Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Ccungccaw lunglawnaw nynh
ccungccaw kha a lingthya,
puithyanaw tuh accakaepaw nynh thua,
thuasalama Bawipaw raw a rihpaw
nopi tuh thehoysah athua cih.
Na ccaankunaw oh paw tuh atolang e ccaankunaw, sangkhekunaw, sui lawkunaw te boeining hoypaw lawkunaw kyalya thua leite, nevyalyapaw te daebabipaw muisaw kya-e arohthya leipaw puithyanaw khate nae thinlung alungkhu e ccungccapaw kha la ccaan oh, tuh-e tuh Pachia malang myarya aphutepaw nynh thua.
Thuasalama Bawipaw nynh Samuel kha, "A muinsan te a pynrua ahangpaw kha do nan, pawccecize amaw kha ka vua vae; pawccecize Bawipaw nynh tuh ccungccaw nynh do hawte do khyh; ccungccaw nynh tuh atolang e muinsan kha a do, thuasalama Bawipaw nynh tuh thinlung kha a do," a cipya.
Tuhawte nopi hae nynh mah maethyaum leipaw boeining dohoypaw kha lawkute, ozia hoypaw te angaekuh lante ccaankuh hae sah lah, akhekuhpaw sang, sui, palee hae te amee rupaw boeining te ccaankuh nan hae sah; Pachia tungvaw rawri sawtuanaw a hoipaw nopi hae nynh cyi lan accan thyhte ahoypaw cyisahnaw khate ccaankuh hae sah ci ka ry.
Ka lungkhu e miakaw yn raetupaw tuh
nang nynh na thua;
ka nung vue lungkhu khe nae rae,
Ngaeangthua lante ri lan a um lante
nae rae keiccuze kae thehoysah.
Na ryalaw balyn tuh ngaeangthua lan
a um cipaw hoyte ka ny.
Ka sungsahnung,
na pyn balyn mawte na puithya;
na kya hosianaw um khyh.
Tuhcite Pachia nynh, ccungccaw kha
amaw muinsan alo lante a rae,
minmin kha Pachia muinsan alo lante a rae hae;
aning nynh pise te nopi kha a rae hae.
Pawccecize aening tuh ahoypaw ryalaw law khylan Khri Jesu kya amaw nynh oun raepaw nynh ah thua oh; tuh-e ahoypaw ryalaw hae kya ah hiin nawlan oh Pachia nynh a la paccyn ty vae.
Thokuh lah, awtua;
na awnaw tuh yn thua vae zah,
Bawipaw phu-enaw tuh
na tungvaw alangkuh vae.
Lonua tuh naan zah
haetapaw tuh akhuakuh;
thuasalama ah Pachia bya tuh
zungzae atyn cih.
Tukeiccuze kae lungthang khyh. Atolang e kae pyn tuh roh salamah, alungkhu lang e kae muisaw tuh nin kheit koute nin kheit thawsah athua.
"Tukeiccuze kae hopya oh, pawmou kae ae cih, pawmou kae neih cih cite nae hiinnaw hanlan nae lungvawsaw nan sah; paw boeining mou kae lawkuh cih cite nae pyn elang nae lungvawsaw nan sah. Hiinnaw tuh looh laeze sunghua khyh tou? Pyn tuh boeining laeze sunghua khyh tou?