Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ଏଚେଟିଏ ମାହାପୂରୁ ନ଼ହଁଇଁ ଏଲେଇଚେସି, "ନା଼ ନ଼କିତା ବାରେ ଜୀୱୁଗାଟି କୂଡ଼ାତି ନା଼ସା କିନି ଦିନା ଏଦାତେୟିଏ; ଇଚିହିଁ ଏ଼ୱାରି ତା଼ଣାଟି ଦାର୍ତି ପା଼ପୁ ତଲେ ନେଞ୍ଜାମାନେ; ଅ଼ଡ଼େ ମେହ୍ମୁ ନା଼ନୁ ଦାର୍ତି ତଲେ ଏ଼ୱାରାଇଁ ନା଼ସା କିଇଁ। ନୀନୁ ନିଙ୍ଗେ ତାକି ହିଏଣି ମା଼ର୍କାତି ୱେସ୍କା ତଲେ ର଼ ଏ଼ୟୁ ଜା଼ଜା କେ଼ପାମୁ; ଏ଼ ବିତ୍ରା ବାକ୍ରାୟାଁ କିହାଁ ହା଼ନିତି ହିଞ୍ଜୁ ତଲେ ବିତ୍ରା ବାହ୍ରି ରୁବାମୁ। ଏ଼ଦାଆଁ ଇଲେକିଁ କେ଼ପାମୁ, ଲାମ୍ବା ତୀନି ୱାଞ୍ଜା ହା଼ତା, ଅ଼ସାରା ଦୁଇ କ଼ଡ଼ି ଦସ ହା଼ତା, ପାଡ୍ଣି କଡ଼େ ଦସ ହା଼ତା। ଲାକ ର଼ ହା଼ତା ପିସାହାଁ କା଼ନ୍ତା ପିହ୍ମୁ, ଅ଼ଡ଼େ ତାନି ଦାରିତା ଦୁୱେରି ଇଟାମୁ; ଅ଼ଡ଼େ ଡ଼଼ଇ, ମାଦି ଇଞ୍ଜାଁ ଲାକ ତୀନି ପାରୁ କିମୁ।
ରା଼ଜି ବୀଡ଼ୱି
ଏଚେଟିଏ ପ୍ରବୁ ନ଼ହଁଇଁ ଏଲେଇଚେସି, "ମୀରୁ ମୀ ଇଲୁ କୁଟମି ବାରେ ଜା଼ଜାତା ହ଼ଡ଼୍ଦୁ; ଇଚିହିଁ ଈ କା଼ଲାତି ଲ଼କୁ ବିତ୍ରା ନୀନୁ ନା଼ ନ଼କିତା ଦାର୍ମୁ ଗାଟାତି ତ଼ଞ୍ଜା ଆ଼ହାମାଞ୍ଜି।
ରା଼ଜି ବୀଡ଼ୱି ଆ଼ନି ତା଼ଣାଟି ଗେଲ୍ପି ଆ଼ହାଲି ନ଼ହଁ, ତାନି ଡକ୍ରି ଅ଼ଡ଼େ ତାନି ମୀର୍କା ଇଞ୍ଜାଁ ତାନି କୁଡ଼୍ୟାସିକା ଜା଼ଜାତା ହ଼ଟୁ। ଇଞ୍ଜାଁ ନ଼ହଁ ମାହାପୂରୁ ହୁକୁମି ହୀତି ଲେହେଁ ସୁଦୁ ଅ଼ଡ଼େ ଲାଗେଏତି ଜ଼ନ୍ତ ଜୀୱେଡ଼ିକା, ପଟା କା଼ଟି ଅ଼ଡ଼େ ବାଣ୍ତି ତଲେ ତା଼କିନି ଜ଼ନ୍ତୟାଁ ଜ଼ଡ଼ୁ ଜ଼ଡ଼ୁ ଆ଼ହିଁ, ନ଼ହଁ ତା଼ଣା ହାଜାହାଁ ଜା଼ଜାତା ହ଼ଟୁ। ଅ଼ଡ଼େ ଏ଼ ସା଼ତା ଦିନା ଡା଼ୟୁ ଦାର୍ତିତା ପିୟୁ ୱା଼ତେ।
ମାହାପୂରୁ ହୁକୁମି ହୀତି ଲେହେଁ ବାରେ କୂଡ଼ାତି ଜ଼ନ୍ତୟାଁ ଜ଼ଡ଼ୁ ଜ଼ଡ଼ୁ ଆ଼ହିଁ ତାଲି ପ଼ତୁ ଜା଼ଜା ବିତ୍ରା ହ଼ଟୁ; ଏଚେଟିଏ ପ୍ରବୁ ଏମ୍ବାତି ଦା଼ରା ସୁଣ୍ତିତେସି।
