ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣା ତିଆର୍ କିନିଦେର୍ । ମିର୍ ବାଙ୍ଗାରାମ୍ଦି ରୁଣ୍ଡି ରେକାମାନି କିରୁବ ତିଆର୍ କିନିଦେର୍; ମୁଟୁଲା କତ୍ସି ଆକା ତିଆର୍ କିଜି ଆୟା ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣାଦି ରୁଣ୍ଡି ତାଲାଦୁ ଇଡ୍ନିଦେର୍ । ଉନ୍ଡ୍ରେ କିରୁବ ଉନ୍ଡ୍ରି ତାଲାଦୁ ମାରି ଆଇ କିରୁବ ଆଇ ତାଲାଦୁ ତିଆର୍ କିନିଦେର୍; ରିୟାଙ୍ଗାଁ ତରିନ୍ ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣା ୱାଲେ ମିସାକିଜି ମାରି ଆବେଣି ରୁଣ୍ଡି କନେଆଙ୍ଗ୍ ତିଆର୍ କିଜି ଇଡ୍ଦୁ । ମାରି, କିରୁବଙ୍ଗ୍ ସାମ୍ନା ସାମ୍ନି ଆଜି ରେକେଙ୍ଗ୍ ମୁସୁକୁ ପେର୍ଜି ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣା ପିଡ଼ିକ୍ନାତ୍; ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣା ଉଣ୍ତିଙ୍ଗ୍ କିରୁବଙ୍ଗା ମୋକମ୍ ତେବାନାତ୍ । ମିର୍ ଆୟା ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣା ଆୟା ପେଡ଼ା ମୁସୁକୁ ଇଡ୍ନିଦେର୍, ମାରି, ନାନ୍ ମିଙ୍ଗିଁ ଆମା ରୁଣ୍ତି କାଲୁଦି ନିୟମ୍ ଆକୁ ସିନା, ଆକା ଆୟା ପେଡ଼ା ଲୋଇ ଇଡ୍ନିଦେର୍ ।
ମାରି ନାନ୍ ଆୟା ବାଡିଦୁ ମି ୱାଲେ ବେଟ୍ଆନା ମାରି ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣାଦି ମୁସୁକୁରି ବାଗ୍ତୁ, ଇର୍ରିଙ୍ଗା, ନିୟମ ପେଡ଼ାଦି ମୁସୁକୁରି କିରୁବ ରୁଣ୍ଡି ମାଣାନ୍ ମି ୱାଲେ ୱାର୍ଗିଜି ଇସ୍ରାଏଲ ଲୋକା ବିସୟ୍ତି ନା ୱିଜୁ ମାଟା ମିଙ୍ଗିଁ ୱେର୍ନା ।
ନିୟମ୍ ପେଡ଼ା ତିଆର୍ କିନିକା
ଇୟାୱେନ୍କା ବତ୍ସଲେଲ ଆକିସିଆ ମାରାନ୍ଦାନ୍ ରୁଣ୍ତି ମୁରେଙ୍ଗ୍ ଆଦା ନିରିକା ମାରି ଉଣ୍ତ୍ରି ମୁରା ଆଦା ଅସାର୍ ମାରି ଉଣ୍ତ୍ରି ମୁରା ଆଦା ଉଛା, ଉନ୍ଡ୍ରି ନିୟମ୍ ପେଡ଼ା ତିୟାର୍ କିତାର୍
ଗୁଡ଼ା କିନିକା ମାରି ସର୍ପେ କିନିକା
ଇୟାୱେନ୍କା ପ୍ରବୁ ମୋସେଙ୍ଗ୍ ଇର୍ହାନ୍, "ନିନୁ ପାର୍ତୁମ୍ ଲେଜୁଦି ପାର୍ତୁମ୍ ଦିନ୍ତୁ ମିସାଜିସାନି ଗୁଡ଼ା ତିୟାର୍ କିନି ।" ମାରି, ଆୟା ଲୋଇ ନିୟମ୍ ପେଡ଼ା ଇଡ୍ଜି ନାଡ଼୍ମିରି ୱାତି ଡ଼ସି ଆୟା ପେଡ଼ା ପିଡ଼ିକ୍ନି ।
