Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Yanagaw kun kaliman mayu ma-imoꞌ matinaw na ka͡ubayan, bekeꞌ yeiy oloꞌ na pagpakanenggeya sa kamayu pagka-utawun aw pagpakadyaw sa lugay aw pagbetang sa manga pagkanaꞌ na bulawan dun ni lawas mayu aw pagsut sa kadégkadég na dakulaꞌ ya alagaꞌ. Manang tibagsegi mayu baling ya pagpakanenggeya magi sa malinis na anenganeng na munga sa madyaw na bet aw pagpadalem. Dun ni anenganeng na Tyumanem, yeiy ya tengteng na katinaw na ka͡ubayan na diliꞌ malagak.
Aw maynan uman, ya manga ka͡ubayan, sa pagsambuk nilan dun ni pagpanawagtawag adti Tyumanem, madyaw galu pagsutun nilan ya kadégkadég na umbaꞌ sa pagsimba, bekeꞌ na kadégkadég na makamulamula kanilan. Aw diliꞌ nilan pagpasobla͡an ya pagpakanenggeya sa kanilan lugay aw ya pagsut sa manga bulawan aw pérlas aw kadégkadég na to-o dakulaꞌ ya alagaꞌ. Manang yan baling ya pakanenggeya͡an nilan ya manga madyaw na imo-unun na umbaꞌ sa bet na ka͡ubayan na nyangintu-u la sa Tyumanem.
Kay ya Tyumanem, yan saba ya migbagu kanaten. Pig-imoꞌ nan yeiy magi dun ni pagpakasambuk tadun kan Kristu Jisus, pada ma-imoꞌ tadun ya manga madyaw na imo-unun na pigtagilan dadan kanaten na Tyumanem.
Yanagaw walaꞌ pagkalumay ya kanami ginawa sa imo-unun yeiy. Pangkay ya kabagseg na kanami lawas maya-mayaꞌ nyalagak, manang kada allaw pigbagu na Tyumanem ya kanami anenganeng.
"Yanagaw paglongun ta kamu: Diliꞌ magkakamang ya kamayu ginawa sa kadég na kamayu kapelekan asini tas na lupaꞌ, kun unu ya un mayu kanen aw inemen, aw kun unu uman ya un mayu sutun. Kay ya pag-eyaꞌ na utaw asini tas na lupaꞌ, bekeꞌ oloꞌ na makan aw bekeꞌ oloꞌ na kadégkadég.