Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Ama fɛ́ a fɛrɛng anɔng, ba ku sok sak azanɛn na ayisi bá, sak izen fɛ́ anɔk tse a ku fam.
Iba di ban iyɛrɛ wu anɔng, ni iwu woso ngarak sak azanɛn, ni izen izining, bafɛ́ ba di banet bafaa ayɛt ares akan ni inyeseng ni ifam bá. Banet e fɛ̀ ni iba, <<Iyin banet aGalili, i nyeseng yin akyɛ azeng, ni iwoso tang yin ayisi azanɛn ɛ? Iwu aYeso me yong fɛ́ ba sok ni yin, sak azanɛn, a bi tɛ a bɛ́s wu kpaf kyɔn ti i di yin kutseet wu sak azanɛn anɔng.>>
Ari Ada min, narɔ isosok di se dot; ki da anɔng awo, ki in man ki tak yin. Imi yɔng, in tsin nye karɔ azɔng nek iyin.
<<Won in ki tak yin atsak, ngma anet fɛ́ a nɔɔk atsak ni imi, a da ra kuri ntomong fi in raas. A da raas ntomong fi in wat in nang, nek imi yɔng in bun sak narɔ Ada hom.
Imi ne narɔ Ada hom, sak ibɛ azatse kang; in mi yɔng ngmash ni in won kazatse kang, sak ibun narɔ Ada min.>>
AYeso fɛ̀ ni iwu, <<I bi di tɛnɛng awo, nek imi resek dan ngarak sak narɔ Ada min. Ngɔn tsi se baruneng, da fɛ̀ ni ba, <In mi yɔng in bun sak narɔ Ada min, nɛ Ada yin, in bun sak narɔ Adakunom min, nɛ Adakunom yin ba.> >>
AYeso fɛ̀ ni ba, <<Imi yong mo azeng ni yin in fi kizen hyihyit, ama anɔng, in da bun sak narɔ ayɔng fɛ́ a di tom.
Nkyɔrɔk yɔng fi in tsang se ni nɛt yet nratek ni irèn ikuus yit in se ane,
Anet-Isheshek aYeso
a bɛ azatse ni nse anet,
Kabik Adakunom tonong,
fok a se tabat,
batomaza kin ku di,
ba shara ifɛ̀ wu
sak na banet ngma,
banet azatse nɔɔk atsak ni wu,
ba kin ku sok
sak azanɛn ayɛt ízɔk.