Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
ಒಪ್ಪಂದನೊ ಪಿಟಾರೊ
"ತೂ ಬಾವಳ್ಯನ ಝಾ಼ಡ್ಥಿ ಎಕ್ ಪಿಟಾರೊ ಕರಾವ್ಣು. ಯೊ ಅಢೈಹಾತ್ ಲಾಂಬು, ಡೋಡ್ ಹಾತ್ ಚೌ಼ಡುಬಿ ಬಿಜೂ಼ ಡೋಡ್ ಹಾತ್ ಊಚು಼ಬಿ ರ್ಹೇವ್ಣು. ಅಫುಟ್ ಖ್ಹೊನ್ನಾನ ತಗ್ಡಾವ್ನ ಇನ ಭಾರ್ಬಿ ಅಜು಼ ಮಹಿಬಿ ಲಗಾಡ್ಣು. ಇನ ಉಪ್ಪರ್ ಅಶ್ಪಿಶ್ಬಿ ಖ್ಹೊನ್ನಾನು ತೋರಣ್ ಭಂದಾವ್ಣು. ಚಾರ್ ಖ್ಹೊನ್ನಾನು ಕಾಕ್ಣಿಯೆ ಇನ ಚಾರ್ ಕೋಣಮಛಾ಼ತೆ ಎಕೇಕೆ ಗೋಡನಬಿ ಬೆಬ್ಬೆ ಕಾಕ್ಣಿಯೆನ ಘಾಲ್ನು. ಯೊ ಪಿಟಾರನ ಪಾಡಾನಖ್ಹಾಜೆ ತು ಬಾವಳ್ಯನ ಝಾ಼ಡ್ನು ಖಂಬಾವ್ನ ಬಣೈನ್ ಯೋಖ್ಹಾರನ ಖ್ಹೊನ್ನಾನ ತಗ್ಡಾವ್ನ ಮೂಚಿನ್, ಪಿಟಾರನ ಭೇಬಾಜು಼ ಛಾ಼ತೆ ಕಂಗ್ಣಿಯೆಮ ಮಳಾವ್ಣು. ಯೊ ಖಂಬಾವ್ನ ಪಿಟಾರನು ಕಂಗ್ಣಿಯೆಥಿ ನಾಕಾಡ್ಣುತೆ ಇನಾಸ್ಮ ಮ್ಹೇಲಿರಾಕ್ಣು. ಯೊ ಪಿಟಾರಮ ಮೇ ತುನ ದ್ಯವಾನು ಹುಕುಮ್ನ ಬಂಡಾನ ಪಲ್ಗಾನ ಮ್ಹೇಲ್ನು. ಅಫುಟ್ ಖ್ಹೊನ್ನಾನು ಕೃಪಾಸನ್ನ ಬಣಾವ್ಣು. ಯೊ ಅಢೈಹಾತ್ ಲಾಂಬುಬಿ, ಡೋಡ್ ಹಾತ್ ಚೌ಼ಡುಬಿ ಹುಯಿರ್ಹೇಣು. ಕೃಪಾಸನ್ನು ಬೇ ನೋಕ್ಮ ಬೇ ಖ್ಹೊನ್ನಾನು ಕೆರೂಬಿಯೇವ್ನ ನಕ್ಷಾನ ಕಾಮ್ಥಿ ಬಣಾವ್ಣು. ಕೃಪಾಸನ್ನು ಏಕೇಕ್ ಕೋಣನಾಬಿ ಏಕೇಕ್ ಕೆರೂಬಿನ ಕರೈನ್ ಇನ ಕೃಪಾಸನ್ನ ಜೋ಼ಡ್ ಕರ್ನು. ಯೊ ಕೆರೂಬಿಖ್ಹಾರು ಉಪ್ಪರ್ ಫಾಕ್ಡಿಯೇನ ಫಖ್ಹಾರಿರಾಖನಿತರಬಿ ಅಜು಼ ಕೃಪಾಸನ್ನ ಇನಿ ಫಾಕ್ಡಿಥಿ ಢಾಪಿರಾಖನಿತರಬಿ ರ್ಹೇವ್ಣು. ಇವ್ಣು ಮ್ಹೋಡುಖ್ಹಾರು ಆಮೆಖ್ಹಾಮೆಥಿ ಕೃಪಾಸನ್ನ ದೇಖನಿತರ ರ್ಹೇವ್ಣು. ಯೊ ಕೃಪಾಸನ್ನ ಪಿಟಾರನ ಉಪ್ಪರ್ ಮ್ಹೇಲ್ನು. ಮೇ ತುನ ದ್ಯವಾನು ಹುಕುಮ್ನು ಲೀಖ್ಯಾವ್ನ ಯೊ ಪಿಟಾರನ ಮಹಿ ಘಾಲ್ನು.
