1 Gajda o Israel teljardas po drom ando Egipat thaj lijas pesa sa so sas les. Kana areslo dži ke Beer-Šeba, dija žrtve e Devlešće kašće služisardas lesko dad o Isaak.

2 O Del e raćava phendas e Jakovešće ando viđenje: "Jakove! Jakove!"

Vo phendas: "Aketa man!"

3 "Me sem o Del, o Del ćire dadesko," phendas. "Na dara te džas ando Egipat, kaj okote tutar ćerava baro them. 4 Džava tusa ando Egipat thaj palem okotar boldava tut palpale. A kana mereja o Josif pire vastenca phandavela ćire jakha."

5 Pale godova o Josif teljardas andar e Beer-Šeba. E Izraelošće čhave čhutine pire dade zajedno e romnjenca thaj pire čhavrenca pe vordona save bičhaldas o faraon pale lende te anen les okote. 6 Line pesa piri stoka thaj o barvalipe savo steknisardine ando Hanaan. Gajda o Jakov thaj sasto lesko potomstvo đeline ando Egipat. 7 O Jakov andas pesa ando Egipat sa pire čhaven thaj e unukonen, pire čhejen thaj pire unukicen – sasto lesko potomstvo.

8 Akava si e alava e Izraelešće čhavenđe, e Jakovešće thaj lešće potomkonenđe, save đeletar ando Egipat:

O Ruvim, e Jakovesko prvobijando čhavo. 9 E Ruvimešće čhave:

O Hanoh, Palu, Ecrom thaj o Karmi.

10 E Simeonešće čhave:

O Jemuel, Jamin, Ohad, Jahin, Cohar thaj o Saul, čhavo jećhe Hanaankako.

11 E Leviješće čhave:

O Geršon, Kehat thaj o Merari.

12 E Judašće čhave:

O Er, Onan, Sala, Fares thaj o Zara. Ali o Er thaj o Onan muline ando Hanaan. E Faresošće čhave: O Esrom thaj o Hamul.

13 E Isaharošće čhave:

O Tola, Pua, Jašuv thaj o Šimron.

14 E Zavulonešće čhave:

O Sered, Elon thaj o Jahleel.

15 Godova si e čhave save e Lija bijandas e Jakovešće ando Padan-Aram. Voj bijandas lešće vi čheja e Dina. Akala lešće čhave thaj čheja sas ukupno trijanda thaj trin.

16 E Gadešće čhave:

O Cifjon, Hagi, Šuni, Ecbon, Eri, Arodi thaj o Areli.

17 E Asirešće čhave:

O Jimna, Jišva, Jišvi thaj o Berija. Lenđi phen sas e Serah. E Beriješće čhave: O Hever thaj o Malkijel.

18 Godova si e čhavra save e Jakovešće bijandas e Zilpa savja o Laban dijas pire čhejaće e Lijaće. Ukupno sas len dešušov džene.

19 Čhave e Jakovešće romnjaće e Rahiljaće sas:

O Josif thaj o Venijamin.

20 E Josifešće ando Egipat e Osnata, čhej e Potiferešći e rašaješći ando On, bijandas e Manasije thaj e Efreme.

21 E Venijaminešće čhave:

O Bela, Beher, Ašbel, Gera, Neman, Ehi, Roš, Mupim, Hupim thaj o Ard.

22 Godova si e Rahiljaće čhave save bijandas e Jakovešće. Ukupno sas len dešuštar džene.

23 E Danesko čhavo:

O Hušim.

24 E Neftalimešće čhave:

O Jahceel, Guni, Jecer thaj o Šilem.

25 Godova si e čhave save e Jakovešće bijandas e Bilha, savja o Lavan dijas pire čhejaće e Rahiljaće. Ukupno sas len efta džene.

26 Sa lešće rođene potomkurja save e Jakovesa đeline ando Egipat sas šovardeš thaj šov. Či đinaven pe lenđe borja. 27 E duj Josifešće čhavenca ando Egipat, sas ukupno eftavardeš članurja e Jakovešći familija save đeletar ando Egipat.

28 O Jakov bičhaldas e Juda anglal ko Josif te o Josif sikavel lešće o drom ando krajo Gošen. Kana aresline okote, 29 o Josif naredisarda te upregnin o vordon, pa đelo ando Gošen te malavel pe pire dadesa e Izraelosa. Čim areslo angle piro dad, čhuda pe ande lešće angalja thaj dugo rovenas.

30 O Izrael phendas e Josifešće: "Akana šaj te merav, pošto mungre jakhenca dikhlem kaj san još džudo."

31 Askal o Josif phendas pire phralenđe thaj lešće dadešće familijaće: "Džava te ćerav svato e faraonesa. Phenava lešće: ‘Avile mande mungre phral thaj aver familija mungre dadešći, save trajinas ando Hanaan. 32 Von si stočarja, ćeren bući e stokava thaj pesa andine piri hurdi thaj bari stoka thaj sa so sas len.’ 33 Kana o faraon akharela tumen thaj phučel: ‘So ćeren bući?’, 34 tumen phenen: ‘Amen, ćire sluge, sam stočarja katar amaro ternipe, sago kaj sas vi amare pradada.’ Gajda šaj te naselina tumen ando Gošen, kaj si e Egipćanenđe e stočarja odvratne."