Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ती परमेश्वर न नुह सी कयो, "सब जिवो क खोतोम कोरने क सोवाल मारे ओगोव आय गोयलो छे काहकी हेन्दरे कारण कोळी झगड़ो करावनो सी भोराय गोयली छे, ओतरान कोरिन हांव हेनुक कोळी भेळ नाश कोर दीस। ओतरान कोरिन तु गोपोर झाड़ क लाकड़ा क एक ढोन्डयो बोनाव, तेरेमा खुल्या बनावजी, आरु माहाय खोयड़े हेना पोर राल लागाड़जी। इने रीते तु बोनावजी: ढोन्डया क नाम्बाय तीन सोव हात, चोवड़ो पोचास हात, आरु उचो तिस हातोन रोहे। ढोन्डया मा एक खिड़की बोनावजी, आरु एक हात उपोर सी ओकी छोत बोनावजी, आरु ढोन्ड्या क एकुत झोपलु राखजी; आरु ढोनड्या मा पेहलु, दुसरु, तिसरु खोण्डे बोनावजी।
तोत्यार योहोवा भगवान नुह सी कयो, "तु आपसा आखा घोरल्याक लीन ढोन्ड्या मा जा; काहकी हांव इनु टेम क मानसो मा सी तुखेत मारी निंगा मा धोरमी जोड़लु छे।
नुह आपसा पुर्या, लाड़ी, आरु उहड़सीया भेळ जल–प्रलय सी वाचने क लिय ढोन्ड्या मा गोया। (मत्ती 24:38-49, लुका 17:27) चुखला आरु विटोळ, दुयु भातीन क ढुरो मा सी, चिल्ला, आरु कोळी पोर रेंगनेवाळा जिवो मा सी वी, दुयदुय, अर्थात् नर आरु मादा, ढोन्ड्या मा नुह क पास गोया, जोसु परमेश्वर नुह क हुकुम आप्यो हुतो। सार दाहड़ा क वाद प्रलय क जळ कोळी पोर आवने लाग्यो।
आरु जर गोया चे परमेश्वर क हुकुम क ओनसारे आखी जाति क जिवो मासी नर आरु मादा गोया। ती योहोवा न ढोन्ड्या क झपलो बोन्द कोर दिदो।
कोळी पोर चावीस दाहड़ा लोगुन जल–प्रलय होयतो रोयो; आरु पानी बेसको बोड़तो गयो, जिनासी ढोन्ड्यो उपोर क उठने लाग्यो; आरु हुयो धोरती पोर सी उचो उठ गयो। जळ जाद् जादा धोरती पोर बेसको बोड़ गोयो, आरु ढोन्ड्यो पानी क उपोर झेपतो रोयो।
आरु काय मानसे, काय ढुरे, काय रेंगनेवाळा जिवे, काय आकाश क चिल्ला, जे धोरती पोर हुता आखा कोळी पोर सी मोर मिट गोया; केवल नुह, आरु जोतरा ओका सात ढोन्ड्या मा हुता, चेत वाच गोया।
आरु डेड़ सोव दाहड़ा क वाद मा जळ धरती पोर गुथो घोटने लागयो। सातवा महीना क सत्रवे दाहड़े, ढोन्ड्यो अरारात नावन बयड़ा पोर टेक गियो।
ओळतेन ओसो हुयो कि चाळीस दाहड़ा क वाद मा नुह आपसा बोनावला ढोन्यान खिड़की उगाड़ीन, एक हाड़गावाक उड़ाय दिदो: जोत्यार लोगुन पानी धोरती पोर गोथो सुख्यो नी, तालोक लोगुन हाड़गावो ओथोन ओथो फिरतो रोयो। ओळतेन हेर जुळ एक पेरवी काजे वी उड़ाय देदो ने देख्यो कि जळ धोरती पोर सी घोट्यो की नी। तेनी पेरवी काजे आपसा पाय टेकवने वाटे काय साहरो नी जोड्यो, ती ची पोछी तेरेनचा ढोन्ड्या पोर आतरोय : काहकी आखी धोरती पोर पानी त् होतो। तोत्यार हात ओगु कोरीन आपसान चा ढोन्ड्या मा ली लेदो। तोत्यार ओवी सात दाहड़ा वीत गोया ने, हुयो तेनीत पेरवी काजे ढोन्ड्या मा सी ओळी उड़ाय देदो: आरु पेरवी सान्ती क टेम ओका पास मा आय लागी, ती काय देख्यो की ओकी चोंच मा जैतुन क एक पान्टो छ: एना सी नुह जान लेदो की जळ धोरती पोर गोथो घोट गोयो। ओळतेन नुह सात दाहड़ा आरु वाट जुवीन तेनीत पेरवी क उड़ाय दिदो: आरु ओळतेन ची पेरवी तेरेनचा पोछी फीरीन नी आवी।
