Autocontrole
O autocontrole é fruto do Espírito e virtude indispensável. A graça de Deus nos ensina a renunciar à impiedade e a viver com sobriedade, domínio próprio e piedade no mundo presente.
Fruto e virtude
O domínio próprio é fruto do Espírito. Acrescentai ao conhecimento o autocontrole. A disciplina interior produz maturidade.
पन पवित्र आत्मारो फल प्यार, आनन्द, शान्ति, सबर, ते दया, भलियाई, विश्वास, नम्रता, ते बरदाश केरनू; एरां कम्मां केरे खलाफ कोई कानून नईं।
एल्हेरेलेइ तुसेईं न सिर्फ यीशु पुड़ विश्वास कियोरो लोड़े, बल्के होरि केरे लेई भलियाई केरनेरे लेई सखत मेहनत भी कियोरी लोड़े, तुसेईं न सिर्फ तैन कियोरू लोड़े ज़ैन रोड़ू भोए, बल्के तुसेईं एरे लोक बनोरू लोड़े ज़ैना ज़ानतन समझ़दैरी सेइं केन्च़रे बर्ताव केरतन, तुसेईं सिर्फ इन न लोड़े ज़ानोरू कि समझ़दैरी सेइं केन्च़रे बर्ताव केरतन, पन तुसेईं अपनो आप कैबू भी कियोरो लोड़े, तुसेईं न सिर्फ अपनो आप कैबू मां लोड़े कियोरो, बल्के मुसीबत मां सबर भी कियोरी लोड़े, तुसेईं न सिर्फ मुसीबती मां सबर कियोरी लोड़े बल्के तुसेईं एरी ज़िन्दगी भी ज़ीयोरी लोड़े ज़ैस सेइं परमेशर खुश भोए। तुसेईं न सिर्फ एरी ज़िन्दगी ज़ीयोरी लोड़े ज़ैस सेइं परमेशर खुश भोए, बल्के तुसेईं एक्की होरि विश्वासी लोकन सेइं अपने टब्बरेरे लोकां केरो ज़ेरो प्यार भी कियोरो लोड़े, तुसेईं एक्की होरि सेइं न सिर्फ अपने टब्बरेरे लोकां केरो ज़ेरो प्यार कियोरो लोड़े बलके तुसेईं सैरी लोकन सेइं प्यार कियोरो लोड़े।
किजोकि परमेशरे सेब्भी लोकन मुक्ति देनेरे लेई अक बत देइतां अपनो अनुग्रह हिराव। परमेशर अपने अनुग्रहेरे ज़िरिये असन शिखालते, परमेशर असन शिखालते कि अस तेरहो बर्ताव न केरम ज़ैस सेइं तै खुश न भोए। ज़ेन्च़रे गैर विश्वासी चीज़ां केरू लालच़ केरतन तुस एरू न केरा, तुस ज़ांतगर इस दुनियाई मां आथ, अक्लमन्द ते धर्मी लोकां केरो ज़ेरो ते एरो ज़ेरो बर्ताव केरा ज़ैस सेइं परमेशर खुश भोते।
किजोकि परमेशर अस डरपोक नईं बनावरे बल्के तैसेरो आत्मा इश्शे दिलन मज़बूत केरते, ते मद्दत केरते कि अस होरि लोकन सेइं प्यार केरम ते ताके आपे कैबू मां रखम।
पन अवं अपने जानरी खुवैइशन मारताईं, ते कैबू मां केरताईं; एरू न भोए कि होरन प्रचार केरि, ते मीं इनाम न मैल्हेले।
ते हर अक पलवान हर किसमेरो परेज़ रखते, तै त अक शुकने बाले ताजेरे लेई इन सब किछ केरते, पन अस त तैस ताजेरे लेई केरतम ज़ैन कधी नईं शुकनू।
तुसन पुड़ एरी अज़मैइश नईं एवरी, ज़ै मैन्हु केरे झ़ैल्लनेरे बेइरे, परमेशर वफादारे, तै तुसन शेक्ति करां जादे अज़मैइशी मां गाने न देलो, बल्के अज़मैइशी सेइं साथी तैस मरां कढेलो भी; कि तुस झ़ेल्ली भी बटथ।
Dominar a si mesmo
Melhor é quem domina o seu espírito do que quem toma uma cidade. A cidade sem muros é quem não tem autocontrole.
च़िरे सेइं क्रोध केरनो बहदरी,
ते अपनो मन कैबू मां रखनो, नगर ज़ींतने करां रोड़ूए।
ज़ेसेरी आत्मा कैबू मां नईं तै एरे नगरेरो ज़ेरोए ज़ेसेरी दिवार घेरो देइतां ट्लोड़ी जेवरी भोए।
बेवकूफ अपने सारे मनेरी गल खोलते,
पन अक्लमन्द अपने मने रोकते, ते च़ुप केरते।
न त देइने पासे मुड़नू, ते न बांए पासे;
अपने पव्वन बुरैइारे बत्ती पुड़ च़लने करां हटा।
बेवकूफेरी सरक लूशी बांदी भोइ गाचे,
पन समझ़दार मैन्हु तुहीन नज़रानदाज़ केरते।
ज़िभरे कैबू मां मौत ते ज़िन्दगी दूईये भोतिन,
ते ज़ै तैसेरो इस्तेमाल केरनो ज़ानते तै तैसेरो फल भोगेलो।
ते इस दुनियारे तरीके पुड़ न च़ला, पन परमेशर तुश्शी सोच बदलेरे ज़िरिये सेइं तुश्शो चाल चलन भी बेदलोए, ताके तुस ज़ानथ कि परमेशर तुसन करां कुन चाते, या ज़ै रोड़ू ते ज़ैन तैस पसंद एइते, ते सिद्ध आहे।
मेरे ट्लारे ढ्लाव ते बेइनव, ई गल तुस ज़ानतथ, एल्हेरेलेइ हर कोई मैन्हु शुन्नेरे लेई हुशार ते ज़ोने मां पत्रोवं भोए, ते सरकी मां ढिल्लो भोए।
किजोकि इश्शी ई लड़ाई, खूने या मासे सेइं यानी मैन्हु केरे खलाफ नईं, बल्के प्रधान्न सेइं, ते अधिकैरन सेइं, ते इस दुनियारे आंधरेरे हाकिमन सेइं आहे, ते तैस दुष्टेरे आत्मिक फौजन सेइं आहे ज़ैना आसमाने मां आन।
एल्हेरेलेइ अस होरि केरे ज़ेरे झ़ुलोरे न रहम, पन बींझ़े रहम ते हुशार रहम।
"मीं एपनी एछ़्छ़न सेइं करार कियोरोए,
कि अवं कोन्ची कुइये बुरी नज़री सेइं न तकेलो।
एल्हेरेलेइ तू अपने बारे मां खबरदार रा कि तैना लोक तीं धोखो न देन। ज़ै मेहनत परमेशरेरे सेवारे लेई तीं की तै बेफैइदी न भोए, पन तुस तैना सैरी बरकतां हासिल केरेले ज़ैना देनेरो वाधो परमेशरे तुसन सेइं कियोरोए।