14 ✝Nɨ akɨrim ragh arazir kurabagh asaragh, egh arazir aghuibara damu.

Egh navir amɨrizimɨn gumazamizir igharaziba ko ikɨsɨ

gavgavigh mamaghɨra ikɨ.

3 Nɨ nɨghnɨzir gavgavim Ikiavɨra Itir Godɨn ikɨ,

egh arazir aghuibar amu.

Egh nɨ nguazir kamɨn ikɨ deragh ikiam.

13 ✝Nɨghnɨzir gavgavir kam nan ikiavɨra itima, kɨ kamaghɨn fo,

kɨ nguazir kamɨn angamɨra ikɨ gantɨ,

God deraghvɨra uan gumazamizibar amuam.

6 ✝O Ikiavɨra Itir God, nɨn arazir aghuim ko apangkuvir arazir nɨ e gamiba,

da fomɨra ikia iza datɨrɨghɨn iti.

Nɨ datɨrɨghɨn ua dagh nɨghnɨghɨva dar amu mangɨvɨra ikɨ.

7 ✝Kɨ uan igiamra ikiava amizir arazir kuraba, ko nan arazir akaba batoziba,

nɨ dagh nɨghnɨghan markɨ.

O Ikiavɨra Itir God, nɨ deragha na gamua bar nan apangkufi,

kamaghɨn amizɨ nɨ na gɨnɨghnɨgh.

17 Sɨn itir arazir aghuibara, Ikiavɨra Itir God, dar gɨrara ghua bizibagh ami.

Arazir an amir kaba,

a bar en apangkufi.

9 Nan borim, nɨ nan akam bareghɨva, egh nɨghnɨzir aghuimɨn gɨn mangɨva, egh tuavir aghuir nɨ mangamim a gɨfogham.

Egh nɨ arazir aghuim gɨfoghɨva, egh uaghan arazir magh garimɨn gumazamizibar amuamin arazim gɨfogham.

22 Gumazim akar a uabɨ amiziba, gavgavigha dar gɨn zui, gumaziba a gifonge. Guizbangɨra, kamaghɨn derazir puvatɨ, gumazim onganarazibagh amir gumazim mɨn ikiam, kamaghɨn derazir puvatɨ. Egha onganarazibagh amir gumazimɨn, a gumazir aghuim, a gumazir ifarim bar a gafira.

22,23 ✝Ezɨ Godɨn Duam arazir aghuir kabar amuasava en naviba fe: arazir bar igharaz darazigh ifongezim, bar akongezim, navir amɨrizim, dughorir amɨrazim, gumazibar akurvagha arazir aghuibar me gami. Egha guizbangɨra mɨgɨa deravɨra bizibagh amua, gumazibar asughasusi, egha navir ghurimɨn araziba dɨkabɨri. Moses Osirizir Arazitam arazir kabar anogoroghezir puvatɨ.

10 ✝Kamaghɨn amizɨma, datɨrɨghɨn dughiam ikiavɨra iti, e arazir aghuibar gumazamizir igharaziba bar deravɨra me damuam. Egh bizir ekiam, e deravɨra gumazamizir nɨghnɨzir gavgavim Ekiamɨn itibar amuam.

29 ✝Eghtɨ akar mɨzɨrɨzir kuraba ian akabar otivan markɨ. Ia gumazamizibar akurvaghamin akabara mɨkɨm. Akar aghuir igharaz darazi gavgavim me danɨngamibara, da ian akabar otiv. Egh akar ia mɨgeir kaba, da gumazamizir ia barazibar akurvagham.

32 ✝Egh ia arazir aghuibar Kraisɨn adarazi me damu, men apangkuv. Egh uaghan uari uan arazir kuraba gɨn amang, mati God Kraisɨn ingangarimɨn tuavimɨn, ian arazir kuraba gɨn amadi.

9 ✝Ia ifar gumazamizibagh ifongan markɨ, ia uan navir averiabar aven guizɨn gumazamizibagh ifongegh. Egh arazir kurabar aghuaghɨva, arazir aghuibar suiragh gavgafigh.

21 Nɨ arazir kuram ateghtɨ, a nɨ gafighan markɨ. Nɨ arazir aghuim damutɨ, nɨn arazir kam arazir kuram abɨragh a gafiragham.

