1 Ande godoja vrjama o Amrafel, o caro katar e phuv Šinar, o Arioh o caro katar e phuv Elasar, o Kedarlaomer o caro katar e phuv Elam thaj o Tidal o caro katar e phuv Gojim, 2 teljardine ando rato protiv o Bera caro katar e Sodoma, protiv o Birša, caro katar e Gomora, protiv o Šinava, caro katar e Adma, protiv e Šemevera caro katar e Cevoim, thaj protiv o caro katar e Bele, savo si Coara. 3 Sa akala pandž carurja ćidine pe zajedno ande dolina Sidim, kaj si akana o Mulo more. 4 Dešuduj brš služisardine e Kedarlaomeršće, ali ande dešutrinto brš pobunisajle.

5 Dešuštarto brš, o Kedarlaomer thaj e carurja save sas lesa ando savez pobedisardine e Refajcen ando Aštarot-Karnajim, e Zuzejcen ando Ham, e Emijcen ando Šabe-Kirjatajim 6 thaj e Horijcen ando gorsko krajo Seir, sa dži ko El-Paran paše pustinja. 7 Askal boldine pe palpale thaj aviline ando En-Mišpat, savo si akhardo Kadeš, pa pokorisardine sasto područje e Amalečanengo thaj porazisardine vi e Amorejcen save trajinas ando Hacecon-Tamar.

8 Askal o caro katar e Sodoma, o caro katar e Gomora, o caro katar e Adma, o caro katar o Cevoim thaj o caro katar e Bela, savi si akhardi Coara, inkljistine ande dolina Sidim thaj teljardine ande rato 9 e Kedarlaomeresa, e carova katar e phuv Elam, e Tidalesa, e carova katar e phuv Gojim, e Amrafelesa, e carova katar e phuv Šinar, thaj e Ariohesa, e carova katar e phuv Elasar. Štar carurja protiv pandž. 10 E dolina Sidim sas pherdi hvja e smolava, pa kana e carurja e Sodomaće thaj e Gomoraće našenas, peline ande lende, ali aver našline ande gore. 11 E štar carurja save pobedisardine, line sa o barvalipe andar e Sodoma thaj e Gomora thaj sa o hamasko, pa đeletar. 12 O Lot, e Avramesko phralesko čhavo, trajilas ande Sodoma, a zarobisardine vi les zajedno lešće barvalipeja.

13 Jek manuš lendar savo našlo, avilo thaj sa javisardas e Avramešće Jevreješće savo trajilas ke bare kaš e Mamrešće. O Mamre sas Amorejco, e Eškolosko thaj e Aneresko phral, save sas e Avramesa ando savez. 14 Kana o Avram ašunda kaj si lešće phralesko čhavo zarobime, ćida pire trin šela thaj dešuohto uvežbime manušen, save bijandile ande lesko ćher, thaj teljardas ande potera sa dži ko Dan. 15 Prekal e rjat o Avram rasporedisardas pire manušen palo napad thaj pobedisardas pire dušmajen. Trada len sa dži ko Hove savo si severno katar o Damask. 16 Gajda o Avram boldas sa o barvalipe, a boldas vi pire phralešće čhave e Lote thaj lesko barvalipe, zajedno e manušnjenca thaj e aver themesa.

17 Kana o Avram boldelas pe posle e pobeda po Kedarlaomer thaj pe carurja save sas lesa ando savez, o caro katar e Sodoma inkljisto angle leste ande dolina Šave, godova si ande Carošći dolina. 18 Askal o Melhisedek, caro katar e Salim andas o mangro thaj e mol. Vo sas rašaj e Majbare Devlesko. 19 Vo blagoslovisarda e Avrame e alavenca:

"Neka blagoslovil e Avrame o Majbaro Del,

savo stvorisarda o nebo thaj e phuv.

20 Blagoslovime o Majbaro Del,

savo dijas tut e dušmajen ande vas."

Askal o Avram dijas e Melhisedekošće deš posto katar sa.

21 O caro katar e Sodoma phendas e Avramešće: "Manđe de mungre manušen, ali tuće muk o barvalipe."

22 Ali o Avram phendas lešće: "Hav solah e GOSPODEŠĆE, e Majbare Devlešće, savo stvorisarda o nebo thaj e phuv, 23 kaj či lava ni o thav, ni e haravlji katar e sandale, niti bilo so aver so si ćiro, te nikad či phenes: ‘Me ćerdem e Avrame te avel barvalo.’ 24 Pale mande či lava khanči osim okova so haline mungre manuša thaj okova so pripadil e manušenđe save đeline manca – e Anerešće, e Eškolešće thaj e Mamrešće. Von neka len piro talo."