ମୋଶାଦି ଉଣ୍ତିଙ୍ଗ୍ ପ୍ରବୁଦି ମାଟା ଇସାବ୍ଦାନ୍ ୱାନ୍ ନିୟମ୍ ଆକୁ ଅସି ପେଡ଼ା ଲୋଇ ଇଟ୍ତାନ୍ ମାରି ପେଡ଼ାଦୁ କଣା ଗୁତ୍ସି ପେଡ଼ା ମୁସୁକୁ ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣା ଇଟ୍ତାନ୍; ମାରି ମିସାଜିସାନି ଗୁଡ଼ା ଲୋଇ ପେଡ଼ା ତାତାନ୍ ମାରି ପିଡ଼ିକ୍ନି ନାଡ଼୍ମିରି ୱାତି ଡ଼ସି ନିୟମ୍ ପେଡ଼ା ପିଡ଼ିକ୍ତାନ୍ ।
ଆଡ୍ଗିପୁର୍ ନି ମୁସ୍କୁପୁର୍ତି ପାର୍ତନା
ପାରତୁମ୍ତି ନିୟମ୍ତୁ ପାର୍ତନାଦି ସାରି ନି ଲୋକୁ ତିଆର୍କିତି ଉଣ୍ତ୍ରି ସେବା କିନି ଇଲୁ ବିସୟ୍ତାନ୍ ରାସାତା ମାର୍ହାତ୍ । ଆୟାଇସାବ୍ତାନ୍ ଉଣ୍ତ୍ରି ପାର୍ତନା କିନି ଗୁଡ଼ା ତିଆର୍ ଆତାମାର୍ହାତ୍ । ଆବେନ୍ ମାନି ପାର୍ତୁମ୍ତି ବାକ୍ରା ପବିତ୍ର ବାଡି ଇନ୍ଜିମାର୍ହାର୍ । ଇୟା ଲୋଇ ଦିୱା ଇଡ୍ନି ବାଡି, ଉନ୍ଡ୍ରି ଟେବୁଲ୍ ମାରି ଟେବୁଲୁ ମୁସୁକୁ ମାପୁରୁଦି ଉଦେସ୍ତାନ୍ ପୁଜା ସିତିମାର୍ଇ ରୁଟି ମାର୍ହାତ୍ । ପାର୍ଦା ୱେନ୍କା ଏମେ ମାରିଉଣ୍ଡ୍ରି ବାକ୍ରା ମାର୍ହାତ୍, ତାନିଙ୍ଗ୍ ମହାପବିତ୍ର ବାଡି ଇନ୍ଜିମାର୍ହାର୍ । ଆବେନ୍ ଉନ୍ଡ୍ରି ବାଙ୍ଗାଁରାମ୍ତି ଦୁପୁଣି ବେଦି ମାରି ବାଙ୍ଗାଁରାମ୍ତି ତିଆର୍ଆତି "ନିୟମ୍ ପେଡ଼ା" ମାର୍ହାତ୍ । ଇୟା ପେଡ଼ା ଲୋଇ "ମାନ୍ନା" ମାନି ଉନ୍ଡ୍ରି ବାଙ୍ଗାରାମ୍ତି ସାଟି, ହାରୋଣତି କାୟ୍ତି ବାଡିଗା ମାରି ମାପୁରୁଦି ମାଟା ରାସାତି ରୁଣ୍ତି କାଲୁକୁ ପାଟା ମାର୍ହେ । ପେଡ଼ା ମୁସୁକୁ ମାପୁରୁଦି ଆବେନ୍ମାନ୍ଜି ତରାୟ୍ଆନି ୱାଜା ରେକେଙ୍ଗ୍ମାନି ରୁଣ୍ତି ଲୋକ୍ଦି ମୁର୍ତି ମାର୍ହାତ୍ । ଇୟାକାର୍ "ପାପ୍କେମା" ବାଡି ମୁସୁକୁ ରେକେଙ୍ଗ୍ ଅସାର୍ କିଜି ତେବାତାମାର୍ହାର୍, ମାତର୍ ଇଲେଇ ଇୟା ୱିଜୁଦି ବିସୟ୍ ନେଗେନ୍ତାନ୍ ୱେର୍ତେଙ୍ଗ୍ ଦରକାର୍ ସିଲେ ।
ମୁସ୍କୁପୁର୍ଦୁ ମାନି ମାପୁରୁଦି ମନ୍ଦିର୍ ସେର୍ଲା ରେଆତାତ୍ ମାରି ମନ୍ଦିର୍ତୁ ନିୟମ୍ ପେଡ଼ା ମାନିକା ତରିତାତ୍ । ତାନିୱେନ୍କା ବାଦଡ଼ ମିରିସ୍ତାତ୍, ବିଜ୍ଡାକ୍ତାତ୍, ଭୁମିକମ୍ପ ମାରି ନାଣ୍ତ ଆଡ୍ରାଗା ପିରୁ ଆତାତ୍ ।
Este artigo te tocou? Faça uma oração!
+581 estão orando agora.
Junte-se à corrente de oração.