Autocontrole

22 Machane fare Kan Nthothup e ma sunumeg u lanin’dad e t’ufeg, nge felfelan’, nge gapas laniyan’, nge gumaen’, nge gol, nge fel’ ngak e girdi’, nge yul’yul’, 23 nge sobut’an’, nge t’ar laniyan’. Dariy ba motochiyel nib togopluw ko pin’ey.

5 Ireray fan ni ngam athamgiliyed ngam puthuyed pangimed ni bfel’ ngarogon nike michan’med ngak Kristus; mi gimed puthuy e gonop nga pangimed ni bfel’; 6 mi gimed puthuy ko gonop romed e t’ar laniyan’; mi gimed puthuy e k’adan’ ko t’ar laniyan’ romed; mi gimed puthuy ko k’adan’ romed e yan nga laniyan’ Got; 7 ma yan nga laniyan’ Got ni gimed be tay e ngam puthuyed ngay rogon nib t’uf bigimed rok bigimed nrogon e pi’in kar walaggad u daken Kristus; ma rogon nib t’uf bigimed nrogon e pi’in kar walaggad u daken Kristus e ngam puthuyed e t’ufeg ngay.

11 Runguy rok Got ngak e girdi’ e keb i m’ug ni fan e nge thap urngin e girdi’ ngak Got. 12 Ma re runguy nem e ir e be fil ngodad ni ngad paged pangidad nge ngongol rodad nde m’agan’ Got ngay nge chogowen urngin ban’en u fayleng nde mat’aw u owchen Got, ma gadad par ni gadad be t’ar lanin’dad ko tin nde fel’, ma gadad ba yal’uw, ma gadad be rin’ e tin nib m’agan’ Got ngay u roy u fayleng,

7 Ya Kan Nthothup nike pi’ Got ngodad e dar ma ngongliydad ni ngad rusgad; machane Kan Nthothup rok e ma pi’ gelngidad, mma fal’egdad nge t’uf Got rodad nge girdi’, mma pi’ gelngidad nge yag nda t’ared lanin’dad.

27 Kug gelnag dowag ko tug ni be aw ngay ke yan i par ni be fol rog, ni fan e nge dab nn’igeg u tomuren ni kug pining boch e girdi’ ni ngar uned ko re gosgos nem.

25 Ra be’ ni be fol gosgos ma be fol ko motochiyel ko fare gosgos ni be rin’; ni be rin’ ni aram rogon ni fan e nge yag nte’eliyawnag nga ba te’eliyaw ni gathi bayi par ni dabi kireb; machane gadad e gadad be rin’ ni fan nga reb e te’eliyaw nra par ni dariy n’umngin nap’an.

13 Urngin e n’en nma waliy e girdi’ nge denen nike yib ngomed e ireyer e mit i n’en ni ka ma yib ngak e girdi’. Ya Got e dabi thiliyeg e tin ke yog nra rin’ ngodad, ma dabiyag ni nge pagmed nge yib ngomed e pin’en nma waliy e girdi’ nge denen nge pag rogon ndabkiyag romed ni ngam taleged gimed riy; machane re ngiyal’ i n’em e ra pi’ gelngimed ngam k’adedan’med riy, ni aram e ke pi’ e kanawo’ ngomed ni ngambad riy nga wuru’ e pin’em.

32 Kabfel’ ni ngam gumaen’ ko bin ngam ma’ngach. Kabfel’ ni ngam nang rogon i gagiyeg nagem ko bin ngam gagiyegnag e binaw ni polo’.

28 Fa’anra dabiyag ni ngam kadan’um ko domumuw rom, ma ri ga bod feni me’waer bbinaw ni dariy e rungrung riy, nib puf wo’en e cham ngay.

11 Girdi’ nib manan’ e der ma mithag e damumuw rok, ma girdi’ nib sul lanyan’ ngak e yad ma kadan’ ngar pired nga daken e damumuw rorad.

27 Mu pithigem ko kireb ngam man u puluwom nga m’on. Dab mu chaf nga wuru’ e wo’.

16 Nap’an nra puwan’ be’ nib balyang, ma rib gagyel u daken. Ma pi’in nib tamilangan’ e ma sabalbalyang ko thin ni kireb.

21 Tin ga ra yog e rayag ni ayweg e yafos fa reb e ra thang; ere thangri fel’ u wun’um wenigan e pi thin rom.

2 Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

Ngan rung’ag min rin’

19 Gimed e pi walageg ni girdi’en Kristus ni gimed ba t’uf rog, dab mpaged talin ni gubin e girdi’ ma thingar ra gurgad ko motoyil, machane dab ra gurgad ngar welthingad, ma dab ra gurgad ngar damumuwgad.

12 Ya gadad e gathi gadad be cham ngak e girdi’, ya gadad be cham ngak gelngin e kan nib kireb, ni pi kan ni yad e yad be gagiyeg, nge gelngin e kan u lanelang ko ngiyal’ney nib talumor.

6 Ere dab ud molod ni bod boch e girdi’; ya ngu’ud pired ni gadad be od ma ba tamilangan’dad.

1 Ku gu t’ar u wun’ug

ndariy bingyal’ ni nggu changar i darngal ngak be’ ni bpin.

8 Ere mu ayuwgad, ya ri mul u pa’med e tin ni kad muruwliyed, ya nge yag ngomed urngin e tin ni ngan pi’ ngomed.