Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ଆସୁଟ୍ ପରମେଶ୍ୱର ନୋହଙ୍କ୍ କେତ୍ତଣ୍ଡ୍, ମା ଗାରେ ସାରେ ନାରୁଡ଼୍ ଡଲାନାଦ୍ କାଲାମ୍ ହେଉତା; ଆଦିଙ୍କ୍ ଆୱିନ୍ ତଡ଼୍ ପୃତିବି ପାପତେ ନିଣ୍ଡି ମିନ୍ଦେ; ମେଣ୍ଡେ ଉଡ଼ା, ମାମ୍ମେ ପୃତିବୀ ତଡ଼୍ ଆୱିଙ୍କ୍ ନଷ୍ଟ ମାଡ଼ିତମ୍। ନିମେ ଦେବଦାରୁ ୱେର୍କ୍ତେ ଅଣ୍ଡୟ ଜାହାଜ ତିଆର୍ ମାଡ଼ା; ଆଦିନ୍ ଲୋପେ ୱେର୍ ୱେର୍ ବାକ୍ଡ଼ା ତିଆର୍ ମାଡ଼ି ଆଦିନ୍ ଲୋପେ ନୁ ବାୟ୍ଦେ ଦୁପାମ୍ ତଡ଼୍ ଉସା। ଆଦିଙ୍କ୍ ଇଦ୍ ଲେକାମ୍ ତିଆର୍ ମାଡ଼ିତି; ଲାଟି ତିନିଶହ କାୟ୍, ଗାଲ୍ ପଚାଶ୍ କାୟ୍, ପର ତିରିଶ୍ କାୟ୍ ଆଦ୍ତେ । ପରକଞ୍ଚ୍ ଅଣ୍ଡୟ୍ କାୟ୍ ୱିଡ଼୍ସି ଜରକା ମାଡ଼ିତିନ୍, ମେଣ୍ଡେ ଆଦିନ୍ ଗାରେ ଆର୍ର ନେଃତିତିନ୍; ମେଣ୍ଡେ ଆଗେତ୍ ଅଣ୍ଡୟ୍ ତାଲା, ରେଣ୍ଡ୍ ତାଲା ନୁ ମୁଣ୍ଡ୍ ତାଲା ମାଡ଼ିତିନ୍।
ଅନନ୍ତର ସଦାପ୍ରବୁ ନୋହଙ୍କ୍ କେତ୍ତଣ୍ଡ୍, ନିମେ ମି ପରିବାର୍ତଡ଼୍ ଜାହାଜତାଗ୍ ଅସାଟ୍; ବାତେଙ୍କ୍ଇତ୍କେ ଇ କାଲାତେ ନାରୁଡ଼୍ ଲୋପେଙ୍କ୍ ମାମ୍ମେ ମା ମୁନେ ନିକିଙ୍କ୍ ଦାର୍ମିକ୍ ଉଡ଼ିମିନ୍ଦେମ୍।
ଆଦିଙ୍କ୍ ଏର୍ମୁଃତାଗାଙ୍କ୍ ଗେଲ୍ସାନ୍ ମାଇଦିଙ୍କ୍ ନୋହ ନୁ ଅନ୍ ମୁତେ ମେଣ୍ଡେ ମାର୍କିଡ଼୍ ନୁ ମାର୍କିଡ଼୍ ମୁତେକି ଜାହାଜ୍ତାଗ୍ ଅସ୍ତା। ମେଣ୍ଡେ ନୋହନ୍ ପ୍ରତି ପରମେଶ୍ୱରତେ ଆଦେଶ୍ ଅନୁସାରେ ଶୁଚି ନୁ ଅଶୁଚି ଜିୱାକ୍ ପିଟେ ନୁ ନେଲ୍ ଆକାନ୍ ମେଟେତ୍ ପଶୁ ଯୋଡ଼୍ ଯୋଡ଼୍ ଆସ୍ ନୋହତେ ଗାରେ ଆଞ୍ଜ୍ ଜାହାଜତାଗ୍ ଅସ୍ତା। ମେଣ୍ଡେ ଆ ସାତ୍ଦିନାତେ ପେର୍କେ ପୃତିବିତାଗ୍ ଏର୍ମୁଃତାନାଦ୍ ଆରାମ୍ ଆତ୍ତେ ।
