1 Ande godoja vrjama po sasto them e manuša ćerenas svato samo jek čhib thaj koristinas iste alava. 2 Sar e manuša phirenas po istoko, arakhline jek dolina ande phuv Šinar thaj okote ačhile te trajin.

3 Phendine jek avrešće: "Hajde te ćeras cigle thaj lačhe te pekas len te zuravon!"

Gajda koristinas e cigla umesto o bar, a e smola sas lenđe sago malter. 4 Askal phendine: "Hajde te vazdas amenđe gav thaj kula e vrhosa dži ko nebo, te steknisaras amenđe alav thaj te na avas rspime po sasto them."

5 A o GOSPOD fuljisto te dićhel o gav thaj e kula, savi e manuša zidosardine. 6 Askal o GOSPOD phendas: "Vi čače si jek them thaj savora ćeren svato jek čhib. Akava si tek početko katar okova so ćerena. Akana či avela lenđe nemoguće te ćeren sa so zamislin. 7 Hajde te fuljas thaj te hamisaras lenđi čhib, te na haćaren jek avres."

8 Gajda o GOSPOD okotar rspisarda len po sasto them thaj von či zidonas majdur o gav. 9 Zato o gav akhardol Vavilon andar godova kaj o GOSPOD okote hamisarda e čhib e saste themešće. Okotar o GOSPOD rspisarda len po sasto them.

10 Akava si zapis katar e Simesko poreklo:

Duj brš posle e poplavne paja, kana sas e Simešće šel brš, bijandilo lešće o Arfaksad. 11 Posle Arfaksadesko bijandipe, o Sim trajisarda još pandž šela brš thaj sas les još čhave thaj čheja.

12 Kana e Arfaksade sas trijanda thaj pandž brš, bijandilo lešće o Sala. 13 Posle Salasko bijandipe, o Arfaksad trajisarda još štar šela thaj trin brš thaj sas les još čhave thaj čheja.

14 Kana e Sala sas trijanda brš, bijandilo lešće o Ever. 15 Posle Everesko bijandipe, o Sala trajisarda još štar šela thaj trin brš thaj sas les još čhave thaj čheja.

16 Kana e Evere sas trijanda thaj štar brš, bijandilo lešće o Falek. 17 Posle Falekesko bijandipe, o Ever trajisarda još štar šela thaj trijanda brš thaj sas les još čhave thaj čheja.

18 Kana e Faleke sas trijanda brš, bijandilo lešće o Ragav. 19 Posle Ragavesko bijandipe, o Falek trajisarda još duj šela thaj inja brš thaj sas les još čhave thaj čheja.

20 Kana e Ragave sas trijanda thaj duj brš, bijandilo lešće o Seruh. 21 Posle Seruhesko bijandipe, o Ragav trajisarda još duj šela thaj efta brš thaj sas les još čhave thaj čheja.

22 Kana e Seruhes sas trijanda brš, bijandilo lešće o Nahor. 23 Posle Nahoresko bijandipe, o Seruh trajisarda još duj šela brš thaj sas les još čhave thaj čheja.

24 Kana e Nahore sas biš thaj inja brš, bijandilo lešće o Tara. 25 Posle Taresko bijandipe, o Nahor trajisarda još šel thaj dešuinja brš thaj sas les još čhave thaj čheja.

26 Kana o Tara pherdas eftavardeš brš, bijandile lešće o Avram, o Nahor thaj o Haran.

27 Akava si potomstvo e Taresko:

E Tarešće bijandilo o Avram, o Nahor thaj o Haran.

E Haranošće bijandilo o Lot. 28 O Haran mulo majsigo nego lesko dad o Tara, ando Uro Haldejsko, ande phuv kaj bijandilo.

29 O Avram thaj o Nahor oženisajle. E Avramešći romnji bučholas Saraja, a e Nahorešći Milka, voj sas čhej e Haranošći, saves sas još vi čhej savi bučholas Jiska. 30 E Saraja nas čhavra kaj našti ačhelas khamni.

31 O Tara lijas pire čhaves e Avrame, pire unuko e Loto, e čhave e Haranošće, thaj pire borja e Saraja, e Avramešće romnja, thaj lenca andar o Uro Haldejsko teljarda ande phuv Hanaan. Ali kana aresline dži ko Haran, ačhile te trajin okote.

32 O Tara trajisarda duj šela thaj pandž brš thaj mulo ando Haran.