Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Seachainn an t-olc, agus dèan am math; iarr sìochaint, agus lean i.
Earb thusa as an Tighearna, agus dèan math; mar sin gabhaidh tu còmhnaidh anns an tìr, agus beathaichear thu gu cinnteach.
Gidheadh chreid mise gum faicinn maitheas an Tighearna ann an tìr nam beò.
Cuimhnich do chaomh-thròcairean, a Thighearna, agus do choibhneasan gràdhach, oir tha iad ann o chian nan cian.
Peacaidhean m’òige agus m’easaontais, na cuimhnich thusa; a rèir do thròcair bi-sa cuimhneachail orm, air sgàth do mhaitheis, a Thighearna.
Tha thu a’ fosgladh do làmh, agus a’ sàsachadh miann gach nì beò.
An sin tuigidh tu fìreantachd, agus breitheanas, agus ceartas; seadh, gach uile dheagh shlighe.
Is e tlachd duine a choibhneas; agus is fheàrr duine bochd na breugaire.
Ach is e toradh an Spioraid gràdh, aoibhneas, sìth, fad-fhulangas, caomhalachd, maitheas, creideamh,
Macantas, stuaim: an aghaidh an samhail sin chan eil lagh.
Uime sin a rèir mar a tha cothrom againn, dèanamaid math do na h-uile dhaoine, ach gu h-àraidh dhaibh-san a tha de theaghlach a’ chreidimh.
Na tigeadh cainnt thruaillidh air bith a-mach as ur beul, ach an nì sin a tha math a-chum deagh-fhòghlaim, ionnas gun toir e gràs don luchd-èisdeachd.
Agus bithibh coibhneil teò-chridheach da chèile; a’ toirt maitheanais da chèile, eadhon mar a thug Dia maitheanas dhuibhse ann an Crìosd.
Biodh ur gràdh gun cheilg. Biodh gràin agaibh den olc; dlùth-leanaibh ris an nì a tha math.
Na toirear buaidh ort leis an olc, ach thoir-sa buaidh air an olc leis a’ mhath.
Tha na h-uile nithean ceadaichte dhòmhsa, ach chan eil na h-uile nithean iomchaidh: tha na h-uile nithean ceadaichte dhòmhsa, ach cha toir na h-uile nithean fòghlam.
Na meallar sibh: truaillidh droch choluadar deagh bheusan.
Agus tha Dia comasach air gach gràs a dhèanamh ro-phailt dhuibhse, a-chum air dhuibh anns gach uile nì làn-leòr a bhith agaibh a-ghnàth, gum biodh sibh pailt a-chum gach deagh obrach.
Air an dòigh cheudna, na mnathan a chur aodaich iomchaidh umpa, gan sgeadachadh fhèin le nàisneachd agus stuaim: chan ann le casadh an gruaige, no le òr, no le neamhnaidean, no le culaidhean luachmhor;
Ach (mar as cubhaidh do mhnathan a tha ag aideachadh diadhachd), le deagh obraichean.
A thug e fhèin air ar son, a-chum gun saoradh e sinn o gach aingidheachd, agus gun glanadh e dha fhèin sluagh sònraichte, eudmhor mu dheagh obraichean.
Agus a thuilleadh air seo, air dèanamh an uile dhìchill dhuibh, cuiribh ri ur creideamh deagh-bheus; agus ri deagh-bheus eòlas;
Agus ri eòlas stuaim; agus ri stuaim foighidinn; agus ri foighidinn diadhachd;
Agus ri diadhachd gràdh bràthaireil; agus ri gràdh bràthaireil seirc.
Agus cò e a nì olc oirbh, ma bhios sibh nur luchd-leanmhainn air an nì sin a tha math?
Mar seo thubhairt an Tighearna; Seasaibh anns na ròidean agus faicibh, agus feòraichibh airson nan seann cheuman, Càit a bheil an t-slighe mhath, agus gluaisibh innte; mar sin gheibh sibh fois dur n-anaman. Ach thubhairt iadsan, Cha ghluais sinn innte.
Is math an Tighearna, is daingneach làidir e ann an là na h-airce, agus is aithne dha iadsan a tha a’ cur an dòchais ann.
Agus cha las daoine coinneal a-chum gun cuir iad i fo shoitheach, ach ann an coinnleir, agus nì i solas do na bheil a-staigh.
Guma h-ann mar sin a dhealraicheas ur solas an làthair dhaoine, a-chum gum faic iad ur deagh obraichean, agus gun toir iad glòir dur n-Athair a tha air nèamh.
Bithibh-se uime sin tròcaireach, mar a tha ur n-Athair tròcaireach.