Arca de noé

13 Chapanga ngannobholila Nuho, "Amwii kwakomelekeya bhando bhoha, nhwalo bhutweliye nnema ukokotoko. Chakaka nanakomelekeya bhando bhoha pamonga na nnema. 14 Yene, ntendekeye limele lino kwa nkongo nnonopaho, mmeka na yumba na nkilimila lame panja na nkate." 15 Ntendekeya naha, "Kutandamala kwake kubha mita miya jhimo na makome matato na ticha na upana gwake ubha mita makome mabhele nu nhwano na kutondobhala kwake kubha mita likome limo nu nhwano. 16 Limele lyene libha gholofa itato na jhina nniango paupele. Ntendekeye kipaghalo, peniya nneka pwache jha nucho mita panakate jha dale na kipaghalo.

Nnema uyekelelwa na mache twe

1 Bhambo ngannobholila Nuho, "Nnyingile mu mele mwenga pamonga na bhando bhapakajha pino bhoha, nhwalo mwenga ndi jhuninyeketile palonge jhango kupeta bhando bhoha bhubhabhii ngohe.

7 Nuho na unaamundo na yana yabhe pamonga achikabhana mundo ngabhajhingila mu mele kujhepa nnema kuyekelelwa na mache twe. 8 Na inyama ijheketilwe palonge jha Chapanga na inyama yangajheketelwa palonge jha Chapanga na ijhune yukunane ibheleibhele na ihumbe yoha ikwabha panane jha nnema, 9 ibheleibhele yankambako na yankolo, ngaijhingila mu mele pamonga na Nuho ngita Chapanga chanaghalikiya. 10 Kubhoke pa machiko chaba, mache twe ngaghayekelila nnema.

16 Inyama yenio ngaijhingila ya namuna jha yankolo na yankambako ngita Chapanga chanaghalikiya Nuho, peniya Bhambo ngadindita nnyango mbu.

17 Bhahe, mache twe ngaghajhendilela kwa machiko makome ncheche. Mache ngaghajhonjikika kubhehe twe na kuijhinula mele na jhenio ngaitumbula kujhebhela. 18 Mache ngaghajhendelela kujhonjekeka hake pannema na mele ngaijhebhila panane jhake.

23 Chapanga ngakomelikiya yoha inaughome pannema. Bhando na inyama na ihumbe ikwabha na ijhune yukunane. Ngaighala Nuho ndo na bhala bhakibha nako pamonga mumele.

3 mache ghajhakujhendele kupongoka kachokochoko pannema. Kubhoke pa machiko miya jhimo na makome nu nhwano, mache pughachochite kupongoka hake. 4 Lichiko lya kome na chaba lya mwehe gwa chaba, mele ngaijhemita pikitombe cha Alalate.

6 Kubhoke pa machiko makome ncheche, Nuho ngajhogwila lidilicha lyakatengeniche mu mele jhenio, 7 ngalitumita likongolo lipite panja, na jwene likabhujha jhe ngaligholwika okwe na okwe ade pighajhomita mache pannema. 8 Peniya, Nuho ngatumita ngunda kupala akalole pange mache ghajhomite pannema. 9 Nambo nhwalo mache ghakibha ghamela ghatwelile pannema, bhahe, ngunda jwenio ngabhujhita kwa Nuho mu mele. Na jwenio ngatondobhiya lubhoko lwake ngampukila na kunnyingii mu mele. 10 Nuho ngalendila machiko ghange chaba, peniya ngantumita kabhele ngunda jwenio. 11 Kimiye ngunda jwenio ngabhujha kongo agheghite lihamba libhehe lya ncheitune pannomo gwake. Ku yene, Nuho ngamanya kubhehe mache ghapongwike pannema. 12 Peniya, ngalendila machiko chaba ghange, ngantumita kabhele ngunda jhola, nambo mwanja ghono ngunda ngahobhilila tyoo.

13 Nuho akibha na yaka miya chita na chaka chimo, lichiko li kutumbula lya mwehe ghukutumbula, mache ghakibha ghajhomite njwe pannema. Nuho ngayekwila kiyekelelo cha mele, palingulila ngabhonita pannema pajhomite.

15 Peniya, Chapanga pannobholila Nuho, 16 "Mpite mwenio umele mwenga pamonga nhwanagwino na yana hino na achikabhana bhino. 17 Mwipiye ihumbe yoha ibhii ghome ya kila namuna bhubhabhii pamonga na mwenga. Ijhune na inyama na kila ihumbe ikwabha, ibhelekane na kubhehe ndii pannema kila chehemo."

8 Peniya, Chapanga ngannobholila Nuho na yana mundo, 9 "Ngohe, nibheka lilaghano lyango na mangota pamonga na ibheleko hino, 10 pamonga na ihumbe ibhii ghome ipakubhehe na mangota. Ijhune na inyama yukukoleka na inyama yukumanyahe na ipitita pamonga na mangota mu mele na kila kihumbe chikibhii ghome pannema. 11 Kwa lilaghano lyango lende kwino, kubhehe ihumbe yoha ghome iwe jhe kabhele kwa mache twe na maheluko gha mache ngita gheniya ghapiti ng’o kabhele ghukukomelekeya nnema."

13 Nibheka upende gwa matanga mu mahunde, gwenio ubhaha ndi nginyililo jha lilaghano linibheka panakate jhango na nnema.

7 Kwa kihobholelo Nuho akapwatalilwe na Chapanga kwa ilebhe ipala kuhika palonge yangabhonekana. Akannyokanikiye Chapanga, ajhakuchenga chapina mwono jwenio na nyumba jhake bhakakombolilwe. Kwa kihobholelo chake Nuho akabhonikine jwaumbone palonge jha Chapanga nambo bhando bhoha bha pannema bhakahadabwilwe.

20 Bheniya ndi bhibhankanita kuntembeke Chapanga pabhalendila kwa kwahimbilila kipinde cha Nuho palenganikiya chapina. Mu chapina jhene bhakajhingii bhando bhandina tu yane bhando nane tu bhibhakombolilwe mu mache, 21 mache gheniya ghalandanichwa na ubaticho ghukunkombo mangota ngohe. Na chi ubaticho ghukunda luku lwa payegha, nambo ndi lilaghano lya Chapanga lilitendike kwa mwojho gwambone kwa ndela jha kuyoka kwa Yecho Kilichitu. 22 Na jwenio ajhawii kunane kwa Chapanga na ngohe atamite lubhoko lwalelo lwa Chapanga. Ndi jwalongocha akatumiche bha kunane kwa Chapanga, na bhina kindendeke na bhina makakala ghoha.

37 Ngita chikibha mu machiko gha Nuho, ndi naghatendika helahela kuhika kwake kwa Mwana gwa Mundo 38 Nhwalo lichiko lyenio nahikoma hula ngolongwa na mache kuheluka pannema ghoha, bhando nabhajhendelela kulyegha na kunywegha, kutolela amu kutolelwa ade Nuho pajhingila mungalabha ngolonga jhikemwa chapina. 39 Na bhene bhakamanyite jhe kilebhe chikipala kupitila ade hula ngolongwa na mache pughahelwika pannema poha, na kwakoma bhando bhoha. Ndi chikipala kupitila kwa Mwana gwa Mundo kuhika kwake. 40 Machiko gheniya bhando bhabhele nabhabha mukulema, jhumo natolwa na jhonge nalekwa mwenio mughonda. 41 Akakeghe bhabhele nabhabhaha pa lwalwa kuyagha, jhumo natolwa na jhonge nalekwa papa.