Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ತೆಳಾಮಾ ಕ್ಹುದಾ ನೊಹಾನೆ, 'ಕ್ಹಾರಾ ಮನಕ್ಹೊನೆ ಕ್ಹಾರುಜ಼ ಹಾಳ ಕರಿಪಾಡುಸ ಕೈನ ಮಿ ಫೈಸ್ಲೊ ಕರ್ಯೊಸ. ಕಾಕದ್ಯಾಮ ಇವ್ನಾಕ್ಹು ದುನಿಯಾ ಹಿಂಸೆಕ್ಹು ಭರಿ ಗಯುಸ. ಮಿ ಕ್ಹರಿಮಾಜ಼ ತ್ಯುನೊನೆಬಿ ದುನಿಯಾಮಾ ರ್ಹಯಲ ಕ್ಹಾರುಜ಼ ನಾಶ ಕರುಸ. ತು ಚೊ಼ಕಾ ಝಾಡಕ್ಹು ತಾರಾಹುತಿ ಯಕ್ಕ ಹಡಗೊ ಕರಿಲೆ, ತಿಮಾ ಘನ್ನಾ ಕ್ಹೊಲಿಯೊ ರ್ಹವಾದೆ, ತಿನಾ ಮ್ಹೈಬಿ ಭಾರೊಬಿ ಡಾಂಬರ ಲಗಾಡ. ತೆ ಅಮ್ಮ ಕರ, ತೆ ಹಡಗೊ ಲಾಂಬಾಮಾ 450 ಪುಟ ರುಂದಮಾ, 75 ಪುಟ ಉಚ್ಚಾ಼ಮಾ 45 ಪುಟ ತಿನಾ ಛತ್ತನಾ ಹೆಟು 18 ಇಂಚ಼ ಖುಲ್ಲಾ ರ್ಹವಾದೆ. ತಿನಾ ಬಾಜು಼ಮಾ ಬಾಕಲ ರ್ಹವಾದೆ;
ತೆ ಕ್ಹಾರು ಥಯಲ್ಪರ ಕ್ಹುದಾ ನೊಹಾನೆ, ಹಮ್ನಾ ರ್ಹವಾನಿ ಸಂತತಿಮಾ ತು ಯಕ್ಲೊಜ ನಿತಿವಂತ ಶೆ. ತಿನಾಹುತಿ ತಾರಾ ಘರವಾಲಾವೊನೆ ಲಿನ ಹಡಗಾನಾ ಮ್ಹೈ ಜಾ.
ತೆಳಾಮಾ ಪಾನಿಕ್ಹು ವಾಚಾನಾಹುತಿ ನೊಹಾ ತಿನಿ ಬೈಕೊ ಬಚ್ಚಾ ವರಿ ವ್ಹೌವೊನಾ ಕ್ಹಾತೆ ಹಡಗಾಮಾ ಗಯೊ. ಕ್ಹಾರಾ ಶುದ್ದ ಅಶುದ್ದ ಜಾನವರೊ ವರಿ ಪಕ್ಷಿಯೊ, ಜಿಮಿನ್ಪರ ಫರಾನಾ ಜಾನವರೊ, ನೊಹಾನಾ ಕ್ಹಾತೆ ಹಡಗಾಮಾ ಗಯಾ ಕ್ಹುದಾ ಕದಲನಿಂಗತಜ಼ ಹರಯಕ್ಕ ಜಾನವರೊಮಾ ಗಂಡ ಹೆಣ್ಣ ಜೊ಼ಡಿ-ಜೊ಼ಡಿ ಹಡಗಾಮಾ ಗಯಾ. ಕ್ಹಾತ ದಿನ ಥಯಲ್ಪರ ಪಾನಿನು ತುಫಾನ.
ಕ್ಹುದಾ ಕದಲನಿಂಗತ ಆ ಪುರಾ ಜಿವಿ ಹಡಗಾನಾ ಮ್ಹೈ ಗಯಾ ತೆಳಾಮಾ ಯಹೊವಾ ಹಡಗಾನು ಬಾಕಲ ಝಾಕಿ ಪಾಡ್ಯೊ.
ಜಿಮಿನ್ಪರ ಪಾನಿನು ತುಫಾನ ಚಾಳಕ್ಹ ದಿನ ಲಕ್ಕಾ ವ್ಹತ್ತು. ಪಾನಿ ಚಡತು ಚಡತು ಹಡಗೊ ಉಪ್ಪರ ಆತು ಗಯು. ಪಾನಿ ವರಿ ಕಿಮ್ಮ ಕಿಮ್ಮ ಚಡತು ಚಾಲ್ಯುತು ತಿಮ್ಮ ತಿಮ್ಮ ಹಡಗೊ ಉಪ್ಪರ ಚಡತು ಚಾಲ್ಯೊತೊ.
