Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Mɔɔ Awulae Gyisɛse wiele tendɛ kile bɛ la, bɛvale ye bɛhɔle Anwuma belemgbunli maanle ne anu, na ɔhɔdɛnlanle Nana Nyamenle asa fema zo.
Gyisɛse nee bɛ vindele hɔle Bɛtani kandiba, na ɔmaanle ɔ sa zo ɔyilale bɛ, na ɔrale ye kɛ, mɔɔ ɔyila bɛ la, ɔ nee bɛ lile mgbakyelɛ nu, na akee bɛvale ye bɛhɔle anwuma maanle ne anu.
Egya sua zo, tɛnlabelɛ dɔɔnwo wɔ ɛkɛ, na saa ɔnle zɔ a, anrɛɛ meha mehile bɛ. Mekɔ meahɔziezie ɛleka meamaa bɛ. Saa mewie a mebara bieko na mearava bɛ, amaa bɛaradɛnla ɛleka mɔɔ mewɔ la.
"Nɔhalɛ nu meka meahile bɛ kɛ, awie biala mɔɔ kɛlie me kɛli la ɔbayɛ nwanwane gyima ne mɔɔ meyɛ la bie, na ɔbayɛ mɔɔ yɛ nwanwane tɛla bɛ bɔbɔ a, ɔluakɛ melɛkɔ Egya ne anwo lɔ. Debie biala mɔɔ bɛkɛbiza ye wɔ me duma nu la, mebayɛ meamaa bɛ, ɔluakɛ ɛhye bawula Egya ne anyunlunyia wɔ deɛ mɔɔ mame, Sonla Ra ne mebayɛ meamaa bɛ la ati.
Nɔhalɛ nu, mevi Selɛ ne lɔ a membale ewiade anu a, yɛɛ eza mebagyakyi ewiade ne na meazia meahɔ ɔ nwo lɔ bieko."
Gyisɛse zele ye kɛ, "Mmafa ɛ sa ɛka me, ɔluakɛ metɛnyianle metɛkɔle Egya anwo lɔ. Emomu kɔ mediema ne mɔ ɛke na kɔze bɛ kɛ, melɛkɔ me ze nee be ze, yɛɛ me Nyamenle ɔ nee bɛ Nyamenle ne anwo lɔ."
Na Gyisɛse noko zele bɛ kɛ "Ɔnrɛhyɛ biala mebazia meahɔ mɔɔ zoanle me la ɛkɛ.