Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
အယ်မျိုး ပြောဘီးန သူးနို့လေဟှာ ကေ့နေဒူးမာ ကိုယ်တော်ဟှာ ကောန်းဂန်ဘောင်ဟှို ယူဆောန်ခံရလေဟှယ်။ အယ်ဘီးမှ မိုးတီဟှာ ကိုယ်တော့်ဟှို သူးနို့ရဲ့ မျစ်စိရှေ့ဟှနေ ဖောင်းဟှားလေဟှယ်။
ကိုယ်တော် တတ်ကြွဟှားဇာဟှို သူးနို့လေဟှာ ကောန်းဂန်ဟှို စေ့စေ့ကေ့နေဂေ့ဟှယ်။ အယ်ခီမာ ဝတ်ဖ္လူစင်ကြယ်န လူနှေ့ယော့-က်ဟှာ ရောက်တရစ် သူးနို့ရဲ့ နားမာ ရပ်နေဘီး အယ်လူလေဟှာ "ဂါလိလဲနယ်သားလေ၊ နန်းနို့ဟှ ဖြားဖြစ်ကြောန့် ရပ်ဘီးဟှာ ကောန်းဂန်ဟှို ကေ့နေဂေ့နူး။ နန်းနို့နားဟှနေ ကောန်းဂန်ဘောင်ဟှို တတ်ကြွဟှားဟှူ အယ်ယေရှုဟှာ ကောန်းဂန်ဟှို တတ်ကြွဟှားဇာဟှို နန်းနို့ ဗြင်ရမျိုးဘဲ့ ပ္လန်ဘီး ကြွလာလေ့မယ်" ဆိုဘီး ပြောဂေ့ဟှယ်။
ယေရှုဟှာ ကောန်းဂန်ဟှို ယူဆောန်ခံရဟှူကြောန်း
သခင်ယေရှုဟှာ သူးနို့န စကားပြောဘီးန ကောန်းဂန်ဘောင်ဟှို ယူဆောန်ခံရဘီးဟှာ ဘုရားသခင်ရဲ့ ညာဖတ်မာ ထိုင်နေလေဟှယ်။
ကောန်းဂန်ဘောင်ဟှို ယူဆောန်ခံရဟှူကြောန်း
အယ်ဘီးန ကိုယ်တော်ဟှာ သူးနို့ဟှို ဗေသနိဝါဟှို ခေါ်ဆောန်ဟှားဘီး ကိုယ်တော်ဟှာ လတ်တော်ဟှို မြှော့-က်ဘီး သူးနို့ဟှို ကောန်းဂျီးပေးတော်မူဟှယ်။ အယ်မျိုး သူးနို့ဟှို ကောန်းဂျီးပေးနေဒူးမာ ကိုယ်တော်ဟှာ သူးနို့နားဟှနေ ထွပ်ခွာဟှားဘီး ကောန်းဂန်ဘောင်ဟှို ယူဆောန်ခံရလေဟှယ်။
ငါ့ဖရဲ့ အီတော်မာ ခန်းလေ ဘောင်ဂီးရှိဟှယ်။ နန်းနို့တွပ် နေရာဟှို ပြင်ဆင်ဟှို့တွပ် ငါသွားရမယ်။ ခန်းလေမှေ့ဟှ ဆိုဟှာ နန်းနို့ဟှို အယ်မျိုး ပြောဟှို့ မှုဟှ။
နန်းနို့ဟှို ငါ မှန်တိုင်းပြောမယ်၊ ငါ့ဟှို ယောင်ကြည်ဟှူ လူဟှာ ငါလောက်ဇာလေဟှို လောက်လေ့မယ်။ အယ်ထတ်ကီးဟှူ ဇာလေဟှိုလည်း လောက်လေ့မယ်။ ဖြားဖြစ်ကြောန့်နူးဆိုဟှာ ငါဟှာ ဖနားဟှို သွားရဟှို့တွပ် ဖြစ်ဟှယ်။
ငါဟှာ ဖနားဟှနေ ထွပ်လာဘီး အယ်လောကထဲဟှို ကြွလာဟှယ်။ ခု ငါဟှာ အယ်လောကဟှနေ ထွပ်ဟှားဘီးဟှာ ဖနားဟှို သွားအူးမယ်" ဆိုဘီး မိန့်တော်မူလေဟှယ်။
ယေရှုဟှာ "ငါဟှာ ဖနားဟှို တတ်ရသေးဘဲဟှူကြောန့် ငါ့ဟှို ထိနအူး။ ငါ့ညီကိုလေနားဟှို သွားဘီးဟှာ ငါ့ရဲ့ဖဖြစ်ဟှူ နန်းနို့ရဲ့ဖ၊ ငါ့ရဲ့ဘုရားသခင်ဖြစ်ဟှူ နန်းနို့ရဲ့ ဘုရားသခင်နားဟှို ငါတတ်ရအူးမယ် ဆိုဇာဟှို ပြောပါ" ဆိုဘီး သူ့ဟှို မိန့်တော်မူလေဟှယ်။
ယေရှုဟှ "ငါဟှာ နန်းနို့နတူးဒူ ရှစ်ဟှားနေဘီးဟှာ ငါ့ဟှို စေလွှတ်တော်မူဟှူ သူနားဟှို သွားရမယ်။
မှန်ဟှူကိုးကွယ်မှုရဲ့ နတ်နဲဟှူရာဟှာ ရရာတိုင်း ကီးမြတ်ဟှယ် ဆိုဇာဟှို ဂြင်းခူလောက်ဇာကြောန်း မှေ့ဟှ။
ကိုယ်တော်ဟှာ လူကိုယ်ခန္ဓာအားဖြင့် ထန်ရှားတော်မူဘီ။
မှန်ကန်ဟှယ် ဆိုဇာဟှို ဝိညာဉ်တော်အားဖြင့် ထန်ရှားစေတော်မူဘီ။
ကောန်းဂန်တမန်လေဟှာ ကိုယ်တော့်ဟှို ရှုဗြင်ရဂေ့ဘီ။
လူမျိုးခြားလေဟှာ ဒန်းကောန်းကြေညာဇာဟှို ကြားဂေ့ရဘီ။
လောကသားလေဟှာ ကိုယ်တော့်ဟှို ယောင်ကြည်ဂေ့ဘီ။
ကိုယ်တော်ဟှာ ဖောင်းသရေတော်နတူးဒူ ကောန်းဂန်ဘောင်ဟှို ဆောန်ယူဟှူဇာဟှို ခံတော်မူဘီ။