Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ହେବେ ଇସ୍ୱର୍ ନହଙ୍ଗ୍ ଇଚାନ୍, "ମା ମୁମ୍ଦ ୱିଜ଼ୁ ପାରାଣିଙ୍ଗ୍ନି ୱିସ୍ନି କାଡ଼୍ ଏକାୱାତାତ୍; ଇନେକିଦେଂକି ହେୱାର୍ତି ହୁକେ ପୁର୍ତି ପାପ୍ତ ବାର୍ତି ଆତାତ୍ନା; ଆରେ, ହୁଡ଼ା, ଆପ୍ ପୁର୍ତି ଲାହାଙ୍ଗ୍ ହେୱାରିଂ ବୁଡାୟ୍ କିନାସ୍ । ଏପେଙ୍ଗ୍ ଜାର୍ କାଜିଂ ଦେବଦାରୁ ଜାତିନି ମାର୍ନି ୱେସ୍କୁତାଂ ର ଜାଜ୍ ରଚାଟ୍; ହେ ବିତ୍ରେ ବାର୍ବିନି ବାକ୍ରାଙ୍ଗ୍ ରଚ୍ଚି ହେ ବିତ୍ରେ ଆରି ବାର୍ତ ଲାକ୍ ହୁକେ ଡାଚାଟ୍ । ହେଦାଂ ଇ ବାନି ରଚ୍ନାୟ୍; ଲାମାତିଂ ତିନିସ ଆତ୍, ଅହାର୍ତିଂ ପଚାସ୍ ଆତ୍, ଉଚାତିଂ ତିରିସ୍ ଆତ୍ ଆନାତ୍ । ଜପିତାଂ ର ଆତ୍ ପିସ୍ତି ଜାଡ଼୍କା କିନାୟ୍, ଆରେ ହେଲାଗାଂ ଦୁୱାର୍ ଇଟ୍ନାୟ୍; ଆରେ ହେବେନି ପର୍ତୁମ୍, ଦୁଇ ଆରି ତିନ୍ନି ପାଉଜ୍ ରଚ୍ନାୟ୍ ।
ଇଦାଂପାଚେ ନିତ୍ରେମାପ୍ରୁ ନହଂ ଇଚାନ୍, "ଏପ୍ ସବୁକୁଟୁମ୍ ଜାଜ୍ତ ହଣାଟ୍; ଇନେକିଦେଂକି ଇ କାଡ଼୍ନି ଲକୁ ବିତ୍ରେ ଆପ୍ ଜାର୍ ମୁମ୍ଦ ନିଂ ଦାର୍ମି ହୁଡ଼୍ଦାତାପ୍ନା ।
ହେବେ ଏସ୍ବଡ଼ାନାକାତାଂ ରାକ୍ୟା ପାୟାନି କାଜିଂ ନହ ଆରି ତା ଡକ୍ରି ଆରି ହିମ୍ଣାଙ୍ଗ୍ ଆରି କଡ଼୍ୟାଗାଚ୍କୁ ଜାଜ୍ତ ହଟାର୍ । ଆରେ ନହତି କାଜିଂ ଇସ୍ୱର୍ତି ବଲ୍ ଇସାବ୍ରେ ସକଟ୍ ଆରି ବିଟାଡ଼୍ ପସୁ ପଟିକାଂ ଆରି ବୁୟ୍ହାରାନି ପଟତାଂନି ଜାତ୍କୁକାଂ ଜଡ଼ା ଜଡ଼ା ଆଜ଼ି, ହେୱାଙ୍ଗ୍ ଜୁଡ଼ି ଜୁଡ଼ି ଆଜ଼଼ି ଆଣ୍ଡ୍ରା ଆରି କଗ୍ଲେ ପର୍ମେସ୍ୱର୍ତି ଇସାବ୍ରେ ନହ ଲାଗେ ହାଲ୍ଜି ଜାଜ୍ତ ହଟିକ୍ । ଆରେ ହେ ସାତ୍ ଦିନ୍ ପାଚେ ପୁର୍ତିତ ରାଜିବୁଡାଦେଂ ଆରମ୍ ଆତାତ୍ ।
ଇସ୍ୱର୍ତି ବଲ୍ ଇସାପ୍ରେ ସବୁବାନି ପାରାଣିଂ ର ର ଜୁଡ଼ିସାପେ ହଟାର୍; ହେବେ ନିତ୍ରେମାପ୍ରୁ ହେବେନି ଦୁୱେର୍ ଗେସ୍ତାର୍ ।