ପରମେଶ୍ୱରତେ ଆଦେଶ୍ ଲେକାମ୍ ସାରେ ପ୍ରକାର୍ତେ ଅଣ୍ଡ ଅଣ୍ଡ ପତ୍ ଡାଡେ ଅସ୍ତା; ଆସୁଟ୍, ସଦାପ୍ରବୁ ତାନ୍ ଗାରେତ୍ ଆର୍ଦିଙ୍କ୍ ବନ୍ଦ ମାଡ଼୍ତଣ୍ଡ୍।
ଅନନ୍ତର ଚାଲିଶ୍ ଦିନ୍ଯାକ ପୃତିବିତାଗ୍ ଏର୍ମୁଃତାନାଦ୍ ଆତ୍ତେ; ମେଣ୍ଡେ ଏର୍ ନାର୍ଗେ ଆସ ଆସ ଜାହାଜ ବୁମ୍ତିଙ୍କ୍ ୱିଡ଼୍ସି ଏର୍ଦାଗ୍ ଆଦାନଙ୍କ୍ ପସ୍ପତେ। ମେଣ୍ଡେ ପୃତିବିତାଗ୍ ଏର୍ ନାର୍ଗେ ଆସ ଆସ ଜାହାଜ ଏର୍ ପର ଆଦୁତ୍ ।
ଆଦେ ଲେକାମ୍ ପୃତିବିତେ ସାରେ ପ୍ରାଣି ନଷ୍ଟ ଆତ୍ତା, ଇତ୍କେ, ନାରୁଡ଼୍, ପଶୁ, ମେଟେତ୍ ଜନ୍ତୁ, ପାର୍ତାନ୍ ପିଟେ, ସାରେ ପୃତିବିତାଗାଙ୍କ୍ ନଷ୍ଟ ଆଦ୍ତେ, ମାତର୍ ନୋହ ନୁ ଜାହାଜ୍ତାଗ୍ ମାନ୍ଦାନଡ଼୍ ସାରେତଡ଼୍ ଗେଲ୍ସ୍ତଡ଼୍।
ଆସୁଟ୍ ପୃତିବିତାଗାଙ୍କ୍ ଏର୍ ପଙ୍ଗି ଶହେ ପଚାଶ ଦିନ୍ତେ ପେର୍କେ କମ୍ ଆତ୍ତେ । ଆସୁଟ୍ ସାତ୍ ନେଲ୍ଞ୍ଜିନ୍ ସତର ଦିନାତେ ଆରାରାଟ୍ ମେଟେତ୍ ପର ଜାହାଜ ଅଟ୍କେମ୍ ଆସ୍ମାତ୍ତା
ମେଣ୍ଡେ ଚାଲିଶ ଦିନ୍ତେ ପେର୍କେ ନୋହ ତିଆର୍ ମାଡ଼୍ତେ ଜାହାଜ୍ତେ ଜର୍କା ତେର୍ସିତ୍ତଣ୍ଡ୍; ନୁ ୱେରଡ଼୍ କାୱାର୍ତିଙ୍କ୍ ପାର୍ସ୍ପିତ୍ତଣ୍ଡ୍; ଆସୁଟ୍ ପୃତିବିତେ ଏର୍ ଇଡ଼୍କ୍ନା ଯାକ ଆଦ୍ ଇକ୍ ଆକ୍ ଉଡ୍ତେ। ମେଣ୍ଡନ୍ ଦାମ୍, ନୋହ ବୁମ୍ତେ ଏର୍ କମ୍ଆଦାନାଦ୍ ବୁଜେମ୍ଆଦାନ୍ ମାଇଦିଙ୍କ୍ ୱେରଡ୍ ପାର୍ୱାତିଙ୍କ୍ ପାର୍ସ୍ପିତ୍ତଣ୍ଡ୍; ଆସୁଟ୍ ପୃତିବି ଏର୍ଦେ ନିଣ୍ଡି