Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
शोभा तो चूठी ओर सुन्दरता बेकार ए,
पर जो जवाणस यहोवे रा डर मानोई, तेसा री तारीफ ऊणी।
तुसा रा श्रृंगार दखाऊटी नि ओ, जिंयाँ लग-लग किस्मा ते बाल़ गूँदणा, सूईने रे गईणे या कईया प्रकारा रे टाल्ले पईनणा। बल्कि तुसा री छिपी री गुप्त इनसानियत, नरमाई, मनो री दीनता री अविनाशी सजाऊटा ते सज्जी री रओ, कऊँकि परमेशरो री नजरा रे इजी री कीमत बड़ी ए।
पर यहोवे सेमुएलो खे बोलेया, "ना तेसरी शक्ला खे देख ओर ना ई तेसरे कदो खे देख, कऊँकि मैं से नि चूणी राखेया, कऊँकि यहोवे रा देखणा माणूंआ जेड़ा नि ए, माणूं तो बारला रूप देखोआ, पर परमेशरो री नजर मनो पाँदे रओई।"
तिंयाँ ई आँऊ ये बी चाऊँआ कि जवाणसा शर्म और संयमो साथे, सुहावने टाल्लेया ते आपणे आपू खे सजाओ, ना कि बाल़ गूँदणे, सूईने, मोतियो ते और किमती टाल्लेया ते, पर खरे कामो ते। कऊँकि परमेशरो री भक्ति करने वाल़ी जवाणसा खे येई ठीक बीए।
मेरे मनो रा स्वामी तो तूँई ए,
मेरिया माया रे गर्भो रे तैंई आँऊ बणाई राखेया।
मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।
तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।
ओ मेरी प्यारी, तूँ पुरिया तरअ ते बऊत बांकी ए,
तांदे कोई बी दोष नि ए।
तेबे परमेशरे माणूं आपणे रूपो रे मुताबिक बणाया। आपणे ई रूपो रे मुताबिक परमेशरे से बणाया। तिने मर्द ओर जवाणस करी की सेयो माणूं बणाए।
परमेशरे आसे बणाई राखे। तिने आसे यीशु मसीह रे तिना खरे कामो री खातर बणाए जेतेखे परमेशरे पईले तेई म्हारे करने खे त्यार करी राखेया।
ओ यरूशलेम शईरो रे लोको, उठो, सामर्था साथे परी जाओ; ओर यहोवे रा वैभव तुसा पाँदे उदय ऊई रा।
काआ तो सूकी जाओआ ओर फूल मुरझाई जाओए, पर म्हारे परमेशरो रा वचन सदा अटल़ रणा।
इजी री खातर आसे ईम्मत नि छाडदे, हालाँकि आसा रा बारला रुप नाश बी ऊँदा जाओआ, तेबे बी आसा रा पितरला रुप हर रोज नया ऊँदा जाओआ।
तेबेई तो आऊँ तुसा खे बोलूँआ कि आपणी जिन्दगिया रे बारे रे ये चिन्ता नि करो कि आसे क्या खाऊँगे और क्या पिऊँगे? ना आपणे शरीरो रे बारे रे कि क्या पईनुँगे? क्या जिन्दगी रोटिया ते और शरीर टाल्लेया ते बढ़ी की निए?