नुह की उमोर छोव सोव एक साल क पेहले मोहिने क पेहले दाहड़े जळ धोरती पोर गोथो सुक गोयो। तव
तोत्यार परमेश्वर नुह क कयो, तु तारा पुर्या, घोरवाळी आरु उहुड़सीया आखाक लिन ढोन्ड्याम मा सी बाहर नीकोळी जा। काय चिल्ला, काय ढुरे, काय आखी भातीन क रेंगनेवाळा जिवे जे कोळी पोर रोवे–जोतरा डीलोवाळा जीवजन्तु तारे पुठी छे, तेनु आखाक तारे साते निकाय ले की कोळी पोर तेन्दरा घोना पुर्या होये आरु चे फुले फलें, आरु कोळी पोर खोव्वाय जाए।
ओळतेन परमेश्वर नुह आरु ओका पुर्या से कयो, "सोमळु, हांव तुमरे साते आरु तुमरे वाद मा जी तुमरी ओवलियाद होयसे, ओका सात मा वी वायदु बाधो; आरु आखा जीवतला जीवो सी वी जे तुमरे साते छे काय चिल्ला काय पावन्या ढुरे काय कोळी क सब बनेले ढुरे, कोळी क जोतरा जिवजोनतु ढोन्ड्या सी निकोवला छे। आरु हांव तुमरे साते आपसु यु वायदु बांधो कि आखा जिव ओळतेन जळ–प्रलय सी नष्ट नी होयसे: आरु कोळी क नाश कोरने क लिय ओळी जळ–प्रलय नी होयसे।"
हांव वादळा मा आपनु बाम मेकलु छे, चो मारे आरु कोळी क विच मा वाचा क सोहलानी रोहसे।
विश्वास ही छे नूह ने उन वातन विषय मा जो उना टेहाव देखाय नी पड़ती होती, चेतावनी देखीन भक्ति क साथे आपने घराने क बचाव क करता ढोंड्या बनाड़े, आरू ओका द्वारा त्यो संसार क दोषी ठेराया; आरू ओको न्यायपन क वारीस होया जो विश्वास छे हुता छे।
जा ओको बीते टेहाव मा हुकुम नी मानी, जव यहोवा–भगवान नूह क ढोंड्या बन रया हुता, बठीन थुड़ा मानसे मतलब आगठा मानुस पानी क द्वारा वाच गया। तीनी बपतिस्मा क सपनो भी, मतलब ईशु मसीह क जीवन उठने क द्वारा, हिमी तुमूक वाचाड़ छे, पुन विवेक छे यहोवा–भगवान क वश मा होय जाने क मतलब छे। वो सोरगदूत पर जायन यहोवा–भगवान क जेवड़ा तरफ बठ गया; आरू सोरगदूत आरू शक्ति ओका हको तळे कर्या गया छे।
जसो नूहा दाहड़ा मा हुतो, वसोत मानुस क पोर्या क आवनो भी हुयसे। काहकि जसो पानीन प्रलय आवने क दाहड़ा सी पेहला दाहड़ा मा, जिने दाहड़े तक कि नूहन ढोंड्या पर नी चढ़ियो, उना दाहड़े तक लोगहन खाता–पीता हुता, आरू इहाव वियाव हुयती हुती। आरू जव तक जल प्रलय आवीन ओको सब क उहवाड़ी नी ली गयो, तव तक उन लोगहन क काय भी नी मालोम पड़ियो; वसोत मानुस क पोर्या क भी आवनो हुयसे। उना दाहाड़ा मा दूय जन खेत मा काम कर रया हसे, ते एक उठाय लेदो जासे, आरू दिसरा क छुड़ दियो जासे। दूय बायर चक्की दळती रहसे, एक एक क उठाय ली जासे, आरू दिसरी छुड़ दि जासे।