15 पर जिसा थारा बुलाण आळा पवित्र सै, उस्से तरियां ए थम भी अपणे सारे चाल-चलण म्ह पवित्र बणो। 16 क्यूँके पवित्र ग्रन्थ म्ह लिख्या सै, "पवित्र बणो, क्यूँके मै पवित्र सूं।"

15 पर जिसा थारा बुलाण आळा पवित्र सै, उस्से तरियां ए थम भी अपणे सारे चाल-चलण म्ह पवित्र बणो। 16 क्यूँके पवित्र ग्रन्थ म्ह लिख्या सै, "पवित्र बणो, क्यूँके मै पवित्र सूं।"

4 परमेसवर नै धरती अर अकास बणाण तै पैहले ए उसनै मसीह म्ह म्हारै ताहीं चुण लिया, ताके हम इसकी निगांह म्ह पवित्र अर बेकसूर होवां।

3 परमेसवर की मर्जी या सै के थम पवित्र बणो: अर जारी ना करो, 4 थारे म्ह तै हरेक माणस अपणी देह नै काब्बू करणा जाणे क्यूँके थारी देह पवित्र अर सम्मान जोग्गी रहवै। 5 यो काम अभिलाषा तै न्ही, ना उन जात्तां कै तरियां, जो परमेसवर नै न्ही जाणदी, 6 ताके इस बात म्ह कोए अपणे बिश्वासी भाई के बिरुध्द पाप ना करै, अर ना इसा मौक्‍का देक्खै के वो पाप करै, क्यूँके प्रभु यीशु उसनै दण्ड देवैगा, जो इसे काम करै सै; जिसा के हमनै पैहल्याए थारे तै कह्या अर चिताया भी था। 7 क्यूँके परमेसवर नै म्हारै ताहीं अपवित्र जीवन जीण खात्तर न्ही, पर पवित्र जीवन जीण खात्तर बुलाया सै।

9 परमेसवर नै म्हारा उद्धार करया सै, अर म्हारे ताहीं पवित्र जीवन जीण खात्तर बुलाया सै। उसनै म्हारै ताहीं इस कारण कोनी चुण्या के हमनै आच्छे काम करे सै, बल्के अपणी अनुग्रह अर इच्छा के मुताबिक चुण्या सै। उसनै यीशु मसीह ताहीं भेजकै म्हारे उप्पर अनुग्रह दिखाण की योजना दुनिया बणाण तै पैहले ए बणा ली थी।

3 पर तू जो इस्राएल की बड़ाई कै सिंहासन पै विराजमान सै,

तू तो पवित्र सै।

2 यहोवा कै समान कोए पवित्र कोनी,

क्यूँके तन्‍नै छोड़ और कोए सै ए कोनी;

अर म्हारे परमेसवर के समान कोए चट्टान न्ही सै।

15 क्यूँके जो महान अर बढ़िया अर सदा स्थिर रहवै, अर जिसका नाम पवित्र सै, वो न्यू कहवै सै, "मै ऊँच्‍चे पै अर पवित्रस्‍थान म्ह निवास करुँ सूं, अर उसके गैल भी रहूँ सूं, जो दुखी अर नम्र सैं, के, नम्र माणसां के हृदय अर दुखी माणसां के मन नै खुश करुँ।

23 इस तरियां मै अपणे नै महान अर पवित्र ठहराऊँगा अर घणी सी जात्तां कै स्याम्ही अपणे ताहीं प्रगट करुँगा। फेर वे जाण लेवैंगी के मै यहोवा सूं।"

23 मै अपणे बड़े नाम नै पवित्र ठहराऊँगा, जो जात्तां म्ह अपवित्र ठहराया गया, जिस ताहीं थमनै उनके बिचाळै अपवित्र करया; अर जिब मै उनकी नजर म्ह थारे बीच पवित्र ठहरूँगा, फेर वे जात जाण लेवैगी के मै यहोवा सूं, परमेसवर यहोवा की याए वाणी सै।

14 सारया तै मेळ-मिलाप राक्खो, अर पवित्र होण खात्तर हरेक ढाळ की कोशिश म्ह रहों, जिसकै बिना कोए प्रभु ताहीं कदे भी न्ही देक्खैगा।

14 सारया तै मेळ-मिलाप राक्खो, अर पवित्र होण खात्तर हरेक ढाळ की कोशिश म्ह रहों, जिसकै बिना कोए प्रभु ताहीं कदे भी न्ही देक्खैगा।

1 हे प्यारे बिश्वासी भाईयो, जिब हमनै वो वादा मिल्या सै, ताके हम परमेसवर की औलाद कुह्वावां, तो आओ, हम अपणी देह अर आत्मा नै गंदा करण आळे सारे बुरे काम छोड़ द्या, अर परमेसवर का भय मानते होए पूरी रीति तै अपणे-आपनै पवित्र करण की कोशिश करां।

