Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Ẽ papã shavánamã anõ niti ãtsaka aya. Mato ẽ kashma ashõi kakatsai. Ano aská yama ivoro mato yoãshokenkeãai.
Neskávere nĩkãtsoma. Yora ea anõ akaya ivõro ẽ mee iti keskásevi akĩ aokatsa. Naaivo keskáchtama, tavákepa akatsai. Tavákepa akatsairo awesáma, earo papa tavá ẽ niakei kakatsaisho ikí.
Ẽ papamẽsho oí naaivo mai shavapa ẽ nipái oyãtá. Askámaĩnõ, ramaro mai shavapa yorarasĩ eneníi arimẽse ẽ papanamã ẽ iokaĩókatsa", ato akĩ.
Ãwẽ askámaĩnõ, "ase, inokakĩ ea atxiroa! Aaro awesáma, ẽ papanamã ea kaamashõ ẽ ikí, askámaĩnõ miãro ẽ shokõkenavo ato yoãshotã. ‘"Ẽ papa, matõ papakeóa ivo, ẽ ravia ivo Yové, mã ravikeóa ivo akánamã ẽ kakatsai", ikikatá’, ato atso", akĩ.
Atõ aská akatsikitõsho vanai. "Ea inokamase matonĩ ẽ nikatsai, askávai ea yonoyanamã ẽ iokaĩkatsa.