23 ✝Marazi ghaze, "God en amamangarɨgha ghaze, e biziba bar dar amuam." Ezɨ e amir bizir maba deravɨra en akurvazir puvatɨ. Marazi ghaze, "God en amamangarɨgha ghaze, e biziba bar dar amuam." Ezɨ e amir bizir maba, e Kraisɨn adarasi, da gavgavim e ganɨdir puvatɨ.

33 Ia gumazamizir igharazibar amamangatɨghtɨ, me ia gifaran markɨ. Ia akar kam gɨfo, "Ia gumazamizir kuraba ko poroghtɨ, me ian arazir aghuibagh asɨghasɨgham."*

8 ✝God bizir aghuir guar avɨriba ia danɨngamin gavgavim iti, eghtɨ ia bizir aghuir bar avɨriba ikiam. Egh ia zurazurara biziba bar izɨvagham. Eghtɨ ia ingangarir aghuiba bar dar amusɨ, bizir bar avɨriba ia bagh izɨvagh ikiam.

9 ✝Kɨ uaghan kamaghɨn ifonge, amiziba korotiar aghuibar aghutɨ, da men tughatɨgham. Eghtɨ men korotiaba, igharaz darazi men ganɨva nɨghnɨzir kuraba ko aghumsɨzir nɨghnɨziba ikian kogham. Me uan dapanir arɨziba mɨghvɨra da asɨngan markɨ, egh uan mɨkarziba, manmaniaba ko gol ko korotiar bar pɨn koziba, puram azenan dar kurukan markɨ. 10 ✝Amizir Godɨn akamɨn gɨn mangasa ifongeziba, me arazir aghuibar amu. Arazir kaba, kar guizɨn men kurukazim.

14 ✝Krais kamaghɨn ifonge, a uam e inigh en arazir kuraba adangasa. Eghtɨ e bar zuegh an gumazamizibar mɨn ikiam. Egh e arazir aghuibar amusɨ bar ifongegham. Bizir kam bagha, a uabɨ uan mɨkarzim anigha, areme.

5 ✝Bizir kabanang bagh, ia Godɨn ikɨrɨmɨrim inisɨ pamten ingar. Ia datɨrɨghɨn nɨghnɨzir gavgavim Kraisɨn iti. Egh uaghan arazir aghuibar gumazamizir igharazibar amu, egh uaghan Godɨn fofozir arazim deravɨra a inigh. 6 ✝Egh uaghan navir ghurimɨn araziba da dɨkabɨn, egh uaghan tugh gavgavigh osɨmtɨziba ater, egh uaghan God ifongezir arazibar gɨn mangɨ. 7 ✝Egh uaghan, uan adarazir mɨn, Kraisɨn adarazir apangkuvigh men akurvagh. Egh uaghan igharaz darazigh ifongezir arazim damu.

13 ✝Ia arazir aghuibar amusɨ bar ifueghtɨ, tina arazir kuratam ia damuam? Dughiar avɨriba ti puvatɨgham.

16 ✝Ikiavɨra Itir God uan gumazamizibav gɨa ghaze:

"Ia tuavir akamɨn mɨtɨgh nɨghnigh, ia tuavir manam mangɨsɨ ifuegh, an mangɨ.

Ia tuavir aghuir ian inazir afeziaba faragha ghuezim bagh gan an apigh an mangɨ.

Ia tuavir kamɨn mangɨtɨ, bizitam osɨmtɨzim ia danɨngan koghtɨ,

ian naviba purama amɨraghɨrɨgh nɨmɨra ikiam."

Ezɨ Israelia a ikaragha ghaze,

"Ti puvatɨgham,

E tuavir mamɨn gɨn mangan aghua."

7 ✝Ikiavɨra Itir God, an arazir aghuibar e gami.

Osɨmtɨzibar dughiabar a uan gumazamizibar mogomer danganimɨn mɨn ikia,

egha gumazamizir a bagha zuiba, a men akurvasi.

15 ✝Egha gumazitam lamɨn tam gaborogha a isa mɨnetamɨn aven anetɨzir puvatɨ. An a isɨ dakozim dafaghtɨma, an angazangarim gumazamizir dɨpenimɨn itiba bar me gisiragham. 16 ✝Nɨn angazangarim kamaghɨra isiraghtɨma, gumazamiziba bar an ganam. Egh me ian arazir aghuir kabar ganɨva ian Afeziar uan Nguibamɨn itim, me an ziam fam."

36 Afeziamɨn apangkuvimɨn mɨrara, ia apangkuvim ikɨ."