ମାନ୍ନାଙ୍କ୍ ପାର୍ୱା ନିଜର୍ ପାଦାମ୍ ୱାଟାନ୍ ପଡ଼୍ୟ୍ ଦର୍କ୍ୱାଙ୍କ୍ ଜାହାଜ୍ତାଗ୍ ତାମ୍ ଗାରେ ମାଲ୍ସ୍ ୱାତ୍ତେ; ଆସୁଟ୍ ଅଣ୍ଡ୍ କାୟ୍ ଆସ୍ ତାଙ୍କ୍କିଙ୍କ୍ ପୟ୍ସ୍ ଜାହାଜ୍ତେ ଲପେ ନିଜର୍ ଗାରେ ତାତ୍ତଣ୍ଡ୍। ମେଣ୍ଡେ ସାତ୍ ଦିନ୍ ଲେଟ୍ ମାଡ଼୍ତେ ପେର୍କେ ଅଣ୍ଡ୍ ଆ ପାର୍ୱାତିଙ୍କ୍ ମେଣ୍ଡନ୍ଦାମ୍ ଜାହାଜ୍ତାଗାଙ୍କ୍ ପାର୍ସ୍ପିତ୍ତଣ୍ଡ୍; ଆସୁଟ୍ ପାର୍ୱା ମୁଲ୍ପୁଟ୍ ତାନ୍ ଗାରେ ମାଲ୍ସ୍ ୱାତ୍ତେ; ମେଣ୍ଡେ ଉଡ଼ାଟ୍, ତାନ୍ ମୁକୁର୍ତାଗ୍ ଜୀତ ମାଡ଼େତ୍ ପୁଃନେ ଆକ୍ ମାତ୍ତେ; ଆସୁଟ୍ ପୃତିବିତେ ଏର୍ କମ୍ଆତ୍ତେ, ଇଦ୍ ନୋହ ପୁତ୍ତଣ୍ଡ୍। ମେଣ୍ଡେ ସାତ୍ ଦିନ୍ ଲେଟ୍ ମାଡ଼ି ଅଣ୍ଡ୍ ଆ ପାର୍ୱାତିଙ୍କ୍ ମେଣ୍ଡନ୍ଦାମ୍ ପାର୍ସ୍ପିତ୍ତଣ୍ଡ୍, ମାତର୍ ଆଦ୍ ମେଣ୍ଡନ୍ଦାମ୍ ତାନ୍ ଗାରେ ମାଲ୍ସ୍ ୱାଡ଼।
ନୋହନ୍ ବୟସ୍ତେ ଛଅଶହ ଅଣ୍ଡୟ୍ ବର୍ଷ ପ୍ରତମ୍ ନେଲ୍ଞ୍ଜ୍ତେ ପ୍ରତମ୍ ଦିନ୍ତେ ପୃତିବୀ ପରକଞ୍ଚ୍ ଏର୍ ୱାସ୍ତେ; ଆସୁଟ୍ ନୋହ ଜାହାଜ୍ତେ ମୁର୍ସ୍ତିଙ୍କ୍ ତେୟ୍ସ୍ ଉଡ଼୍ତଣ୍ଡ୍, ବୁମ୍ତିଙ୍କ୍ ୱାସ୍ତାଦ୍ ଉଡ଼୍ତଣ୍ଡ୍।
ତାନ୍ପେର୍କେ ପରମେଶ୍ୱର ନୋହଙ୍କ୍ କେତ୍ତଣ୍ଡ୍, ନିମେ ନି ମୁତେ ନୁ ମାର୍କିଡ଼୍ ନୁ ମାର୍କିଡ଼୍ ମୁତେକିଙ୍କ୍ ତଡ଼େକ୍ ପୟ୍ସ୍ ଜାହାଜ୍ତାଗାଙ୍କ୍ ବାୟ୍ଦେ ପେଇସ୍ ଆନୁଟ୍। ମେଣ୍ଡେ ନି ତଡ଼୍ ମାନ୍ଦାନ୍ ପଶୁ, ପିଟେ ନୁ ନେଲ୍ ମେୟାନ୍ ମେଟେତ୍ ସାରେ ଜିୱାକ୍ ବାୟ୍ଦେ ପୟ୍ସ୍ ଅୟ୍ମ୍; ଆୱ୍ ପୃତିବିତିଙ୍କ୍ ବର୍ତ୍ତି ମାଡ଼ି, ମେଣ୍ଡେ ପୃତିବିତାଗ୍ ପ୍ରଜାନଡ଼୍ ନୁ ନାର୍ଗେ ପିଲୁଡ଼୍ ଆୟି।
