13 Pa o Del phendas e Nojašće: "Odlučisardem te uništiv sa e manušen, kaj zbog lende e phuv pherdili nasilje. Ake, uništiva len zajedno e phuvjasa. 14 Zato ćer tuće brodo katar o goferosko kaš, ando brodo ćer pregrade, a andral thaj avrjal mak o brodo e smolava. 15 A gajda ćer o brodo: neka avel šel thaj trijanda thaj pandž meterja lungo, biš thaj duj tepaš meterja bulo thaj dešutrin tepaš meterja vučo. 16 Po brodo ćer krovo gajda te mućes opaš meteri than talo vrho. Pe jek rig ćer vudar, a andral ando brodo ćer te avel teluno, srednjo thaj gornjo sprato.

1 O GOSPOD phendas e Nojašće: "De andre ando brodo, tu thaj sasti ćiri familija, kaj dikhlem kaj san tu jedino pravedno angle mande maškar e manuša save trajin ande akaja vrjama.

7 Thaj o Noja dijas ando brodo pire romnjava, pire čhavenca thaj lenđe romnjenca, te našen katar e poplavne paja. 8 Katar e čiste thaj katar e marime životinje, katar e čiriklja thaj katar sa e bićurja save crden pes pe phuv, 9 dine andre ko Noja ando brodo duj po duj, muško thaj žensko, sago kaj o Del zapovedisardas e Nojašće. 10 Efta đesa posle godova, e poplavne paja avile pe phuv.

16 Dine andre sago paro, muško thaj žensko katar sa džude bićurja, sago kaj o Del zapovedisardas e Nojašće.

Askal o GOSPOD phandadas o vudar pale leste.

17 E poplavne paja štarvardeš đesa poplavinas e phuv, a sar o paj barjolas, gajda inđarda o brodo thaj vazda les vuče katar e phuv. 18 O paj vazdelas pe thaj barjolas vuče opral pe phuv, a o brodo plovilas po paj.

23 Gajda o Del uništisardas svako džudo stvorenje: e manušen, e životinjen, e bićuren save crden pes pe phuv, thaj e čirikljen. Ačhilo samo o Noje thaj okola save sas lesa ando brodo.

3 O paj počnisarda poloće te crdel pe katar e phuv. Pale šel thaj pandžvardeš đes o paj gadići mukla pe tele 4 kaj o eftato čhon dešueftato đes o brodo ačhilo pe gora Ararat.

6 A pale štarvardeš đesa, o Noje putardas e pendžera savi ćerda po brodo 7 thaj mukla avri e gavrane. O gavran furjolas avri thaj boldelas pe palpale, dok o paj pe phuv či šućilo. 8 Askal o Noje mukla e golubica, te dićhel dali o paj crda pe katar e phuv. 9 Ali e golubica či arakhlas than kaj muklasas pe, kaj o paj još učharelas sasti phuv, pa bolda pe ando brodo ko Noje. Vo inzardas piro vas, astardas e golubica thaj anda lat andre ando brodo. 10 O Noje ažućardas još efta đes, pa palem mukla e golubica andar o brodo. 11 Tale rjat e golubica bolda pe, thaj ando kljuno andas terni patrin katar e maslina. Gajda o Noje džanglas kaj crda pe o paj katar e phuv. 12 Pale godova ažućardas još efta đes, pa palem mukla e golubica, ali voj majbut či bolda pe leste.

13 Kana e Nojašće sas šov šela thaj jek brš, prvo đes prvo čhon, o paj šućilo katar e phuv. O Noje fuljardas o krovo katar o brodo, thaj dikhla kaj sas e phuv šući.

15 Askal o Del phendas e Nojašće: 16 "Inklji andar o brodo, tu, ćiri romnji, ćire čhave thaj lenđe romnja. 17 Inkal tusa vi sa e vrste katar e džude stvorenja: e čirikljen, e životinjen thaj sa e bićen save crden pes pe phuv. Neka plodin pe thaj množin pe thaj neka pheren e phuv!"

8 Još o Del phendas e Nojašće thaj lešće čhavenđe: 9 "Ake, ćerav mungro savezo tumenca thaj tumare potomkonenca posle tumende, 10 thaj svakone džude bićesa savo si tumenca – e čirikljenca, e stokava thaj e sa divlje životinjenca, sa okolesa so inkljisto andar o brodo tumenca – e svako džude bićesa pe phuv. 11 Ćerav mungro savez tumenca: Majbut nikad či avena istrebime sa e džude bićurja e poplavne pajenca. Majbut nikad e poplavne paja či opustošina e phuv."

13 Čhav mungri duga ande oblakurja, voj avela znako e savezosko maškar mande thaj e phuv.

7 O Noja sas upozorime pe okova so još našti dićhelas. A e paćimava o Noja, ande ozbiljnost thaj ando poštuipe, haćardas o upozorenje thaj sagradisardas brodo te spasil pire familija. Gajda o them sas osudime, a o Noja opravdime kroz o paćipe.

20 save varekana, ande Noješći vrjama, sas neposlušne e Devlešće. O Del strpljivo ažućarelas dok gradilas pe e brodo, ande savi samo varekozom lendar, tek ohto manuša save spasisajle kroz o paj. 21 Laći slika si o bolipe – savo či thovel o telesno melalipe, nego si molitva uputime e Devlešće pale čisto savest, a akana vi tumen spasil kroz e Isusesko Hristosko vaskrsenje andar e mule, 22 savo si e Devlešće pe desno rig, pošto đelotar po nebo, kaj pokorin pe lešće sa e anđelurja, sa e vlasti thaj e sile.

37 Sago kaj sas ande Nojašći vrjama, gajda avela kana avava me, o Čhavo e Manušesko. 38 Baš sago ande okoja vrjama, majsigo nego so sas o potop, e manuša hanas, pijenas, ženinas pe thaj udajinas pe sa dži ke okova đes kana o Noja dijas ando baro brodo, 39 thaj khanči či haćardine so avela dži kaj god či avilo o potop thaj sa inđarda len, gajda avela vi kana avela o Čhavo e Manušesko. 40 Askal avena duj džene pe njive jek lela pe, a aver mućela pe. 41 Duj manušnja ando mlino meljina o điv, Jek lela pe, a aver mućela pe.