ಹಿಜ಼್ಜಸ್ ಮೇ ತುನ ದರ್ಶನ್ ದಿಶ್. ಕೃಪಾಸನ್ನ ಉಪ್ಪರ್ ಹುಕುಮ್ನಿ ಲೀಖ್ಯಾವ್ನ ಮ್ಹೇಲಿರಾಖ್ಯುತೆ ಪಿಟಾರನ ಉಪ್ಪರ್ ಬೇ ಕೆರೂಬಿಯೇವ್ನ ಬೀಚ್ಮಾಸ್ ಮೇ ರ್ಹೀನ್ ತುಮಾರ ಜೋ಼ಡೆ ವಾತೆ ಬೋಲಿನ್ ತು ಇಸ್ರಾಯೇಲ್ವಾಳನ ಹುಕುಮ್ ಕರ್ನುತೆ ಹಿಡಿ ವಾತೇವ್ನ ಬೋಲಿದಿಶ್.
ಒಪ್ಪಂದಾನು ಪಿಟಾರನಿ ತಯಾರ್
ಬೆಚಲೇಲನೆ ಬಾವಳ್ಯನ ಝಾ಼ಡ್ಥಿ ಒಪ್ಪಂದಾನ ಪಿಟಾರನ ಕರ್ಯೊ. ಯೊ ಅಢೈಹಾತ್ ಲಾಂಬು, ಡೋಡ್ ಹಾತ್ ಚೌ಼ಡುಬಿ ಅಜು಼ ಡೋಡ್ಹಾತ್ ಊಚು಼ಬಿ ಹುಯಿರ್ಹುಥು.
ಯೆಹೋವನಿ ಸನ್ನಿದಿಮ ಡೇರಾನ ಭೀರಾಖ್ಯೊತೆ
ಯೆಹೋವ ದೇವ್ನೆ ಮೋಶೆನ ಪಹಿಲ ಮಹಿನಾನ ಪಹಿಲ ದನ್ನೆ ತೂ ದೇವ್ನ ದರ್ಶನ್ನ ಡೇರಾನ ಪಾಡಿನ್ ಭೀರಾಕ್. ದಖ್ಹ್ ಹುಕುಮ್ನ ಪಲ್ಗಾನ ಪಿಟಾರನ ಇನಾಮ ಮ್ಹೇಲಿನ್ ಯೊ ಪಿಟಾರನ ಪಡ್ದೇಥಿ ಓಠೊಕರ್.
ಹುಕುಮ್ನ ಪಲ್ಗಾನ ಪಿಟಾರಮ ಮ್ಹೇಲಿನ್ ಪಿಟಾರನ ಲಠ್ಠೇಥಿ ಖ್ಹಪ್ಡೈನ್ ಕೃಪಾಸನನ ಮ್ಹೇಲಿರಾಖಿನ್, ಪಿಟಾರನ ಡೇರಾನಮಹಿ ಲಯಿನ್, ಇನ ಖ್ಹಾಮ್ಣೆ ಪಡ್ದಾನ ಠಂಗೈನ್, ಯೆಹೋವ ಹುಕುಮ್ ಕರ್ಯೊತೆತಿಮ್ ಮೋಶೆ ಹುಕುಮ್ನು ಪಲ್ಗಾನ ಪಿಟಾರನ ಓಠೊಕರ್ಯೊ.