ଏଚେଟିଏ ଦୁଇ କ଼ଡ଼ି ଦିନା ପାତେକା ଦାର୍ତିତା ପିୟୁ ରିତେ, ଏ଼ୟୁ ଗାଡି ଆ଼ହିଁ ଆ଼ହିଁ ଜା଼ଜା ବୂମି ପିସାହାଁ ଏ଼ୟୁ ଲାକ ପ଼ର୍ହେ। ଅ଼ଡ଼େ ଦାର୍ତିତା ଦୀରେ ଦୀରେ ଏ଼ୟୁ ଗାଡି ଆ଼ହାଁ ଜା଼ଜା ଏ଼ୟୁ ଲାକ ପ଼ର୍ହେ।
ଇଲେକିଁ ବୂମି ଲାକତି ବାରେ ଜ଼ନ୍ତ ମେଣ୍ଙ୍ଗାହାଚୁ, ଇଚିହିଁ ମାଣ୍ସିୟାଁ, ଜ଼ନ୍ତ ଜୀୱେଡ଼ି, ବାଣ୍ତିତଲେ ତା଼କିନି ଜ଼ନ୍ତ, ପଟାୟାଁ ବାରେ ଦାର୍ତିଟି ମେଣ୍ଙ୍ଗାହାଚୁ; ୱାର୍ଇ ନ଼ହଁ ଇଞ୍ଜାଁ ତାମି ତଲେ ଜା଼ଜାତା ହ଼ଟି ଲ଼କୁ ନୀଡିତୁ।
ଏଚେଟିଏ ଦାର୍ତିଟି ଏ଼ୟୁ ରେ଼ଚା ହାଜାହାଁ ସା଼ତା କ଼ଡ଼ି ଦସ ଦିନା ଡା଼ୟୁ ସୀକିତୁ। ଏଚେଟିଏ ସା଼ତା ଲେ଼ଞ୍ଜୁତି ସତର ଦିନାତା ଆରାରାଟ୍ ହ଼ରୁ ଲାକ ଜା଼ଜା ଅସ୍ପିଆ଼ହାଁ ଡ଼ୟିତେ।
ଏଚେଟିଏ ନ଼ହଁ ଦୁଇ କ଼ଡ଼ି ଦିନା ଡା଼ୟୁ ତା଼ନୁ କେ଼ପିତି ଜା଼ଜାତି କା଼ନ୍ତା ଦେଚାହାଁ ର଼ କାଃୱା ପାଙ୍ଗାତା ଊପ୍ହେସି। ଏଚେଟିଏ ଦାର୍ତିତି ଏ଼ୟୁ ସୀକିନି ପାତେକା କାଃୱା ଇତାଲା ଆତାଲା ଆ଼ହିଁ ଊମ୍ବିହିଁ ରେ଼ଚେ। ଅ଼ଡ଼େ ୱେଣ୍ତେ, ନ଼ହଁ ବୂମିତା ଏ଼ୟୁ ସୀକିତୁ କି ଆ଼ଏ ଇଞ୍ଜିଁ ପୁଞ୍ଜାଲି ର଼ କୁଗୁରି ପଟାଇଁ ଊପ୍ହେସି, ଏଚିବେ଼ଲା ଦାର୍ତିତା ଏ଼ୟୁ ମାଚାକି କୁଗୁରି କୁଗାଲି ଟା଼ୟୁ ବେଟାଆ଼ଆଲିଏ, ଏ଼ଦି ନ଼ହଁ ତା଼ଣା ଜା଼ଜାତା ୱେଣ୍ତେ ୱା଼ତେ; ଇଞ୍ଜାଁ ନ଼ହଁ କେୟୁ ଦା଼ସାହାଁ ଜା଼ଜା ବିତ୍ରା ୱେଣ୍ତେ ଅ଼ତେସି। ଅ଼ଡ଼େ ସା଼ତା ଦିନା ଡା଼ୟୁ ଏ଼ୱାସି ଏ଼ କୁଗୁରି ପଟାଇଁ ଜା଼ଜାଟି ୱେଣ୍ତେ ଊପ୍ହେସି। ଏଚେଟିଏ କୁଗୁରି ମିଡ଼୍ଅଲା ଆୟାଲିଏ ଏ଼ୱାଣି ତା଼ଣା ୱେଣ୍ତା ୱା଼ତେ, ଅ଼ଡ଼େ ମେହ୍ଦୁ ଏ଼ଦାନି ଗ଼ରୁତା ଜୀତ ମା଼ର୍ନୁତି ପୁଃନି ଗୱେଡ଼ି ମାଚେ; ଏମ୍ବାଟିଏ ନ଼ହଁ ଦାର୍ତିତି ଏ଼ୟୁ ସୀକିତୁ ଇଞ୍ଜିଁ ପୁଚେସି। ଅ଼ଡ଼େ ସା଼ତା ଦିନା ଡା଼ୟୁ ଏ଼ କୁଗୁରିଇଁ ୱେଣ୍ତେ ଊପ୍ହା ପାଣ୍ତିତେସି, ସାମା ଏ଼ଦି ଅ଼ଡ଼େ ୱେଣ୍ତେ ତାନି ତା଼ଣା ୱେଣ୍ତା ୱା଼ଆତେ଼।