ଅନନ୍ତର ପରମେଶ୍ୱର ନୋହଙ୍କ୍ ନୁ ତାନ୍ ତଡ଼୍ଦେ ମାର୍କିଡ଼୍କ୍ କେତ୍ତଣ୍ଡ୍, ଉଡ଼ାଟ୍, ମି ତଡ଼୍ ନୁ ମି ମୁନେତ୍ ପିଲୁଡ଼୍ତେ ନିୟମ୍, ନୁ ମି ତଡ଼୍ଦେନଡ଼କ୍ ସାରେ ଜିୱାକ୍କିନ୍ତଡ଼୍ ଇତ୍କେ, ଜାହାଜ୍ତାଗାଙ୍କ୍ ପେୟ୍ତେ ନାର୍ଦେ ନୁ ମେଟେତ୍ପଶୁ ନୁ ପିଟେ ଲେକାମ୍ ପୃତିବୀତେ ସାରେ ଜିୱାକିନ୍ ତଡ଼୍ ମାମ୍ମେ ମା ନିୟମ ତିଆର୍ ମାଡ଼ିମିନ୍ଦେମ୍। ମାମ୍ମେ ମି ତଡ଼୍ ଇ ନିୟମ୍ ମାଡ଼ିତମ୍, ସାରେ ଜିୱାକିଙ୍କ୍ ଏର୍ ମୁହୁଃତାନାଦିନ୍ ତଡ଼୍ ମେଣ୍ଡେ ଦଂସ ଆୟ; ମେଣ୍ଡେ ପୃତିବୀତିଙ୍କ୍ ନଷ୍ଟ ମାଡ଼ାନ୍ ମାଇଦିଙ୍କ୍ ମେଣ୍ଡେ ଏର୍ ମୁହୁଃତାନାଦ୍ ଆୟ।
ମାମେ ମାବ୍ତାଗ୍ ମାୟାଦ୍ ୱିଲ୍ ତିଆର୍ ମାଡ଼୍ତମ୍, ଆଦ୍ ପୃତିବୀ ତଡ଼୍ ମା ନିୟମ୍ତେ ଚିହ୍ନେ ଆଦ୍ତେ ।
ବିଶ୍ୱାସ୍ତେ ମାଇଦିଙ୍କ୍ ନୋହ ପୁନ୍ୱାମାତା ବିଷୟ୍ତେ ଇଶ୍ୱରନ୍ ସତର୍କ ବାଣୀ କେଞ୍ଜିମାତଣ୍ଡ୍ । ଅଣ୍ଡ୍ ଇଶ୍ୱରନ୍ ଗଟ୍ତେ ମାଞ୍ଜ୍ମେଣ୍ଡେ ଅରଟ୍ ଜାହାଜ୍ ତିଆର୍ ମାଡ଼୍ତଣ୍ଡ୍ । ଆଗା ଅଣ୍ଡ୍ ନୁ ତାନ୍ ଲୋତ୍ତେ ମୁଲ୍ସାର୍ରେତଡ୍ ଗେଲ୍ସି ମାତ୍ତଡ୍, ବୁମ୍ତାଗ୍ ମାନ୍ଦାନଡ୍ ସାର୍ରେ ଦଣ୍ଡ୍ ପାଏମ୍ ଆତ୍ତଡ୍, କିନ୍ତୁ ନୋହ ବିଶ୍ୱାସ୍ତେ ମାଇଦିଙ୍କ୍ ସାୟେତ୍ ପୁରସ୍କାର୍ ଦର୍କ୍ସ୍ତଣ୍ଡ୍ ।