ଇଦାଂପାଚେ ଚାଲିସ୍ ଦିନ୍ ପାତେକ୍ ପୁର୍ତିତ ଏସ୍ବଡ଼ା ଆତାତ୍; ଆରେ, ଏଜ଼ୁଙ୍ଗ୍ ବାଡା ଆଉ ଆଉ ଜାଜ୍ ମେଦ୍ନି ପିସ୍ତି ବଡ଼ାଜ଼ି ନିଂତାତ୍ । ଆରେ ପୁର୍ତିତ ଏଜ଼ୁଙ୍ଗ୍ ବେସି ଆଜ଼ି ଜବର୍ ବାଡାତିଲେ ଜାଜ୍ ଏସ୍ ଜପି କେଡ଼ାତାତ୍ ।
ଇଲାକେ ପୁର୍ତିନି ୱିଜ଼ୁ ପାରାଣିଙ୍ଗ୍ ବୁଡାତିକ୍, ଇଚିସ୍, ମାନାୟ୍, ପସୁ, ପଟତାଂନି ଜାତ୍, ହାରୁ ପଟିଂ, ୱିଜ଼ୁ ପୁର୍ତିତାଂ ବୁଡାତିକ୍; କେବଲ୍ ନହ ଆରି ଜାଜ୍ବାହାନି ତା ହାଙ୍ଗ୍ଦାକାର୍ ୱିଜ଼ାର୍ ଜିତାର୍ ।
ତାପାଚେ ପୁର୍ତିତାଂ ଏସ୍ ବଡ଼ାଜ଼ି ସଏ ପଚାସ୍ ଦିନ୍ତ ହାରିହାରାତ ଉଣା ଆତାତ୍ । ଇଦାଂପାଚେ ସାତ୍ ମାସ୍ନି ସତ୍ର ଦିନ୍ତ ଆରାରାଟ୍ ମାଡ଼ି ଜପି ଜାଜ୍ ଟେବାଆତାତ୍ ।
ଇଦାଂପାଚେ ଆରେ ଚାଲିସ୍ ଦିନ୍ ପାଚେ ନହ ନିଜେ ରଚ୍ଚି ଜାଜ୍ନି ଜାଡ଼ାକା ଜେତାନ୍; ଆରେ ର ଗାଡ଼୍ କାୱାତିଂ ଉପ୍ତାନ୍, ହେବେ ପୁର୍ତିନି ଏଜ଼ୁଙ୍ଗ୍ ୱାଚ୍ନି ପାତେକ୍ ହେଦାଂ ଇଟାଂହାଟାଂ ବୁଲାତାତ୍ । ଆରେରଗ, ନହ ବୁମିତ ଏଜ଼ୁଙ୍ଗ୍ ଉଣା ଆତାକା ବୁଜାନି କାଜିଂ ରଞ୍ଜାଙ୍ଗ୍ ପାର୍ୱା ଉପ୍ତାନ୍; ହେଏଚେକାଡ଼୍ଦ ପୁର୍ତି ଏସ୍ବାର୍ତି ମାଚିଲେ ପାର୍ୱା ଜାର୍ ପାନା ଇଡ଼୍ଦେଂ ବାହା ଗାଟାୱାଦାଂ ଜାଜ୍ତ ତା ଲାଗାୟ୍ ମାସ୍ଦି ୱାତାତ୍; ତାପାଚେ ହେୱାନ୍ କେଇଁ ଲାମାୟ୍କିସି ତାଂ ଆସ୍ତି ଜାଜ୍ ବିତ୍ରେ ଜାର୍ ତାକେ ତାଇୱାତାନ୍ । ଆରେ ସାତ୍ ଦିନ୍ ମାଲାତି ପାଚେ ହେୱାନ୍ ହେ ପାର୍ୱାତିଂ ଆରେରଗ ଜାଜ୍ତାଂ ଉପ୍ତାନ୍; ହେବେ ପାର୍ୱା ମ୍ଡିକାହାରେସ୍ ତା ଲାଗାୟ୍ ମାସ୍ଦି ୱାତାତ୍; ଆରେ ହୁଡ଼ାଟ୍, ତା ଅଟିତ ଜିତ୍ ମାର୍ନି କୱାଣ୍ ଆକି ମାଚାତ୍; ଲାଗିଂ ପୁର୍ତିନି ଏସ୍ ଉଣା ଆତାତ୍ନା, ଇଦାଂ ନହ ପୁଚାନ୍ । ଆରେ ସାତ୍ ଦିନ୍ ମାଲାଜ଼ି ହେୱାନ୍ ହେ ପାର୍ୱାତିଂ ଆରେରଗ ଉପ୍ତାନ୍, ମତର୍ ହେଦାଂ ଆରେରଗ ହେୱାନ୍ତି ଲାଗାୟ୍ ମାସ୍ଦି ୱାୱାତାତ୍ଦେ ।