ନ଼ହଁକି ସ଼ୱାଞ୍ଜା ର଼ ବାର୍ସା, ଲେ଼ଞ୍ଜୁତି ମୂଲୁ ଦିନା ଆ଼ହାମାଚାଟି, ଦାର୍ତିଟି ଏ଼ୟୁ ୱା଼ୟିତୁ; ଏଚିବେ଼ଲା ନ଼ହଁ ଜା଼ଜା ଲାକ ପ୍ଡିକ୍ହା ମାଚାଣି ଏ଼କ୍ହାଁ ସିନିକିହାଲିଏ, ବୂମି ୱା଼ୟିତାଣି ମେସ୍ତେସି।
ଏଚେଟିଏ ମାହାପୂରୁ ନ଼ହଁଇଁ ଏଲେଇଚେସି, "ନୀନୁ ନୀ ଡକ୍ରି, ମୀର୍କା ଅ଼ଡ଼େ କୁଡ଼୍ୟାସିକା ତଲେ ଜା଼ଜାଟି ପାଙ୍ଗାତା ହାଜୁ। ଇଞ୍ଜାଁ ନୀ ତଲେ ମାନି ବାରେ ଜ଼ନ୍ତୟାଁ, ପଟା କା଼ଟି, ବୂମିତା ତା଼କିନି ଜ଼ନ୍ତ ବାରେ ଜୀୱୁଗାଟି ଜ଼ନ୍ତ ଜୀୱେଡ଼ି ପାଙ୍ଗାତା ନୀ ତଲେ ଅ଼ମୁ; ଏ଼ୱି ଦାର୍ତିତା ବେ଼ଲି ଏ଼ପିଆ଼ହାଁ ହା଼ରେକା କୂଡ଼ା ଆ଼ହାଁ ଦାର୍ତିତି ନେଞ୍ଜିକିପୁ।"
ଏଚେଟିଏ ମାହାପୂରୁ ନ଼ହଁ ଅ଼ଡ଼େ ତାନି ମୀର୍କାଣି ଏଲେଇଚେସି, "ମେହ୍ଦୁ ମୀ ତଲେ ଅ଼ଡ଼େ ମୀ ୱା଼ହିମାନି କୂଡ଼ା ତଲେ, ଅ଼ଡ଼େ ମୀ ତଲେ ମାନି ବାରେ ଜ଼ନ୍ତଜିୱେଡ଼ି ତଲେ, ଇଚିହିଁ, ଜା଼ଜାଟି ହ଼ଚା ୱା଼ତି ନା଼ୟୁଁତି ଜ଼ନ୍ତଜିୱେଡ଼ି ଅ଼ଡ଼େ ଜା଼ଡ଼ାତି ଜ଼ନ୍ତଜିୱେଡ଼ି ଅ଼ଡ଼େ ପଟା କା଼ଟି ଦାର୍ତିତି ବାରେ ଜୀୱୁଗାଟାଆଁ ତଲେ ନା଼ନୁ ନା଼ ରା଼ଜିମା଼ନା କିହାମାଇଁ। ନା଼ନୁ ମୀ ତଲେ ଈ ରା଼ଜିମା଼ନା କିଇଁ, ବାରେ ଜୀୱୁଗାଟି ଜ଼ନ୍ତଜିୱେଡ଼ି ପିୟୁ ତଲେ ନା଼ସା ଆ଼ଉ; ଅ଼ଡ଼େ, ଦାର୍ତିତି ନା଼ସା କିହାଲି ପିୟୁ ଆ଼ଏ।"
ନା଼ନୁ ହା଼ଗୁତା ଦାର୍ଣକି କିହାମାଇଁ, ଏ଼ଦି ଦାର୍ତି ତଲେ ନା଼ ରା଼ଜିମା଼ନାତି ସିନା ଆ଼ନେ।
ନାମୁଟି ନ଼ହଁ ଏ଼ ବେ଼ଲା ପାତେକା ତ଼ଞ୍ଜା ଆ଼ଆଗାଟି କାତାତାକି ହୁକୁମି ବେଟାଆ଼ହାଁ ଆଜିତଲେ ତାନି କୁଟମି ଗେଲ୍ପାଲିତାକି ର଼ ଜା଼ଜା କେ଼ପିତେସି, ଇଞ୍ଜାଁ ଏ଼ ନାମୁତଲେ ଏ଼ୱାସି ଦାର୍ତିତି ଦ଼ହ କିହାଁ ନାମୁତଲେ ମାହାପୂରୁ ନ଼କିତା ଦାର୍ମୁଗାଟାସି ଆ଼ତେସି ।