ಧರ್ತಿನು ಅಜು಼ ಪರಲೋಕ್ನು ಆರಾದನೆ
ಪಹಿಲ ಒಪ್ಪಂದಾಮ ಆರಾದನೇನು ರೀತಿರಿವಾಜ್ ಅಖ್ಖುಥು ಅಜು಼ ಯೊ ಝ಼ಗೋ ಅಛ್ಛು಼ಥು. ಏಕ್ ದೇವ್ನೊ ದರ್ಶನನೊ ಡೇರೊ ಭಾರ್ ಠೋಕೈರ್ಹಿನ್, ಇನ ಪಹಿಲ ಭಾಗ್ಮ, ಇನ ಪವಿತ್ರಝ಼ಗೊಕರಿ ಬೋಲ್ತುಥು. ಇನಾಮ ದೀವೊ, ಮೇಜ್ ಅಜು಼ ದೇವ್ನ ಸಮರ್ಪಣ್ಕರ್ಯೊ ಹುಯೊ ರೋಟೊ ಹಿಜ್ಜಾ಼ ರ್ಹೇತುಥು. ಅಜು಼ ಬೇನು ಪಡ್ದಾನ ಪೀಠೆ ರ್ಹೇಸ್ತೆ ಕೋಣಾನ, ಘಣು ಪವಿತ್ರಝ಼ಗೊಕರಿ ಬೋಲ್ತುಥು. ಇನಾಮ ಖ್ಹೊನ್ನಾನಿ ಖ್ಹಾಲರ್ಯಾನು ಢಾಕ್ಣಿಬಿ ಅಜು಼ ಖ್ಹೊನ್ನಾನು ತಗ್ಡು ಲಗಾಡ್ಯುಹುಯು ಒಪ್ಪಂದಾನು ಪಿಟಾರೊ ಥು. ಯೋ ಪಿಟಾರಾಮ ಮನ್ನ ನಖೈರ್ಹಯುಹುಯು ಖ್ಹೊನ್ನಾನಿ ಕಟೋರೊಬಿ, ಆರೋನನು ಚಿಗುರ್ ಮ್ಹೇಲ್ಯೊಹುಯೊ ಲಠ್ಠೊ ಅಜು಼ ದಖ್ಹ್ ಹುಕುಮ್ ಲಿಖಾಯುಹುಯು ಒಪ್ಪಂದಾನು ಬೇ ಬಂಡಾನು ಪಲ್ಗು ಥು. ಯೊ ಪಿಟಾರನಪರ್ ದೇವ್ನು ಮಹಿಮೆನು ವತಾಳನು ಕೆರೂಬಿಕರಿ ಬೇ ಪರಿಯೇ ಫಾಕ್ಡಿ ಪಖ್ಹಾರಿನ್ ಯೊ ಝ಼ಗೊ ಅಖ್ಖು ಮೂಚಿರಾಖ್ಯುಥು. ಇನ ಹಮ್ಕೆ ಏಕೇಕ್ ಛೋ಼ಡಿಬೋಲಾನ ಕೊಹೊಯ್ನಿ.
ತದೆ ಸೊರ್ಗಾಮ ಥೂತೆ ಮಂದಿರ್ ನಿಕ್ಳ್ಯು. ದೇವ್ನ ಮಂದಿರ್ಮ ಇನು ಒಪ್ಪಂದನೊ ಡಾಬೊದೆಖಾಯು. ಆಸ್ಕಾಹೆತೆ, ಘಲಾರನು, ಘೂಂಜಾ಼ನು, ವಿಜ಼್ಳಿ ಖಡ್ಕಿನ್ ಭೂಕಂಪ್ಹುಯು. ಅಜು಼ ಮೋಟ ಗಾರಾನೊ ವರ್ಖ್ಹಾತ್ ಹುಯು.