Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
येशू यी बात बट्वाके सेक्लाँ ते, ओइने हेर्ती-हेर्ती परमेश्वर येशूहे स्वर्गमे उठालेलिन। और बद्रिक कारण तबसे ओइने येशूहे देखे नै सेक्लाँ।
और हुँकार जैती रहल समयमे जब ओइने आकाश ओहोँर हेरतिहिँत, तब् एकफाले उज्जर लुग्गा घालल दुईथो स्वर्गदूत ओइन्के लग्गे ठरह्यागिलिन। और ओइने कहे लग्लाँ, "हे गालील प्रदेशके मनै, तुहुरे काकरे ठरह्याके आकाश ओहोँर हेरतो? यहे येशू, जिहिहे परमेश्वर तुहुरिन्के थेनसे स्वर्गमे लैगिल बताँ, ऊ ठिक अस्तेहेँके फेनदोस्रे अइहीँ, जसिके तुहुरे हुँकिन्हे स्वर्गमे जाइत देख्लो।"
जब प्रभु येशू चेलनहे यी सक्कु बात कहिके सेक दरलाँ, ते हुँकिन्हे परमेश्वर स्वर्गमे उठालेलिन। और ऊ परमेश्वरके दाहिन ओहोँर आदरके पदमे बैठ्लाँ।
ओकरपाछे येशू ओइन्हे नगरमेसे बाहेर बेथानिया गाउँक लग्गे लैगिलाँ, और अपन हाँथ उठाके ओइन्हे आशीर्वाद देलाँ। तब येशू ओइन्हे आशीर्वाद देती ओइन्से अलग होगिलाँ, और स्वर्गमे लैजागिलाँ।
मोरिक बाबक घरेम रना ठाउँ बहुत्ते बा। यदि ओसिक नै रहत कलेसे, मै तुहुरिन्हे नै कतुँ, कि तुहुरिन्के लग ठाउँ तयार पारे जाइतुँ।
येशू कलाँ, "जात्तिके, मै तुहुरिन्हे कहतुँ, जे महिन्हे विश्वास करत, उ मोरिक करल काम फेन करी, और उहिसे फेन भारी काम करी, काकरेकी मै बाबक थेन जाइतुँ।
महिन्हे बाबा संसारमे पठाइल बा, और आब मै संसारहे छोरके बाबक थेन फिर्ता जाइतुँ।"
येशू उहिहे कलाँ, "मोरिक गोरा पकरके महिन्हे ना रोको, काकरेकी मै अभिनसम अपन बाबक थेन उप्पर नै गैल हुइतुँ। पर जाके मोरिक चेलनहे बतादेऊ, कि मै मोरिक बाबा और तुहुरिन्के बाबा और मोरिक परमेश्वर और तुहुरिन्के परमेश्वरके थेन उप्पर जाइतुँ।"
येशू कलाँ, "अभिन थोरिक समयसम मै तुहुरिन्के संग बतुँ, ओकरपाछे मै महिन्हे पठुइयक थेन फिर्ता होजिम।
और बिना शंखक हम्रे कहे सेक्थी कि उ परमेश्वरके प्रकट कर्लक शिक्षा पूरा रुपमे सच्चा बा। अर्थात
ख्रीष्ट एकथो मनैयक रुपमे यी संसारमे अइलाँ।
हुँकिन्हे पवित्र आत्मा साबित कर्लिन कि ऊ परमेश्वरके छावा हुइँत।
स्वर्गदूतनके हुँकिन्हे देख्लाँ।
मनै हुँकार बारेम हर देशमे प्रचार करलाँ।
पूरा संसारके मनै हुँकारमे विश्वास करलाँ।
और परमेश्वर हुँकिन्हे उप्पर स्वर्गमे उठालेलिन।