ନହତି ବୟଁସ୍ନି ଚସ ଏକ୍ ବାର୍ହୁ ପର୍ତୁମ୍ ମାସ୍ନି ପର୍ତୁମ୍ ଦିନ୍ତ ପୁର୍ତି ଜପିତାଂ ଏଜ଼ୁଙ୍ଗ୍ ୱାଚ୍ଚିଙ୍ଗ୍: ହେଏଚେକାଡ଼୍ଦ ନହ ଜାଜ୍ନି ଚାଉଣି ନିକ୍ଚି ହୁଡ଼୍ତିଲେ, ବୁଇଁତିଂ ୱାଚ୍ଚାକା ହୁଡ଼୍ତାନ୍ ।
ଇଦାଂପାଚେ ଇସ୍ୱର୍ ନହତିଂ ଇଚାନ୍, "ଏପ୍ ଜାର୍ ଡକ୍ରି ଆରି ମାଜ଼ିରିଂ ଆରି ମାଜ଼ିକଡ଼ିୟାକାଂ ରଚେ ଅଜ଼ି ଜାଜ୍ତାଂ ହସି ହାଲା । ଆରେ, ତା ଲାହାଂ ମାନି ପସୁ, ପଟିଂ, ଆରି ବୁଇଁତହାରାନିକିଂ, ପଟତାଂନିକିଂ ଏଚେକ୍ ସବୁ ଜିନିଜାତ୍ ବାର୍ତ ଅଜ଼ି ହାଲା; ହେୱାଙ୍ଗ୍ ପୁର୍ତିତିଂ ବାର୍ତି କିଏକ୍, ଆରେ, ପୁର୍ତିତ ବାଡାଆଏକ୍ ଆରି ବେସିଲାତ୍ରା ଆଏକ୍ ।"
ଇଦାଂପାଚେ ଇସ୍ୱର୍ ନହଂ ଆରି ହେୱାନ୍ତି ହାଂଦି ମାଜ଼ିରିଂ ଇଚାନ୍, "ହୁଡ଼ା, ମି ଲାହାଂ ଆରି ମି ୱାନିଦିନ୍ତି ଲାତ୍ରା ଲାହାଂ ଆରି ମି ହାଙ୍ଗ୍ଦି ସବୁ ରାନ୍ତିଜାତ୍କୁ ଲାହାଙ୍ଗ୍, ଆରି ମି ହାଂଦି ୱିଜ଼ୁ ଜିବୁନ୍ ଜାତ୍କୁ ଲାହାଂ, ଇଚିସ୍, ଜାଜ୍ତାଂ ହତ୍ତି ନାଟିକିଂ ଆରି ରାନ୍ତି ପସୁ ଆରି ପଟିକାଂ ପୁର୍ତିନି ସବୁ ପାରାଣିଂ ଲାହାଂ ଆପ୍ ଜାର୍ ନିୟମ୍ ତିର୍ କିତାପ୍ନା । ଆପ୍ ମି ଲାହାଂ ଇ ନିୟମ୍ ତିର୍ କିନାପ୍, ସବୁ ପାରାଣିଂ ଏସ୍ବାର୍ହା ହୁଦାଂ ଆରେ ନାସ୍ ଆଉକ୍; ଆରେ, ପୁର୍ତିତିଂ ନାସ୍ କିନି କାଜିଂ ଏସ୍ବାର୍ହା ଆଉତ୍ ।"
ଆପ୍ ବାଦାଡ଼୍ତ ଜାର୍ ୱିଲ୍ ରଚ୍ଚାପ୍ନା, ହେଦାଂ ପୁର୍ତି ଲାହାଂ ମା ନିୟମ୍ନି ଚିନ୍ ଆନାତ୍ ।
