Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Mago a’mo’ma fru huno knare avu’ava’ma hania zamo’a krevatga hanigeno, agi agonama keganunuma hananazamo’a, fanane hugahie. Hianagi Ra Anumzamofoma koro hunteno agoragama nemanisia a’mofona, husga huntegahaze.
Tamagrama a’nemotma tamazoka’ma ki hariritma golire tamavasese nehutma, kukena nehutma, amega tamavufgare konariri huzankukera osiho. Hianagi tamagu’afi havizama osania avasesezana, fru huno akoheno mani avasese’za hiho. E’inahu avasese zanku Anumzamofona avenesie.
Hianagi Ra Anumzamo’a Samuelina amanage huno asami’ne, Amega avufgare’ene za’za’ma huno hentofazama hu’nenia zantera, kenka huhampri onto. Na’ankure nagra agrira huhampri onte’noe. Hagi Nagra vahe’ma huhamprima nezmantoana, vahe’mo’zama nehazaza hu’na amega zmavufgarera nege’na hunohampruanki, zamagu’are nege’na hunehamprue.
A’nemo’za zamavuzmavama hanaza zamofo naneke
Hagi nagri’ma navesiana, a’nemo’za fatgo huza kukena nehu’za, zamavasesema hanafina vahe’mo’za kezmasane hu’zana nosuza, zamanu zamazoka hane’zane, golire trohunte’naza avasase zane, hage rimpinti zane (pearl), marerisa kukena osiho. Hu’neanagi Anumzamofo amage' nentonema hanaza a’nemo’za, knare avu’ava nehu’za, ana avu’avateti knare avasese hiaza hu’za hugahaze.
Na’ankure maka nagu’a navufga Kagra tro hunante’nane. Ana hutenka antanimofo rimpafima mani’nogenka maka navufga Kagra rehatinante’nane, Kagrama nagrima tro’ma hunanana, so’e' zantfa hunku tro hunante’naku muse hunegantoe. Kagrama eri’nana eri’zamo’a, knare huno so’e zantfa hu’ne. Ana hu’neanki’na e’i ana zana nagra ke’na antahi’na hu’noe.
Navesima negantoa mofamoka kagrira kagi kagonamo arava ohe hentofa zaga mani’nankeno, maka kavufgamo’a afuhe afahera osuno hentofaza hu’ne.
Hagi Anumzamo’ma vahe’ma tro hu’neana, Agra’agna tro hu’ne. Vene a’ene tro huzanante’ne.
Na’ankure tagrira, Agra’a tro hurante’ne, Krais Jisasimpi knare eri’za erisnunku, Anumzamo’a korapa ana kana retro hunte’neankita, knare eri’za enerita ana kantera vugahune.
Jerusalemi kumate’ma knare knama esania zamofo naneke
Jerusalemi kumamoka otinka remsa huo, na’ankure kagri masamo’a ko e’ne. Ana nehugeno, Ra Anumzamofona hankavenentake masa zama’amo’a kagritera remsa hino.
Hanki trazamo’a hagege nehanigeno, trazamofo amosre’amo’a mopafi evuramigahie. Hianagi tagri Anumzamofo nanekemo’a, vaga oreno mevava hugahie. (1 Pita 1:24-25.)
Ana hu’negu tavresra nosie. Tamage tavufgamo’a frino negasrianagi, knane knanena avamutimofona erikasefa nehie.
Mago zankura hakare kagesa ontahisana naneke
E’ina hu’negu, Nagra neramasmue, tamagrama manisnaza zankura tamagesa antahintahi hakare osuta, naza kavera negahune, igati tina negahune, kukena tavufarera na’a hugahune huta ontahiho. Anampina kavemo’a mani’zana agaterenefi, hipi kukenamo’a tavufa agatere’neo?