Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Ndokko ado abiaña, uyai ñko ado ke etək-etək ini;
ado awonwaan a-abaaha Abọọñ a-ado se etooro.
Uyai ndufo ikpinaaha akọñọ ke mbanaidem ikpọkidem, nte udọk ided ye adikọñọ ñkpọ mbanaidem a-kold, ye adisịne uyaiya afọñidem. Ado uyai ndufo akpena ato esịd idem awuọ adi, nsi-nsi uyai a-adooho sʌñ-sʌñ ye ifuuro-ifuuro sịbidịd a-adooho akpan ñkpọ ke iso Abasi.
Ado Abọọñ amaabo Samwel, "Kuuse naña anye aba me unyọọñ amọ, sia adooho ami mmesịn anye. Abọọñ isiseeghe mme ñkpọ se mme awo ese. Mme awo esise anyọñidem awo ado Abọọñ ase esịd."
Ukem ado ñko, mmeyem ibaan esịne afọñ a-adotto ukpono anyʌñ anie uku, idooho ke adidọk ided me adisịne mme ñkpọ mbana idem me kold ye nsọñudua itiad mbanaidem, me ke adisịne nsọñudua afọñ, ado ke nti utom, a-adotto ye ibaan e-enyịmmeke ke mmimọ ikpono Abasi.
Sia afo akebot ataa esịd idem mmi;
afo akemfʌk miin ke idịb eka mmi.
Ami utooro fiin sia afo akembot miin ke ndịk-ndịk ye utịppe-utịppe usʌñ;
mme utom mfo edo utịppe,
ami mmenekke ndiọọñọ ntoro.
Afo ameyaiya afịd idem, edima mmi;
ndo ndomokeed ibaaha ke idem mfo.
Ndin Abasi amaabot awo ke mbid idem amọ,
ke mbid Abasi anye amaabot ammọ;
anye amaabot ammọ, awodeen ye awonwaan.
Sia ñnyịn ido ubọkutom Abasi e-ekebotto ke Krais Yisọs ete inam nti utom, A-Abasi amaakebebem iso abeeñe anịm inọọ ñnyịn adinam.
"Dakka da, ñnyʌñ yamma, sia unwana mfo adi,
ndin ubọọñ Abọọñ u-udoro fiin ke idem.
Mme mbid eyeeme, mme ñkpokpoñ ñko eduọññọ,
ado ikọ Abasi ada ke nsi-nsi."
Ke ntom, esịd iduọhọ ñnyịn. Ndin akpesʌkado a-ñnyịn imiinieghe inweek aba ke ikpọkidem, ado ke esịd idem Abasi asʌk isịn ñnyịn inweek ke usen ke usen.
"Ke ntak ado ke ami ibo ndufo ikiifịna idem ibaña uwem ndufo, se ediidia me se ediinwọñ; me se ibaña ikpọkidem ndufo, se ediisịne. Nte uwem ikponno ikan ndidia, ikpọkidem inyʌññọ ikpon ikan afọñ?