ନୋହ ଜାହାଜ୍ ମାଡ଼ାନ୍ ସମୟତେ ଇଶ୍ୱର୍ ଦୈର୍ଯ୍ୟତେ କେପିମାତ୍ତନ୍ । ଆସୁଙ୍କ୍ ବେନ୍ ନାରୁଡ଼୍ ଇଶ୍ୱର୍ତଡ଼୍ ଉର୍ଗାଡ଼୍ ଆତ୍ତଡ଼୍, ଆ ପରୁତେ ଆତ୍ମା ଆଦୁତଡ଼୍ ଅଡ଼୍ଲେକେମ୍ । ବେନ୍ ସୁକୁକ୍ ବେସ୍କ୍ତୁଡ଼୍ ସାରେ କାଇଲି ଆଟ୍ଜାନ୍ ମାତର୍ ଗାଟି ୱାର୍ସାମ୍ତାଗାଙ୍କ୍ ରକ୍ଷା ପାଏମ୍ ଆତ୍ତଡ଼୍, ଅଡ଼୍ ମିକିଙ୍କ୍ ପରିତ୍ରାଣ ସାଦନ୍ ମାଡ଼ିମାନ୍ଦାନ୍ ବାପ୍ତିସ୍ମ ଲେକାମ୍ । ଇଦ୍ ବାପ୍ତିସ୍ମ ମୀଇ ମେନ୍ଦୁଲ୍ତେ ମୁର୍କ୍ତିଙ୍କ୍ ଯେକା ମାଡ଼, ଆଦ୍ କ୍ରିଷ୍ଟନ୍ ତେଦାନ୍ ଦିନ୍ତଡ଼୍ ମିୟାଦ୍ ମନ୍ତିଙ୍କ୍ ଲେକେତ୍ ମାଡ଼ାନ୍ ସେଙ୍ଗେ ଇଶ୍ୱର୍ତେ ପାକେ ଆବେଦନ୍ । ଅଣ୍ଡ୍ କ୍ରିଷ୍ଟ ଇଞ୍ଜେ ସ୍ୱର୍ଗତାଗ୍ ଇଶ୍ୱର୍ତେ ତିନ୍ଦେ ପାକେ କୁଦିମିକା ଦୂତ ନୁ ସାରେ ସ୍ୱର୍ଗତାଉ ଅଦିପତି ନୁ ସାରେ ଶକ୍ତିତିଙ୍କ୍ ଶାସନ୍ ମାଡ଼ୁତଣ୍ଡ୍ ।
ନହତେ ଦିନାମ୍ ବେଦ୍ପୁଟୁଙ୍କ୍ ଗଟେମ୍ ଆସ୍ମାତ୍ତେ, ମନୁଷ୍ୟପୁତ୍ରନ୍ ୱାଦାନାଦ୍ ସମୟ୍ତେ ରକମ୍ ଆଦ୍ତେ । ଏର୍ତୁପାନ୍ ଆଦ୍ଦାନ୍ ମୁନେଙ୍କ୍ ନହ ଜାହାଜ୍ତାଗେ ଅସ୍ନା ଯାକ ନାରୁଡ଼୍ ତିନ୍ଦାନ୍ ଉନ୍ଦାନ୍ ନୁ ପେଣ୍ଡୁଲ୍ ଆଦାନାଦ୍ ଆସତ୍ ପାଡ଼ିୟିଦାଗ୍ ଦାନ୍ଦେ ମାନ୍ତଡ଼୍ । ଏର୍ ଗାଲ୍ଦେ ଅଡ଼୍ ବୁଡ଼େଲ୍ ଅୟ୍ନା ଯାକ ବାତେଏ ଗଟେମ୍ ଆଦୁତ୍ତେ, ବେନ ପୁନକଟ୍ ମାତ୍ତଡ଼୍ । ନାରୁନ୍ପିଲେ ୱାଦାନ୍ ଦିନ୍ ଟିକ୍ ଆଦ୍ତେ । ଆଦ୍ ସମୟ୍ତେ ୱାୟାନାଗେ ପାଡ଼୍ୟି ମାଡ଼ାନଡ଼ି ଇର୍ୱୁଡ଼୍ ମାନ୍ତଡ଼୍, ଅଡ଼୍ ଲୋପେଙ୍କ୍ ୱେରଣ୍ଡେ ହେଞ୍ଚିମାନ୍ଦାନ୍ ଆଶେ ଆଦ୍ତନ୍ । ମେଣ୍ଡେ ୱେରଣ୍ଡ୍ ହେଞ୍ଚିମାନ୍ଦାନ୍ ଆୟ୍ୟକଟ ପେର୍କେ ମାନ୍ତଣ୍ଡ୍ । ରେଣ୍ଡ୍ ଜାତ୍ତେ ତିହିତାନ୍ ନାଟାକିନ୍ ଲୋପେଙ୍କ୍ ୱେରଡ଼୍ ଆଦ୍ତେ ନୁ ମେଣ୍ଡନ୍ ଆଗେ ମାନ୍ତେ ।