1 हे प्यारे बिश्वासी भाईयो, जिब हमनै वो वादा मिल्या सै, ताके हम परमेसवर की औलाद कुह्वावां, तो आओ, हम अपणी देह अर आत्मा नै गंदा करण आळे सारे बुरे काम छोड़ द्या, अर परमेसवर का भय मानते होए पूरी रीति तै अपणे-आपनै पवित्र करण की कोशिश करां।

22 पर इब पाप तै आजाद होकै अर परमेसवर के दास बणकै इब थम वो काम करो सों, जिसतै थम पवित्र बणो सों, अर उसका नतिज्जा अनन्त जीवन सै।

19 मै थारे ताहीं आसान तरिक्‍कें लिखूँ सूं, ताके आम आदमी भी आसान्‍नी तै समझ सकै, के जिब थम अपणी पिच्छली जिन्दगी की गुलाम थे, अर थम हरेक ढाळ के अशुद्ध अर भुन्डे़ काम करो थे। तो इब थम अपणी देह नै धार्मिक जीवन के दास बणा ल्यो, ताके थम पवित्र जीवन जी सको।

1 ज्यांतै हे बिश्वासी भाईयो, मै थारे तै परमेसवर की दया याद दुवाकै बिनती करुँ सूं, के अपणी जिन्दगी ताहीं जिन्दा, पवित्र अर परमेसवर ताहीं भान्दा होया बलिदान करकै चढ़ाओ। योए परमेसवर की सेवा करण का सही तरिक्‍कां सै।

17 इब हे बिश्वासी भाईयो, मै थारे तै बिनती करुँ सूं, के जो माणस उस सच्‍ची शिक्षा कै उल्ट जो थमनै मिली सै, अर उन माणसां नै जो फूट गेरण अर ठेस लाग्गण का कारण बणै सै, उननै ताड़ लिया करो अर उनतै दूर रहो।

3 जिसा पवित्र माणसां कै लायक सै, उसाए थारे म्ह जारी अर किसे ढाळ के अशुद्ध काम या लोभ का जिक्र तैई ना हो,

3 जिसा पवित्र माणसां कै लायक सै, उसाए थारे म्ह जारी अर किसे ढाळ के अशुद्ध काम या लोभ का जिक्र तैई ना हो,

22 अर थारे शिक्षकां नै थारे बुरे काम अर बुरा सुभाव छोड़णा सिखाया सै, थारी बुरी लालसायां नै थारा जीवन नाश कर दिया। 23 थम पवित्र आत्मा नै थारे सुभाव अर सोच्‍चण के तरिक्‍कें नै बदलण द्यो। 24 परमेसवर नै थारे ताहीं एक नया सुभाव दिया सै, जो के उसके अपणे सुभाव की तरियां सै, इस करकै इस नये सुभाव के मुताबिक बरताव करो। असलियत म्ह धर्मी अर पवित्र बणो।

21 थम जो पैहले पराये थे अर बुरे काम्मां कै कारण मन तै बैरी थे। 22 परमेसवर नै इब अपणे बेट्टे ताहीं इन्सान बणाकै भेज्जा ताके वो क्रूस पै मारया ज्या, जिसकी बजह तै थारा भी मेळ करवाया ताके थमनै अपणे आग्गै पवित्र अर बिना कलंक अर बेकसूर बणाकै खड्या करै। 23 जै थम मसीह म्ह बिश्वास करो सों, अर थारा बिश्वास उस घर की तरियां हो जो मजबूत नीम पै खड्या सै, अर उस सुसमाचार की आस नै ना छोड़ो, जिस ताहीं थमनै सुण्या सै, जिसका प्रचार दुनिया के माणसां म्ह करया गया सै, उसका मै, पौलुस, वचन का सुणण आळा बण्या।

17 तेरा वचन सच्‍चा सै, सच कै जरिये तू उननै अलग करण खात्तर समर्पित* कर।

9 गाबरू अपणी चाल नै किस तरियां तै शुद्ध राख सकै सै?

तेरे वचन कै मुताबिक सावधान रहण तै।

23 हे यहोवा, मन्‍नै आच्छी रीति तै जाण ले!

अर मन्‍नै परख कै मेरी चिन्ता नै जाण ले!

24 अर देख के मेरे म्ह कोए बुरी चाल सै के न्ही,

अर हमेशा की जिन्दगी की राह म्ह मेरी अगुवाई कर!

1 हे मेरे मन, यहोवा नै धन्य कह;

अर जो कुछ मेरै म्ह सै, वो उसके पवित्र नाम नै धन्य कहवै!