ಅಮ್ಮ ಕ್ಹುದಾ ಜಿಮಿನ್ಪರ ರ್ಹಯಲ ಹರಯಕ್ಕ ಜಿವ ನಾಶ ಕರಿಪಾಡ್ಯೊ ಹರಯಕ್ಕ ಮನಕ್ಹನೆ ನಾಶಕರಿಪಾಡ್ಯೊ ಹರಯಕ್ಕ ಜಿವ ಹರಯಕ್ಕ ಕಿಡಾ ವರಿ ಪಕ್ಷಿಯೊ ನಾಶಥಯಾ ಕುನ್ನ ವಾಚ್ಯು ಕದ್ಯಾಮ ನೊಹಾನಾ ಕ್ಹಾತೆ ರ್ಹಯಲ ತ್ಯುನಾ ಘರವಾಲಾ ವರಿ ತ್ಯುನಾ ಕ್ಹಾತೆ ರ್ಹಯಲ ಜಿವ ಜಂತು ಪಕ್ಷಿಯೊ ಕಿಡಾ ಹರಯಕ್ಕ ವಾಚ್ಯಾ.
ಇಮ್ಮ ಯಕ್ಹೊನ ಯವ್ವತ್ತ ದಿನ್ನ ಥಯಲ್ಪರ ಕಮ್ಮ ಥಾತು ಐಯು. ಕ್ಹಾತವಾ ಮ್ಹೈನಾನಾ ಕ್ಹತ್ರಂವಾ ದಿನ್ನೆ ಹಡಗೊ ಅರಾರತ ಕವಾನಾ ಗಾಮನಾ ಡೊಂಗರ ಪರ ಐನ ಹುಬ್ರಯು.
ಚಾಳಕ್ಹ ದಿನ ಥಯಲ್ಪರ ನೊಹಾ ಹಡಗಾನಿ ಖಿಡಕಿ ಕಾಡಿನ ದೆಕ್ಯೊ. ನೊಹಾ ಯಕ್ಕ ಕೌಳಾನೆ ಭಾರೊ ಛೊಡ್ಯೊ ಜಿಮಿನ್ಪರ ಪಾನಿ ರ್ಹಯಲ ವರಾಯೆಲಕ್ಕಾ ತೆ ಕೌಳೊ ಆವಾ ಜಾ಼ವಾನು ಕರಾಡುತು. ತಿನಾಹುತಿ ಜಿಮಿನಪರ ರ್ಹಯಲ ಪಾನಿ ಕಮ್ಮ ಥಯು ಸು ನೈ ಕೈನ ದೆಕಾನು ಹುತಿ ನೊಹಾ ಯಕ್ಕ ಕ್ಹಬುತರನೆ ಭಾರೊ ಛೊಡ್ಯೊ. ತೆನೈಸೊ ಪಾನಿ ಹಜು಼ನ ಕಮ್ಮ ಥಯು ನ್ಹೊತು, ತಿನಾಹುತಿ ಕ್ಹಬುತರನೆ ಉತರಾನೆ ಕಿಜಾ಼ಜ಼ ಜ಼ಗಾ ಮಳಿ ನೈ. ತಿನಾಹುತಿ ತೆ ಕ್ಹಬುತರ ಉಡತು ಹಡಗಾಮಾ ಐಯು ವರಿ ನೊಹಾ ತಿನೆ ಹತ್ತ್ ಅಗೊ ಕರಿನ ತಿನೆ ಧರಿನ ಹಡಗಾಮಾ ಛೊಡಸ. ಕ್ಹಾತ ದಿನ ಥಯಲ್ಪರ ನೊಹಾ ವರಿ ಕ್ಹಬುತರನೆ ಭಾರೊ ಛೊಡ್ಯೊ. ತೆ ದಿನ ಕ್ಹಾಂಜೆ ತೆ ಕ್ಹಬುತರ ನೊಹಾಕನ ಫರಿನ ಐಯು ತಿನಾ ಚೊಂಚಮಾ ಆಲಿವ ಝಾಡುನು ಪಾನ ವ್ಹತ್ತು ತೆ ದೆಕಿನ ನೊಹಾ ಜಿಮಿನ ವರೈಸ ಕೈನ ಕಳಿಲಿದ್ಯೊ. ವರಿ ಕ್ಹಾತ ದಿನ ಥಯಲ್ಪರ ನೊಹಾ ವರಿ ಕ್ಹಬುತರನೆ ಛೊಡ್ಯೊ ಮಾತ್ರ ಆ ಟೈಮಾ ತೆ ಕ್ಹಬುತರ ವಾಪಸ ಐಯುಜ ನೈ.
