यहोवा–भगवान क खुश करनेवावा जीवन
1 एरकरीन हे भाईस, आरू बहनीस हामु तुमू छे रावन्या करता छे आरू तुमू पोरबु ईशु मा समझाता छे कि जोसो तुमू नी हामु छे योग्य चाल चालने आरू यहोवा–भगवान क खुश करने सिख्या छे, आरू जोसो तुमू चालता भी होय, ओसो ही आरू भी बढ़तो जाय। 2 काहकि तुमू जानता होय कि हामु नी पोरबु ईशु कि आरू छे तुमू कुन कुन सी शिक्षा आपी। 3 काहकि यहोवा–भगवान कि मरजी यो छे कि तुमू चुखलो बन्या; आरू व्यभिचार छे वाच रया, 4 आरू तुमू मा छे हर एक चुखला आरू विजुत क साथे आपने बायर क व्यवहार करनो जूवे। 5 आरू यो काम लालोच छे नी, आरू नी आरू नी उन जाति क समझ जो यहोवा–भगवान क नी जानता 6 आरू ची वात मे कयो वो भाईस्योक नी ठगनो आरू ओका पर यहोवा भगवान सब वातन हिसाब लेनु छे, जोसो कि पेहले से कय रयु होतु। 7 काहकि यहोवा–भगवान ने हामु विटळ जीवने क करता नी, पुन चुखलो हुयने क करता बुलाया छे। 8 इनीये कारण जो इनाक तुच्छ जानता छे वो मानुस क नी पुन यहोवा–भगवान क तुच्छ जानता छे, जो आपसा चुखलो आत्मा तुमू मा देता छे।
9 पुन भाईचारे कि प्रेम क विषय मा यो छाची नी कि हाव तुमरे साथे काही लिख्यो काहकि आपस मा मोंग राखने तुमू ने आप ही यहोवा–भगवान छे सिख्या छे। 10 आरू सब मकिदुनिया क सब भाईस क साथे प्रेम करता भी होय। पुन हे भाईस, आरू बहनीस हामु तुमू समझता छे कि आरू भी बढ़ता जाय। 11 आरू जोसो हामु तुमू क हुकुम देदी छे, ओसो ही त्योपचाप रयने आरू आपनो–आपनो कामाकाज करने आरू आपने–आपने हात छे कमायने क कोशिष करू। 12 ताकि बाहरतावावा छे विजुत हासिल करी आरू तुमू काही समान कि घटी नी होय।
ईशु क पोछो आवने
13 हे भाईस, आरू बहनीस हामु नी जानता कि तुमू ओको विषय मा जो मरला छे, विनअकलिया रयो; ओसो नी होय कि तुमू दिसरा क सामने शोक कर्या जीने आश नी। 14 काहकि यदि हामु विश्वास करता छे कि ईशु मरला आरू जीवीन भी उठाय, तो ओसो ही यहोवा–भगवान तीनुक भी जो ईशु मा मरला गया छे, तीनी क साथे ली आवसे। 15 4:15 1 कुरन्थियो 15:51,52काहकि हामु पोरबु क वचन क लारे तुमू छे यो कयता छे कि हामु जो जीवता छे आरू पोरबु क आवने तक वाच रये, सुया होया छे कदी अगो नी बडछे। 16 काहकि पोरबु आप ही सोरग छे उतरसे; उना टेहाव ललकार, आरू प्रधान क ओवाज सोमवाय देसे, आरू यहोवा–भगवान कि भेहरी वाजाड़ी जाछे; आरू जो मसीह मा मरला छे, वो पेहल जीवन उठसे। 17 तव हामु जो जीवता आरू वाचा रोवछे ओको साथे वादवा पर उठाय लेदा जाछे कि हवा मा पोरबु छे मिव्यो; आरू इनी रीति छे हामु सदा पोरबु क साथे रोवछे। 18 इनीये प्रकार इन वात छे एक दिसरा क बढ़ावु दिया करो।