Ascensão

9 इना गल्‍ला बोली डेऊअ प्रभू तिन्‍नां सम्हनै उझै स्वर्गा लै अर बादल़ै च़ोरअ सह तिन्‍नें आछी का दूर।✝

10 प्रभू डेऊंदी बारी तै तिंयां सोभ लागै दै सरगा बाखा लै भाल़ै, अर दूई स्वर्ग दूत शेतै झिकल़ै बान्हैं दै तिन्‍नां सेटा लै आऐ अर खल़्हुऐ।

11 तिन्‍नैं स्वर्ग दूतै बोलअ तिन्‍नां लै, "हे गलीली मणछो, तम्हैं इधी खल़्हुई करै किल्है आसा लागै दै सरगा बाखा लै भाल़ै? अह ई ईशू ज़ुंण परमेशरै तम्हां सेटा का स्वर्गा लै च़कअ, ज़िहअ करै तम्हैं अह स्वर्गा लै डेऊंदअ भाल़अ, तिहअ ई एछणअ अह बापस फिरी।"✝

ईशूओ स्वर्गा लै डेऊणअ

19 तिन्‍नां च़ेल्‍लै संघै गल्‍ला करनै का बाद च़कअ परमेशरै ईशू तिन्‍नें आछी सम्हनै उझै स्वर्गा लै। संघा बशैल़अ सह आपणीं दैहणीं बाखा सोभी का बडी पदबी दी।✝

ईशूओ स्वर्गा लै डेऊणअ

50 तेखअ निंयैं ईशू तिंयां सोभ एरुशलेम नगरी का बागै बेथनी गराऊंऐं तैणीं, संघा आपणैं हाथ च़की दैनी तिन्‍नां लै बर्गत। 51 तेखअ हुअ बर्गत दैंदी-दैंदी तिन्‍नां का ज़ुदअ अर तिन्‍नें आछी सम्हनै च़कअ ईशू स्वर्गा लै।✝

2 मेरै बाबे घअरै आसा रहणा लै बतेर्ही ज़ैगा। ज़ै नांईं हंदी तै हेरनअ त मुंह तम्हां लै बोली। हुंह आसा च़ाल्‍लअ द तम्हां लै ज़ैगा बणाऊंदअ डेऊई।

12 "हुंह खोज़ा तम्हां का सत्त कि ज़ुंण मुंह दी विश्वास करा, तेऊ करनै तिंयां सारै काम ज़ुंण हुंह करा, ईंयां; हुऐ पर तेऊ करनै एता का बी बडै-बडै काम, किल्हैकि हुंह च़ाल्‍लअ ऐबै बाब सेटा लै डेऊई।

28 हुंह आसा बाबा का निखल़ी संसारै आअ द, अर बाब ई सेटा डेऊणअ मुंह बापस।"

17 ईशू बोलअ तैहा लै, "मुंह निं छ़ूंऐं आथी, हुंह निं अज़ी आपणैं बाब परमेशरा सेटा लै उझै डेऊअ। पर मेरै तिन्‍नां साथी-भाई सेटा लै डेऊ अर तिन्‍नां का बोलै कि हुंह च़ाल्‍लअ आपणैं बाब अर थारै बाब अर आपणैं परमेशर अर थारै परमेशरा सेटा लै उझै डेऊई।"

33 ऐहा गल्‍ला लै बोलअ ईशू, "हुंह आसा तम्हां संघै थोल़ी घल़ी अर तेखअ डेऊणअ मुंह तेऊ सेटा लै फिरी ज़ुंणी हुंह संसारा लै आसा छ़ाडअ द।

16 एथ निं किछ़ै बैहम आथी कि अह गल्‍ल आसा पाक्‍की, ज़ुंण गल्‍ला परमेशरै प्रगट किई तिंयां आसा सारी शुची मतलब,

मसीहा हुअ मणछ देही दी प्रगट,

पबित्र आत्मां किई अह गल्‍ल साबत कि ज़ुंण गल्‍ला तेऊ किई तिंयां आसा भली,

सह भाल़अ स्वर्ग दूतै बी,

सह च़कअ स्वर्गे प्रतप्पा दी उझै।

लोगै खोज़अ तेऊए बारै सारै संसारे सोभी लोगा का।

सारै संसारे मणछै किअ तेऊ दी विश्वास।