ತಿನಾಹುತಿ ನೊಹಾ ಹಡಗಾನು ಬಾಕಲ ಕಾಡಿನ ಹೈಬಿ ತಿಬಿ ದೆಕ್ಯೊ ಜಿಮಿನ ವರಾವಾಡಿತಿ ತೆ ದಿನ ಯಕ್ವಾ ವರಕ್ಹನೊ ಯಕ್ವಾ ದಿನ ವ್ಹತ್ತೊ ತೆಳಾಮಾ ನೊಹಾನೆ 601 ವೈಸ ವ್ಹತ್ತಿ.
ತೆಳಾಮಾ ಕ್ಹುದಾ ನೊಹಾನೆ ತು ತಾರಿ ಬೈಕೊ ತಾರಾ ಬಚ್ಚಾ ತಾರಾ ವ್ಹೌವೊ ಹಡಗಾಮಾತಾ ಭಾರಾ ಆವೊ. ತಾರಾ ಕ್ಹಾತೆ ರ್ಹಯಲ ಹರಿಯಕ್ಕ ಜಾನವರ ಪಕ್ಷಿಯೊ ವರಿ ಹರಯಕ್ಕ ಕಿಡು ಕಾಟು ಹರಿಯಕ್ಕ ಜುವ ಭಾರು ಆವಾದೆ ತಾರು ಸಂತಾನ ಬಡತು ಜಾ಼ವಾದೆ ಜಿಮಿನ್ಪರ ತ್ಯುನೆ ಪುರಾ ಫೈಲಾದೆ ಕೈನ ಕದ್ಯೊ.
ನೊಹಾ ತುನೆ ತಾರಾ ಬಚ್ಚಾವೊನೆ ಘನ್ನಾ ಬಚ್ಚಾ ಹುಟ್ಟಾದೆ. ಪಾಚಾ಼ತೊ ಕ್ಹುದಾ ನೊಹಾನೆಬಿ ತಿನಾ ಬಚ್ಚಾವೊನೆ ಮಿ ತುಮೊನೆ ವರಿ ಅಗಾ ಜಿವಿಸಾನೆ ತುಮಾರಾ ಮನಕ್ಹೊನೆ ವಾಗ್ದಾನ ಕರುಸ. ಹಡಗಾಮಾತಾ ಆಯೆಲ ಕ್ಹಾರಾ ಪಕ್ಷಿಯೊ ಕ್ಹಾರಾ ಪಶುವೊ ವರಿ ಪ್ರಾಣಿಯೊನೆ ಮಿ ವಾಗ್ದಾನ ಕರುಸ ಜಿಮಿನ್ಪರ ರ್ಹಯಲ ಜಿವಿನೆ ವಾಗ್ದಾನ ಕರುಸ. ಮಿ ತುಮೊನೆ ಕರಾನು ವಾಗ್ದಾನ ಸುವೈ ಕದ್ಯಾಮ ಜಿಮಿನ್ಪರ ರ್ಹಯಲ ಕ್ಹಾರಾ ಜಿವಿಯೊ ಪಾನಿನಾನ ಜಿಮಿನ್ಪರ ರ್ಹಯಲ ಕ್ಹಾರಾ ಜಿವಿಯೊನೆ ಹಜಿಯಕ್ಕಮ ನಾಶ ನೈಕರತೊ.ಕೈನ ಕದ್ಯೊ.
ಮಿ ಮ್ಹಾಡೊಮಾ ಮ್ಹೆಲೆಲ ಕಾಮನಬಿಲ್ಲ ಮನೆ ಜಿಮಿನೆ ಥಯಲ ವಡಂಬಡಿಕೆ ಗುರುತಥಾವಸ.
