1 O Del phendas e Jakovešće: "Ušti, dža opre ando Betel thaj okote trajisar. Okote vazde žrtveniko e Devlešće savo sikadilo tuće, kana našejas ćire phralestar e Isavestar."

2 O Jakov phendas pire familijaće thaj savorenđe save sas lesa: "Čhuden e tuđe devlen save si tumen, šlaven tumen thaj len aver drze pe tumende. 3 Askal ušten thaj ajde džastar ando Betel. Okote vazdava žrtveniko e Devlešće savo pomognisardas manđe kana semas ande nevolja thaj savo sas manca po drom kaj god te džavas."

4 Gajda von dine e Jakoveste sa e tuđe devlen save sas len thaj e čeja save inđarenas ande kan, a o Jakov sa godova hanadas tale jek hrasto paše ko gav Sihem. 5 Pale godova teljardine po drom, a o Del ćerda te e manušen andar e okolne gava astarel gaći bari dar katar e Jakovešće čhave, pa khonik či đelo ande potera pale lende.

6 O Jakov thaj sa e manuša save sas lesa, aresline ando Luz, godova si ando Betel, ando Hanaan. 7 Okote o Jakov ćerda žrtveniko thaj godova than akhardas El Betel, kaj inća sikadilo lešće o Del, kana našelas pire phralestar.

8 Askal muli e Devora, e sluškinja savi barjarda e Reveka, thaj sas prahome avrjal andar o Betel talo hrasto saves o Jakov akharda "Rojimasko hrasto."

9 Nakon so o Jakov bolda pe andar o Padan-Aram, o Del palem sikada pe lešće thaj blagoslovisarda les.

10 O Del phendas lešće: "Ćiro alav si Jakov, ali katar akana majbut či akhardoja Jakov, nego Izrael."

Gajda o Del dija les alav Izrael.

11 O Del još phendas lešće: "Me sem o Del Svemogućo. Av plodno thaj množi tut. Tutar bijandola o them thaj mnoštvo thema, thaj varesave postanina carurja maškar ćire potomkurja. 12 E phuv savi dijem e Avraamešće thaj e Isavešće, tuće dav, a dava lat vi ćire potomstvošće."

13 Askal o Del đelotar lestar katar o than kaj ćerenas svato.

14 O Jakov vazdas jek bar sago stupo po godova than kaj o Del ćerda lesa svato, thaj pe leste čhordas mol thaj ulje sago žrtva e Devlešće. 15 O than kaj o Del ćerda lesa svato, o Jakov akhardas Betel.

16 Askal o Jakov thaj lešće manuša teljardine andar o Betel. Kana sas još cara dži ko gav Efrata, e Rahilja astardas te bijanel, bijanelas phare.

17 Sar o porod sas pharo, e babica phendas laće: "Na dara, Rahilja, kaj vi akava avela čhavo." 18 Dok o trajo mućelas lat, kaj merelas, dijas pire čhavešće alav Ben-Oni, ali lesko dad dija les alav Venijamin.

19 Kana e Rahilja muli, prahosardine lat po drom ko Efrata, godova si Vitlejem. 20 O Jakov pe Rahiljako limori čhuta baresko stupo thaj godova stupo dži ađesko đes ačhel sago spomeniko pe lako limori. 21 O Izrael teljardas majdur thaj vazdas piro šator katar aver rig e kula Eder.

22 Dok o Izrael trajilas ande godova krajo, o Ruvim đelo thaj pašljilo e Bilhasa, savi sas lešće dadešći romnji ropkinja, a o Izrael saznajisardas pale godova.

E Jakove sas dešuduj čhave.

23 E Lijaće čhave si: o Ruvim, e Jakovesko prvobijando, o Simeon, o Levije, o Juda, o Isahar thaj o Zavulon.

24 E Rahiljaće čhave si: o Josif thaj o Venijamin.

25 E čhave katar e Rahiljaći sluškinja Bilha si: o Dan thaj o Neftalim.

26 E čhave katar e Lijaći sluškinja Zilpa si: o Gad thaj o Asir.

Godola si e Jakovešće čhave save bijandile lešće ando Padan-Aram.

27 O Jakov bolda pe ke piro dad o Isaak ande Mamre ko Kirjat-Arba, godova si ko Hevron, kaj trajisardine o Avraam thaj o Isaak. 28 O Isaak trajisarda šel thaj ohtovardeš brš. 29 Mulo ande baro phuripe, trajisarda but brš thaj lešće čhave o Isav thaj o Jakov prahosardine les.