30 Iyeeni magadiñein,

gagumuchaguadi ligía uéndeni;

anhoun würi to íchuguboun inebesei lun Bungiu,

ladimurehouba buidu tuagu.

3 Mamalá lau burí katei bóuguditi hibiti hewendeda, kei burí lanarime arouraguni, arigeilaü luma burí bángüli le golu, daüguaü wéndegutu; 4 tídanla hanigi hewendeda, le ábanbei ubuiduni le meferidirawadibei. Aban sífiri gálumati, darangila, ligía katei gebegibei saragu ligibugiñe Bungiu.

7 Gama lumoun aba lariñagun Wabureme lun:

—Metenirabá lun lumagadiñen, ni lun lúgubu, lugundun mama ligía nabusenrubei. Ladüga marihinti Bungiu luagun le larihubei wügüri, le ligibugiñebei lagu wügüri ligía larihibei, anhein Bungiu anigi larihiboun.

9 Ánhañati würiña busentina lun hadaüragun keisi lubudubu, lun mama lan lau amuriguni hanarimeguti haranseragua houngua, ni lau golu, pérülasi, o daüguaü séruburitu; 10 lun lau lan lubuidun igaburi hadouragua haugua kei lunti lan hadügün würiña ha deregeguaañabaña houngua lun Bungiu.

13 Buguya adügübalin sun núgubu;

buguya adügübalina turageirugu núguchu.

14 Alawaha numutibu, ladüga wéiritu nanigi,

ladüga wéiriguti katei le badügübei.

Chouru numuti lira!

7 Mama lanarime bumagadiñen númari,

lúmagiñe bugudi darí bábulugu!

Úati mégeiti buagu.

27 Dan le ladügünbalin Bungiu wügüri, lenege guánarügü ladügei, adüga lumuti wügüri adüga würi,

10 Lugundun Bungiu adügübaliwa; iserihadiwa lidan Kristu Hesusu lun wadügün katei buiti, kei laritaguni lúmagiñe binarü.

1 Saraba, Herusalén, hóuburagu lidan larugounga,

lugundun chülühali bilanpun,

ani harugoungati luéirigun Bungiu buagu.

8 Saüti híduru, hilá ligía fuluri,

ánheinti Lererun Wabureme rédeiti lun súnwandan.

16 Ligía mábürühan lubéi warüna. Labu sun agumuchagueina liña lan wágubu murusun murusun; iseridagueina waña múnadagiñe wabiti sagü weyu.

25 «Nariñahare lubeiti hun, madiheri humá luagu kaba lan heiga o kaba lan hata lun habagaridun, ni tuagu daüguaü to lunboun hadaürünu. Ma funagia gebegitimati ibagari sügǘ lau éigini, gebegi úgubu sügǘ tau daüguaü?