30 Gudfala fasin blong woman i save trikim man isi nomo, mo fes we i naes i no save stap longtaem. Be woman we i stap ona long Hae God, i stret blong olgeta man evriwan oli stap leftemap nem blong hem.

3 ✝Mo i nogud yufala i stap fasem hea blong yufala, mo yufala i stap putum gol jen mo ol flas klos blong yufala, blong flasem yufala. 4 I moa gud yufala i mekem tingting blong yufala i stret long fes blong God, mo yufala i gat pis long laef blong yufala, mo yufala i kwaet woman, we fasin blong yufala i stret gud. Fasin olsem i gud tumas long fes blong God mo i no save lus.

7 Be Hae God i talem long hem se, "Yu no tingbaot we man i longfala man mo i naes. Mi mi no wantem man ya, from we fasin blong mi blong lukluk man i no olsem fasin blong man. Man i stap lukluk long bodi blong man nomo, be mi mi stap lukluk long tingting blong hem."

9 ✝Mo mi wantem se ol woman oli putum klos blong olgeta we i stret nomo, i no blong pulum ae blong man, mo i no blong flas. Bambae oli no mas mekem hea blong olgeta i flas tumas, mo oli no mas putum ol flas samting we oli wokem long gol mo perel*, mo ol dres ya we praes blong olgeta i antap tumas, blong mekem ol man oli glad long olgeta. 10 Olgeta oli mas mekem ol gudgudfala wok, from we hemia i prapa fasin blong ol woman we oli stap talem se oli lavem God.

13 Taem mi stap yet long bel blong mama blong mi,

yu yu mekem evri haf blong bodi blong mi,

mo yu mekem olgeta oli joen gud.

14 Yu yu mekem mi

long fasin we i narafala,

mo i nambawan olgeta.

Mi mi ona long yu,

mo mi presem nem blong yu from.

Olgeta samting we yu yu mekem

oli gud we i gud tumas.

Samting ya,

mi mi save we mi savegud.*

7 Daling,

yu yu naes tumas.

Bodi blong yu i nambawan,

i no gat wan mak nating i spolem hem.

27 ✝✝Nao hem i mekem man, mo man ya i tekem fasin blong hem, i olsem hem stret. Fastaem, hem i mekem tu man nomo, wan we i man mo wan we i woman.

10 God i mekem yumi, mo hem i stap wok long laef blong yumi. Hem i joenem yumi long Jisas Kraes, mo i mekem yumi kam ol niufala man, blong bambae yumi save mekem ol gudgudfala wok we hem i makemaot finis, blong yumi mekem.

1 Nao profet i talemaot long ol man blong hem we Hae God i talem se,

"Ol man Jerusalem.*

!Yufala i girap!

!Naoia i taem blong taon ya blong yufala

i saen olsem san!

!Mi mi Hae God,

mo bigfala laet

we i soemaot we mi mi stap,

bambae i saen i kam long hem!

8 Yes, gras i stap kam drae,

mo flaoa i stap lusum kala,

be tok blong God blong yumi

bambae i stap olwe,

gogo i no save finis.’ "

16 Nao from samting ya, neva tingting blong mifala i kam nogud long ol trabol we i kasem mifala. Maet bodi blong mifala i stap kam nogud moa oltaem, be nating. Evri dei, God i stap mekem tingting blong mifala i niuwan bakegen.

25 Mo Jisas i gohed, i talem se, "Nao from samting ya, mi mi talem long yufala, se i nogud yufala i stap tingting tumas from laef blong yufala se, ‘?Bambae mifala i kakae wanem?’ no ‘?Bambae mifala i dring wanem?’ Mo i nogud yufala i stap tingting tumas from bodi blong yufala se, ‘?Bambae mifala i kasem klos blong mifala olsem wanem?’ I nogud yufala i stap tingting olsem, from we laef blong yufala i moa long kakae, mo bodi blong yufala i moa long klos.