Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
बुराई नै छोड़ अर भलाई कर;
मेळ नै ढूँढ़ अर उस्से का पिच्छा कर।
यहोवा पै भरोस्सा राख,
अर भला कर, देश म्ह बस्या रहै,
अर सच्चाई म्ह मन लगाये रहै।
जै मन्नै बिश्वास न्ही होंदा के जिन्दयां की
धरती पै यहोवा की भलाई नै देक्खुँगा,
तो मै बेसुध हो जान्दा।
हे यहोवा, अपणी दया अर करुणा के काम्मां नै याद कर;
क्यूँके वे तो सदा तै ए होन्दे आए सै।
हे यहोवा, अपणी भलाई के कारण
मेरी जवान्नी के पापां नै अर मेरी गलतियाँ नै याद ना करै;
अपणी करुणा कै मुताबिक तू मन्नै याद कर।
यहोवा अपणी सारी चाल म्ह धर्मी
अर अपणे सारे काम्मां म्ह करुणामय सै।
फेर तू धर्म अर न्याय अर सिधाई नै,
यानी सारी आच्छी राह नै समझ सकैगा;
माणस म्ह ईमानदारी सबतै आच्छा गुण सै,
अर गरीब आदमी झूठ बोलण आळे तै सही सै।
पर आत्मा का फळ प्यार, आनन्द, शान्ति, धीरज, करुणा, भलाई, बिश्वास, नम्रता, अर सयंम सै, इसे-इसे काम्मां के बिरोध म्ह कोए भी नियम-कायदे कोनी।
इस करकै जड़ै ताहीं मौक्का मिलै हम सारा के गेल्या भलाई करा, खास करकै बिश्वासी भाईयाँ के गैल।
कोए भी गलत बात थारे मुँह तै ना लिकड़ै, पर जरूरत कै मुताबिक वोए लिकड़ै जो दुसरयां के बिश्वास की बढ़ोतरी कै खात्तर हो, ताके वा बात जो थारे मुँह तै लिकड़ै सै वा सुणण आळा नै उत्साहित कर सकै।
एक-दुसरे पै दयालु अर करुणामय हो, अर जिसा परमेसवर नै मसीह म्ह थारे कसूर माफ करे, उस्से तरियां थम भी एक-दुसरे के कसूर माफ करो।
प्यार करण का दिखावा ना करो, बुराई तै नफरत करो, भलाई म्ह उत्सुक रहो।
बुराई तै ना जीत हासिल करो, पर भलाई तै बुराई नै जीत ल्यो।
हम सब कुछ करण खात्तर आजाद सां, हम कहवां सां, हाँ, पर सब कुछ म्हारे खात्तर आच्छा कोनी, हम सब कुछ करण खात्तर आजाद सां, पर सब कुछ म्हारे बिश्वास नै कोनी बढ़ाते।
धोक्खा ना खाओ, "भुंडी संगति आच्छे चाल-चलण नै बिगाड़ देवै सै।"
परमेसवर इस योग्य सै, के वो थारे ताहीं भोत-ए घणा अनुग्रह दे, ताके सब कुछ थमनै हर बात म्ह हर बखत पर्याप्त मात्रा म्ह मिलता रहवै, अर हरेक भले काम कै खात्तर थारे धोरै भोत घणा होवै।
इस्से तरियां मै चाहूँ सूं के मसीह बिरबानियाँ नै भी सही तरियां के लत्ते पैहरणे चाहिए, जो के साद्दे हो, ना के भड़कीले। ना के खूबसूरती तै बाळ गूँथणा, ना सोन्ने, मोतियाँ अर घणे महँगे लत्यां तै अपणे-आपनै सवारणा। पर इसके बजाए वो लोग्गां की भलाई करै, जो उननै खूबसूरत बणावै सै, क्यूँके परमेसवर की भगति करण आळी बिरबानियाँ कै खात्तर योए सही सै।
इस मसीह यीशु नै अपणे-आप ताहीं म्हारे पापां खात्तर बलिदान कर दिया, ताके हम सारे पापां तै आजाद हो जावां, अर म्हारे ताहीं शुद्ध करया ताके हम उसके अपणे खास माणस बण जावां, जो भले काम करण की बड़ी इच्छा राक्खै सै।
इस कारण थम सिर्फ मसीह पैए बिश्वास करण आळे न्ही, पर हमेशा दुसरयां की भलाई करण म्ह लाग्गै रहों, अर सिर्फ भलाई ए न्ही बल्के बुध्दिमानी तै बरताव करण आळे भी बणो। थम सिर्फ बुध्दिमानी तै ए बरताव करण आळे न्ही बल्के अपणे-आप पै काब्बू राक्खण आळे भी बणो, अर अपणे-आप पै काब्बू राक्खण आळे ए न्ही बल्के दुखां नै धीरज तै सहण आळे भी बणो, अर दुखां नै धीरज तै सहण आळे ए न्ही बल्के भगति म्ह जिन्दगी बिताण आळे भी बणो। ना सिर्फ थम परमेसवर नै भावण आळी जिन्दगी जिओ, बल्के बिश्वासियाँ तै भी अपणे परिवार के माणस की तरियां प्यार करो, एक-दुसरे ताहीं अपणे परिवार के माणस की तरियां प्यार करण आळे ए न्ही बल्के सब नै प्यार करण आळे भी बणो।
जै थम सदा भले काम करो तो कोए थमनै नुकसान न्ही पुहुचा सकदा।
यहोवा यो भी कहवै सै, "सड़कां पै खड़े होकै देक्खो, अर पूच्छो के पुराणे बखत का आच्छा राह कौण सा सै, उसे म्ह चाल्लो, अर थम अपणे-अपणे मन म्ह चैन पाओगे। पर उननै कह्या, ‘हम उसपै ना चाल्लांगें।’
यहोवा भला सै; संकट के दिन म्ह वो मजबूत गढ़ ठहरै सै, अर अपणे शरणागतां नै याद राक्खै सै।
अर माणस दीवा जळाकै बरतन कै तळै न्ही पर दीवट पै धरै सै, फेर उसतै घर के सारे माणसां ताहीं चान्दणा ज्या सै। उस्से तरियां थारा चान्दणा माणसां के स्याम्ही चमकै के वे थारे भले काम्मां नै देखकै थारे पिता की, जो सुर्ग म्ह सै बड़ाई करै।"
जिसा थारा पिता दयालु सै, उस्से ए ढाळ थम भी दयालु बणो।"