16 के थमनै न्ही बेरा के थम परमेसवर के मन्दर सो, अर परमेसवर की आत्मा थारे म्ह वास करै सै?

2 मै या चिट्ठी परमेसवर की उस कलीसिया के माणसां ताहीं लिखूँ सूं, जो कुरिन्थुस नगर म्ह सै, अर जिन ताहीं परमेसवर नै मसीह यीशु म्ह अपणे खात्तर अलग तै छाँट कै राक्खे सै, अर उसनै म्हारे ताहीं अपणे पवित्र माणस होण कै खात्तर बुलाया सै, अर उन सारया के नाम भी जो हरेक जगहां म्हारे अर अपणे प्रभु यीशु मसीह की सेवकाई करै सै।

5 जिसा मसीह यीशु का सुभाव था उसाए तेरा भी सुभाव हो।

1 थम यीशु मसीह के कारण उत्साहित हो, अर जो उसका प्यार थारे खात्तर सै, वो थमनै शान्ति देवै सै, क्यूँके पवित्र आत्मा कै गैल थारी संगति सै, अर मसीह की करुणा अर दया थारे पै सै। 2 तो मेरा यो आनन्द पूरा करो के एक मन रहों, अर एके प्यार, एके चित्त, अर एके मनसा राक्खों। 3 मतलबीपण या झूठ्ठी बड़ाई कै खात्तर कुछ ना करो, पर दीनता तै एक-दुसरे नै अपणे तै घणा आदर मान द्यो। 4 हरेक अपणे ए हित की न्ही, बल्के दुसरयां कै हित की भी चिंता करै। 5 जिसा मसीह यीशु का सुभाव था उसाए तेरा भी सुभाव हो। 6 यीशु, परमेसवर कै समान होकै भी होकै भी परमेसवर कै बराबर होण नै अपणे बस म्ह राक्खण की चीज ना समझा। 7 बल्के अपणा सारा सुर्गीय हक छोड़ दिया, अर दास का रूप धारण करते होए माणस की समानता म्ह होग्या। 8 अर माणस कै रूप म्ह जाहिर होकै अपणे-आपनै दीन करया, अर परमेसवर का आज्ञाकारी रहया अर याड़ै तक के अपराधियाँ की तरियां मौत, हाँ क्रूस की मौत भी सह ली। 9 इस कारण परमेसवर नै उस ताहीं ऊँच्‍ची उपाधि दी, अर उसनै वो नाम दिया जो सारे नाम्मां म्ह ऊँच्‍चा सै, 10 के जो सुर्ग म्ह अर धरती पै धरती कै नीच्‍चै सै, वे सारी यीशु कै नाम की बड़ाई करै, 11 अर परमेसवर पिता की महिमा के खात्तर हरेक इन्सान मान ले के यीशु मसीह ए प्रभु सै।

12 इस करकै हे मेरै प्यारे बिश्वासी भाईयो, जिस ढाळ थम सदा तै हुकम मानते आये सों, उसाए इब भी ना सिर्फ मेरै गैल रहंदे होए, पर खास करकै इब मेरै दूर रहण पै, भी परमेसवर तै डरदे अर कापते होए अपणे उद्धार के काम नै पूरा करो। 13 क्यूँके परमेसवर थारे म्ह काम करण लागरया सै, अर वोए थमनै अपणी इच्छा अर सामर्थ देवै सै, वो काम करो जो उसनै पसन्द सै। 14 सारे काम बिना कुड़कड़ाए अर बिना विवाद कै करया करो, 15 ताके थम परमेसवर की औलाद की तरियां इस दुनिया के बुरे अर मतलबी माणसां के बीच म्ह पवित्र अर बेदाग जीवन जी सकों। दुनिया के माणसां के बीच म्ह थम जीवन का वचन लिये होए, आसमान के तारां के समान चमकों। 16 जिब मसीह बोहड़ै तो मन्‍नै गर्व करण का कारण हो, ताके मेरी कोशिश अर मेरी मेहनत करणा बेकार ना होवै। 17 जिब मन्‍नै थारे ताहीं वचन सुणाया, तो थमनै यीशु मसीह पै बिश्वास करया, अर अपणा जीवन भी सेवा खात्तर प्रभु ताहीं बलिदान दिया। इस करकै मै प्रभु खात्तर मर भी जाऊँ, तोभी थारे साथ खुश अर आनन्दित सूं। 18 उस्से तरियां थम भी आनन्दित होओ, अर मेरै गैल आनन्द करो।