ପାର୍ତି ହୁଦାଂ ନହ ହେ ୱିଜ଼ୁ ପାତେକ୍ ହୱି ବିସ୍ରେ କାଜିଂ ସବୁ ବଲ୍ ଗାଟା ଆଜ଼ି ବକ୍ତି ଲାହାଂ ଜାର୍ କୁଟୁମ୍ତାଂ ମୁକ୍ତି କିଦେଙ୍ଗ୍ କାଜିଂ ରଞ୍ଜାଙ୍ଗ୍ ଜାଜ୍ ରଚ୍ଚାନ୍ ଆରେ ହେ ପାର୍ତି ହୁଦାଂ ହେୱାନ୍ ଜଗତ୍ତିଂ ଦସି କିଜ଼ି ପାର୍ତି ଇସାପ୍ରେ ଦାର୍ମିନି ଆଦିକାରି ଆତାନ୍ ।
ଆଗେକାଡ଼୍ଦ ନହତି ସମୁତ ଜାଜ୍ ରଚ୍ନି ୱେଡ଼ାଲିଂ, ଏଚେକାଡ଼୍ଦ ଇସ୍ୱର୍ ଲାମାହୁଦାର୍ ଆଜ଼ି କାସିମାଚାନ୍, ହେୱେଡ଼ାଲିଂ ହେୱାର୍ ଅମାନ୍ୟା ଆତାର୍ । ହେ ଜାଜ୍ତ ହଣ୍ଜି ଅଲପ୍ ଲକୁ, ଇଚିସ୍ କେବଲ୍ ଆଟ୍ ଜାଣ୍, ଏଜ଼ୁଙ୍ଗ୍ ବିତ୍ରେତାଂ ରାକ୍ୟା ପାୟାତାର୍; ହେବେନି ର ଲାକେ ବାପ୍ତିସିମ୍ ଇଚିସ୍ ଗାଗାଡ଼୍ନି ତୁକେର୍ ହାଚ୍ଚେଙ୍ଗ୍ ଆକାୟ୍, ମାତର୍ ଇସ୍ୱର୍ତି ଲାଗାଂ ସକଟ୍ ହାର୍ଦି ବାବ୍ନା ଗାଟାଦେଂ କାଜିଂ ପାର୍ତାନା, ଜିସୁ କ୍ରିସ୍ଟତି ଆରେ ନିଂନି ହୁଦାଂ ନଂ ମିଂ ମୁକ୍ତି କିତ୍ତାନ୍ନା; ହେ ଜିସୁ କ୍ରିସ୍ଟ ସାର୍ଗେ ଦୁମ୍ଜି ଇସ୍ୱର୍ତି ବୁଜ୍ଣି ବାଗାଙ୍ଗ୍ କୁଚ୍ଚାନ୍ନା, ଆରେ ଦୁତକ୍, ଆଦିକାର୍ ବାପୁ ଆରି ସାକ୍ତିକାଟିକିକ୍ ହେୱାନ୍ତି ତଲ୍ୟା ଆତିକ୍ନା ।
ଆରେ, ନହତି ସମୁତ ଇନେସ୍ ଗିଟା ଆଜ଼ି ମାଚାତ୍, ମାନାୟ୍ ମାଜ଼ି ୱାନି ସମୁତ ହେ ଲାକେ ଗିଟାଆନାତ୍ । ଇନାକିଦେଂକି କ୍ଡୁପ୍କିନି ଆଗେନି ସମୁତ ଜାଜ୍ତ ନହ ହଣି ଦିନ୍ ପାତେକ୍ ଲକୁ ଇନେସ୍ ତିନାଉଣା ଆରି ବିବା କିନାକା ଆରି ବିବା ହିଦେଂ ବିପ୍ତି ମାଚାର୍, ଆରେ ପୁର୍ ୱାଜ଼ି ୱିଜ଼ାରିଂ ବଡ଼ାୟ୍ କିଜ଼ି ଅୱି ପାତେକ୍ ଇନେସ୍ ପୁନ୍ୱାଦାଂ ମାଚାର୍, ମାନାୟ୍ ମାଜ଼ିତି ୱାନାକା ପା ହେ ଲାକେ ଆନାତ୍ ।" ହେ ଏଚେକାଡ଼୍ଦ ରିୟାର୍ ବୁମିତ ମାନ୍ଗାନାର୍, ରୱାନିଂ ଇଟ୍ୟା ଆନାତ୍ ଆରି ବିନ୍ ଲଗାଂ ପିହ୍ୟା ଆନାତ୍; ରିଣ୍ଡେକ୍ ଜାତା ନୁଜ଼୍ଜି ମାନିକ୍, ରଞ୍ଜିଲିଂ ଇଟ୍ୟାନାତ୍ ଆରି ଆରେ ରଞ୍ଜିଲିଂ ପିହ୍ୟାନାତ୍ ।