ಹಜು಼ನ ಡೊಳೆ ನೈ ದಿಕ್ಹಾನಿಯೊ ಸಂಗತಿಯೊನಾ ಹುತಿ ಕ್ಹುದಾನೆ ನೊಹಾ ಹುಷಾರಕಿ ಕರ್ಯೊ. ನೊಹಾ ಕ್ಹುದಾಪರ ಬರೊಕ್ಹೊ ಮ್ಹೆಲ್ಯೊತೊ ವರಿ ತೆ ತಿನಿ ಭಯ ಭಕ್ತಿಮಾ ವ್ಹತ್ತೊ. ತಿನಾಹುತಿ ತೆ ತಿನಾ ಕುಟುಂಬನಾ ರಕ್ಷಣೆನಾಹುತಿ ಮ್ಹೊಟೊ ಹಡಗೊ ಭಾಂದಿನ, ಎ ದುನಿಯಾ ಕರಲ ತಪ್ಪ ದೆಕಾಡಿನ ದಿದ್ಯೊ. ಇಮ್ಮ ಬರೊಕ್ಹೊನಾ ಮುಲಕ ನಿತಿವಂತ ರ್ಹಯಲ ಮನಕ್ಹೊಮಾ ತೆಬಿ ಯಕ್ಲೊ ವ್ಹತ್ತೊ.
ಘನ್ನಾ ದಿನ್ನ ಪಾಚಾ಼ ನೊಹಾನಾ ದಿನೊಮಾ ಕ್ಹುದಾನೆ ಅವಿದೆಯ ಥಯಲವಾಲಾಜ಼ ತ್ಯುನೆ ನೊಹಾ ಹಡ್ಗೊ ಭಾಂದತಾಮಾ ಕ್ಹುದಾ ಸಮಾದಾನಕ್ಹು ಕೈದಾಡೊತೊ. ದಕ್ಹಾ ಜ಼ನಾ ಕದ್ಯಾಮ ಕ್ಹಾಲಿ ಆಟ್ ಜ಼ನಾ ತೆ ಹಡಗಾಮಾ ಪಾನಿಕ್ಹು ವಾಚ್ಯಾ. ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ್ಹಯಲ ತೆ ಬಾಪ್ತಿಸ್ಮಾ ರ್ಹಯಲ ನಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ನಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ನಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ. ಹಮ್ನಾ ಯೆಸು ಸ್ವರಗೆ ಗಯೊಸ ತೆ ಕ್ಹುದಾನಾ ಬಾಜು಼ಮಾ ಛೆ. ತೆ ಕ್ಹುದಾನಾ ದುತೊನೆ ಅದಿಕಾರಿಯೊನೆ ತಾಕತನೆ ಆಳಾಡ್ಯೊಸ.
ನೊಹಾನಾ ದಿನೊ ಕಿಮ್ಮ ವ್ಹತಾ ತಿನಾನಿಂಗತಜ಼ ಮನಕ್ಹನೊ ದಿಕ್ರೊ ಆವಾನಾ ಟೈಮಮಾ ರ್ಹವಸ. ಕಿಮ್ಮ ಕದ್ಯಾಮ ಜಲಪ್ರಳಯತಿ ಪೈಲಾನಾ ದಿನೊಮಾ ನೊಹಾ ಹಡಗಮಾ ಗಯಲ ದಿನ್ನ ಲಕ್ಕಾ ಮನಕ್ಹೊ ಪಿತಾ ಖಾತಾ, ಹಿವಾ ಕರಿಲೆತಾ, ಹಿವಾ ಕರ್ತಾ ವ್ಹತಾ.
ಪ್ರಳಯನು ಪಾನಿ ಐನ ಕ್ಹಾರಾವೊನೆ ಕಿತ್ತೈ ಲಿನ ಜಾ಼ಯೆ ಲಕ್ಕಾ ತ್ಯುನೊನೆ ಸುಜ಼ ಗ್ವತ್ತ ನೈಸೊ ವ್ಹತಾತೊ. ತಿನಾನಿಂಗತಜ಼ ಮನಕ್ಹನೊ ದಿಕ್ರೊ ಆವಾನಾ ದಿನೊಮಾ ರ್ಹವಸ. ತೆಳಾಮಾ ಬೆ ಜ಼ನಾ ಖೆತರ್ಮಾ ರ್ಹವಸ; ತ್ಯುನಾಮಾನಾ ಯಕ್ಲಾನೆ ಲಿವಸ, ಯಕ್ಲಾನೆ ಛೊಡಸ. ಬೆ ಬಾಕ್ಡಿಯೊ ದಳಾನಾ ದಗ್ಡಾಕನ ಬೈಟಿನ ದಳತಿಯೊ ರ್ಹವಸ; ಯಕ್ಲಿನೆ ಲಿವಸ, ಯಕ್ಲಿನೆ ಛೊಡಿಪಾಡಸ.