19 मन्‍नै प्रभु यीशु मसीह म्ह आस सै, के मै तीमुथियुस नै थारे धोरै तावळा-ए भेजूगाँ, ताके थारे हाल नै जाणकै, मै उत्साहित होऊँ। 20 क्यूँके मेरै धोरै तीमुथियुस के जिसा सुभाव आळा माणस और कोए न्ही सै जो शुद्ध मन तै थारी चिंता करै। 21 क्यूँके सारे अपणे स्वार्थ की खोज म्ह रहवै सै, परमेसवर के काम्मां खात्तर न्ही। 22 पर थम जाणो सों, के तीमुथियुस तो बिश्वास लायक अर आच्छे सुभाव का सै, जिसा बेट्टा पिता कै गेल्या रहवै सै, उसाए उसनै सुसमाचार कै फैलाण म्ह मेरै गैल मेहनत करी। 23 इस करकै मन्‍नै आस सै, कै ज्यो ही मन्‍नै बेरा लाग्गैगा के मेरा के हाल होगा, त्यों ही मै उसनै तावळी सी भेज देऊँगाँ। 24 अर मन्‍नै प्रभु म्ह भरोस्सा सै, के मै आप भी तावळा आऊँगा।

25 मन्‍नै इपफ्रुदीतुस नै थारे धोरै भेजणा जरूरी समझा, जो मेरा भाई अर सहकर्मी साथी योद्धा, अर जरूरतां म्ह मेरी मदद करण आळा थारी ओड़ तै भेज्जा गया दूत सै। 26 क्यूँके उसका मन थारे सारया म्ह लाग्या रह्या था, अर वो बेचैन रहवै था क्यूँके थमनै उसकी बीमारी का हाल सुण्या था। 27 पक्‍का वो बीमार तो होग्या था, उरै ताहीं वो मरण पै था, पर परमेसवर नै उस ताहीं मरण न्ही दिया, अर सिर्फ उस्से पै न्ही पर मेरै पै भी दया करी, ताके मन्‍नै दुख पै दुख ना हो। 28 इस करकै मन्‍नै उस ताहीं भेजण का और भी जत्न करया, के तू उसतै फेर मिलकै आनन्दित हो जा, अर मेरी भी चिन्ता घट जावै। 29 इस करकै तू प्रभु म्ह उसतै घणे आनन्द कै गैल मिलये, अर इसा का आदर करया करिये। 30 क्यूँके वो मसीह कै काम खात्तर अपणी जान जोखिम म्ह गेर कै मौत कै धोरै आ ग्या था। ताके वो मेरी मदद कर सकै जिस काम नै थम कर न्ही पाये, क्यूँके थम दूर थे।

48 इस करकै जरूरी सै के थम भी सिध्द बणो, जिसा थारा सुर्गीय पिता सिध्द सै।"

16 "कोए दीवा जळाकै बरतन तै कोनी ढकदा, अर ना खाट तळै धरै सै, पर दीवट पै धरै सै ताके भीत्त्तर आण आळे नै चाँदणा मिलै।

14 हे माणसों, बुराई नै न्ही, भलाई नै ढूँढ़ो, ताके थम जिन्दा रहो; अर थारा यो कहणा सच ठहरै के सेनाओं का परमेसवर यहोवा थारे गैल सै।

10 यहोवा का भय मानणा बुद्धि की शरुआत सै,

अर परमपवित्र परमेसवर नै जाणणा ए समझ सै।

25 जो माणस बिना बिचारे किसे चीज नै पवित्र ठहरावै,

अर जो मन्‍नत मानकै पूच्छ-ताच्छ करण लाग्गै, वो फंदे म्ह फँसैगा।

26 थम मेरै खात्तर पवित्र बणे रहियो; क्यूँके मै यहोवा खुद पवित्र सूं, अर मन्‍नै थारे ताहीं अर और देशां के माणसां तै इस करकै न्यारा करया सै के थम लगातार मेरे ए बणे रहो।"

26 थम मेरै खात्तर पवित्र बणे रहियो; क्यूँके मै यहोवा खुद पवित्र सूं, अर मन्‍नै थारे ताहीं अर और देशां के माणसां तै इस करकै न्यारा करया सै के थम लगातार मेरे ए बणे रहो।"

7 इस करकै थम अपणे-आपनै पवित्र करो; अर पवित्र बणे रहो; क्यूँके मै थारा परमेसवर यहोवा सूं।

4 परमेसवर का गीत गाओ, उसके नाम का भजन गाओ;

जो निर्जल देशां म्ह* सवार होकै चाल्‍लै सै,

उस खात्तर सड़क बणाओ;

उसका नाम यहोवा सै, इस खात्तर थम उसके स्याम्ही प्रफुल्‍लित हो!

5 परमेसवर अपणे पवित्र धाम म्ह,

अनाथ्थां का पिता अर विधवाओं का रुखाळी* सै।