ତଲି କା଼ଲାତା ନ଼ହଁ ଜା଼ଜା କେ଼ପିତି ବେ଼ଲା, ମାହାପୂରୁ ସା଼ସାତଲେ କା଼ଚିମାଚେସି, ଆ଼ତିଜିକେଏ ଏ଼ୱାଣାଇଁ ମା଼ନୱି ଆ଼ଆତେରି, ଏ଼ ଜା଼ଜାତା ହା଼ରେକା ଲ଼କୁ ଆ଼ଏ, ଆ଼ଟା ଜା଼ଣା ହ଼ଡାହାଁ ଏ଼ୟୁଟି ଗେଲ୍ପି ଆ଼ତେରି; ଏ଼ ଏ଼ୟୁ ଈ କା଼ଲାତି ବାପ୍ତିସ୍ମ ଇଚିହିଁ ଏ଼ଦି ମା଼ ଆଙ୍ଗାତି ମାଚି ନର୍ନାୟି ଆ଼ଏ, ସାମା ମାହାପୂରୁ ତା଼ଣା ନେହିଁ ଅଣ୍ପୁ ବେଟାଆ଼ହାଲି ପ୍ରା଼ତାନା କିନାୟି, ଇଞ୍ଜାଁ ଜୀସୁ କ୍ରୀସ୍ତ ହା଼କିଟି ନିଙ୍ଗିତାକି ଗେଲ୍ପି ଆ଼ନାୟି । ଏ଼ ଜୀସୁ କ୍ରୀସ୍ତ ଲାକପୂରୁ ହାଜାହାଁ ମାହାପୂରୁତି ଟିଃନି ଟଟତା କୁଗାମାନେସି, ଏମ୍ବାଆଁ ଦୂତୁୟାଁ, ପା଼ଣା ବେଟାଆ଼ତାରି ଅ଼ଡ଼େ ବା଼ଡ଼୍ୟୁ ଗାଟାରି, ଏ଼ୱାଣାଇଁ ମା଼ନୱି ଆ଼ହାଁ ତାନି ଡ଼଼ଇ ମାନେରି ।
ଅ଼ଡ଼େ ନ଼ହଁ ବେ଼ଲାତା ଏ଼ନିକିଁ ଆ଼ହାମାଚେ, ମାଣ୍ସି ମୀର୍ଏସି ୱା଼ନି ବେ଼ଲାତା ଏଲେକିଁ ଆ଼ନେ । ଇଚିହିଁ ୱା଼ରୁ କ୍ଡୁପ୍ନି ନ଼କେଏ, ନ଼ହଁ ଡଂଗତା ହ଼ଡ଼ନି ଦିନା ପାତେକା ଲ଼କୁ ଏ଼ନିକିଁ ତିଞ୍ଜି ଉଣ୍ତିହିଁ, ବୀହା କିୟାଲି ବୀହା ହିୟାଲି ହେ଼ରାମାଚେରି, ଇଞ୍ଜାଁ କାଜା ପିୟୁତଲେ ୱା଼ରୁ ୱା଼ହାଁ କ୍ଡୁପ୍ହା ଅ଼ନି ପାତେକା ଏ଼ନିକିଁ ଏ଼ୱାରି ପୁଞ୍ଜାହିଲାଆତେରି, ମାଣ୍ସି ମୀର୍ଏଣା ୱା଼ନାୟି ଜିକେଏ ଏଲେଆ଼ହିଁଏ ଆ଼ନେ । ଏଚିବେ଼ଲାତା ରିଆରି ଗୁଡିୟାତା ମାନେରି, ରଅସି ଅ଼ୱିଆ଼ନେସି ରଅସି ଏମ୍ବାଆଁ ଡ଼ୟିନେସି । ରୀ ଇୟାସିକା ଜେତାତା ନୂୟିଁମାନୁ ରଣ୍ତି ଅ଼ୱିଆ଼ନେ ଅ଼ଡ଼େ ରଣ୍ତି ଏମ୍ବାଆଁ ଡ଼ୟିନେ ।
Este artigo te tocou? Faça uma oração!
+581 estão orando agora.
Junte-se à corrente de oração.