30 Mala lo7oy baleththees;

puulaykka qokkees;

gido attiin GODAAS yayyiza

maccassi iza anjjettidaaro.

3 Intte lo7eteththi coo mela hu7e daththaninne worqqan geexeteththan, al7o may7o may7on, coo mela ayfen beettiza geexen gidoppo.✝ 4 Intte lo7eteththi Xoossa sinththan waagara diza keehi bonchchettidaazinne dhayontta geexen, ashketeththan, addateththaninne Ayanan geexettida wozina garsan qotetti diza giddo wozina lo7eteth gido.

7 Gido attiin GODAY Sameela, «Tani hayssa kadhida gishshas ne izas malaa woykko geesaa xeellofa; GODAY asi xeelliza mala xeellenna; asi kare bagga hanota be7ees; GODAY gidikko wozina xeellees» gides.

9 Hessaththoka maccassati bonchchora bana shiishshi ekkidi bessiza may7o may7etto attiin ba hu7e daddi ekkidi woykko al7o may7o, worqqanne inqqu aaththidi walqqi walqqi gooppetto.✝ 10 Gido attiin Xoos woossoos giza maccassati isttas ooththana bessiza lo7o ooson lo7etto.

13 Neni ta asateththa

ubbaa medhdhadasa;

ta aayey ulonkka

tana tila medhdhadasa.

14 Neni tana keehi yegalththinne

malalisizaaz histta

medhdhida gishshas

ta nena galatays;

ne oosoti malalisizayta!

Ta shemppoya

hessa ubbaa erawus.

7 Ta godee!

Ne asateththay kumeth lo7o;

ne bolla aykko wosoykka baawa.

27 Hessaththo Xoossi as ba leemison bana misatissidi medhdhides; izi istta addenne macca ooththi medhdhides.✝

10 Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

1 GODAY,

«Ne poo7oy yida gishshas

dendada poo7isa;

GODAA bonchchoy

ne bolla poo7ides.

8 Maatay melees;

ciishshayka qokkees;

gido attiin nu Xoossaa qaalay

mernaas minni dees»

gaada waassa gides.✝

16 Hessa gishshas nu hidota qanxxoko; nuus kare bagga asateththay dhayi dhayi biikkoka nuus gaaththa bagga asateththay gallas gallas ooraxi ooraxi bees.

25 «Hessa gishshas ta inttena intte duussa gishshas, ‹Ay miinoo? Ay uyinoo? Ay may7inoo?› giidi hirgofte gays. Shemppoy qumappe, ashoy may7ofe aadhdhennee?