Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
बुराई शैरतां भलियाई केर;
मेल मिलापे तोप ते तैसेरो पीछो केर।
यहोवा पुड़ भरोसो रख,
ते भलियाई केर; मुल्खे मां बस्सोरो रा,
ते सच़्च़ाई मां मन लेइतां रा।
अगर मीं विश्वास न भोथो कि अवं ज़ींतां केरि
धेरती पुड़ यहोवारी भलियाई हेरेलो,
त अवं बेहोश भोइ गाथो।
हे यहोवा, अपनि दया ते करुणारे कम्मन याद केर;
किजोकि तैना त हमेशा करां भोतां एवरेन।
हे यहोवा, अपने भलैइयरे वजाई सेइं
मेरे जुवैनरे पापन ते मेरे बुरे कम्मन याद न केर;
अपनि करुणारे मुताबिक तू मीं याद केर।
यहोवा परमेशर, एपनी सैरी बत्तन मां धर्मी
ते अपने सारे कम्मन मां वफादारे।
तैखन तू धर्म ते न्याय ते ईमानदारी,
मतलब सब रोड़ी चाल सेमझ़ी सकेलो;
मैन्हु मां वफादारी सेभना करां रोड़ो गुणे,
ते गरीब मैन्हु झूठ ज़ोनेबाले करां रोड़ोए।
पन पवित्र आत्मारो फल प्यार, आनन्द, शान्ति, सबर, ते दया, भलियाई, विश्वास, नम्रता, ते बरदाश केरनू; एरां कम्मां केरे खलाफ कोई कानून नईं।
एल्हेरेलेइ ज़ैड़ी तगर मौको मल्ले सेब्भन सेइं भलियाई केरा; खास केरतां मसीही लोकन सेइं।
कोई गन्दी गल तुश्शे ज़बाना न निस्से, पन ज़रूरतरे मुताबिक तैन्ने ज़ोथ, ज़ैन होरि केरे लेई विश्वासे मां मज़बूती सेइं बद्धनेरी वजा भोए। तैखन ज़ैन तुसेईं ज़ोवं तैन लोकां केरे लेई रोड़ू भोल्हु ज़ैना तुश्शी शुन्तन।
ते एक्की होरि पुड़ दया केरा, ते माफ़ केरनेबाले भोथ, ते ज़ेन्च़रे परमेशरे मसीह मां तुश्शे पाप माफ़ किये, तेन्च़रे तुस भी एक्की होरेरे पाप माफ़ केरा।
तुश्शो प्यार सच़्च़ो भोए; बुरैई सेइं नफरत केरा; भलियाई केरने मां लगोरे राथ।
बुरैई करां न हारा पन बुराई भलियैई सेइं ज़ींतां।
तुस ज़ोतथ, अस किछ भी केरनेरे लेई आज़ाद आम, हाँ, पन सब किछ इश्शे लेई रोड़ू नईं। अस किछ भी केरनेरे लेई आज़ाद आम, पन सब किछ इश्शे विश्वासे ज़ै परमेशरे पुड़े मज़बूत न केरे।
ज़ैना एरी गल्लां ज़ोतन तैन केरे वजाई सेइं बेवकूफ न बना, "बुरी संगती रोड़े चाल-चलने बगाड़तीए।"
परमेशर ज़ैन किछ तुसन ज़रूरते तैसेरो अनुग्रह देइ बटते, ज़ैस सेइं हर गल्ली मां ते हर वक्त, सब किछ, ज़ेसेरी तुसन ज़रूरत भोए, तुसन कां राए, ते हर एक्की रोड़े कम्मेरे लेई तुसन कां बड़ू किछ भोए।
तेन्च़रे मसीही कुआन्शां भी इज़्ज़तदार लिगड़ां लेइतां, ते अपनो आप रोड़ेच़ारे सज़ेइतां, न कि अलग-अलग किसमे सेइं दोग बनाने, ते सोन्ने, ते मोती, ते कीमती लिगड़न सेइं। बलके इसेरे बदले तैनेईं होरि केरे लेई रोड़ां कम्मां केरतां अपनो आप खूबसूरत लोड़े बनावरो, किजोकि परमेशरेरी भक्ति केरनेबैली कुआन्शन इन शोभा देते।
एने यीशु मसीहे अपनो आप इश्शे लेई बलिदान कियो ताके असन पापेरे शेक्ति करां छुटकारो दे, ताके अस शुद्ध भोम ते तैसेरे अपने लोक बनम ज़ैना रोड़ां केरतन।
एल्हेरेलेइ तुसेईं न सिर्फ यीशु पुड़ विश्वास कियोरो लोड़े, बल्के होरि केरे लेई भलियाई केरनेरे लेई सखत मेहनत भी कियोरी लोड़े, तुसेईं न सिर्फ तैन कियोरू लोड़े ज़ैन रोड़ू भोए, बल्के तुसेईं एरे लोक बनोरू लोड़े ज़ैना ज़ानतन समझ़दैरी सेइं केन्च़रे बर्ताव केरतन, तुसेईं सिर्फ इन न लोड़े ज़ानोरू कि समझ़दैरी सेइं केन्च़रे बर्ताव केरतन, पन तुसेईं अपनो आप कैबू भी कियोरो लोड़े, तुसेईं न सिर्फ अपनो आप कैबू मां लोड़े कियोरो, बल्के मुसीबत मां सबर भी कियोरी लोड़े, तुसेईं न सिर्फ मुसीबती मां सबर कियोरी लोड़े बल्के तुसेईं एरी ज़िन्दगी भी ज़ीयोरी लोड़े ज़ैस सेइं परमेशर खुश भोए। तुसेईं न सिर्फ एरी ज़िन्दगी ज़ीयोरी लोड़े ज़ैस सेइं परमेशर खुश भोए, बल्के तुसेईं एक्की होरि विश्वासी लोकन सेइं अपने टब्बरेरे लोकां केरो ज़ेरो प्यार भी कियोरो लोड़े, तुसेईं एक्की होरि सेइं न सिर्फ अपने टब्बरेरे लोकां केरो ज़ेरो प्यार कियोरो लोड़े बलके तुसेईं सैरी लोकन सेइं प्यार कियोरो लोड़े।
अगर तुस हमेशा भलू केरनेरी कोशिश केरथ, त फिरी कोई भी तुसन हकीकति मां नुकसान न पुज़ेई बटे।
यहोवा एन भी ज़ोते, "सड़कन पुड़ खड़े भोइतां तक्का, ते पुछ़ा कि पुराने ज़मानेरी रोड़ी बत कौ आहे, तैस्से मां च़ला, ते तुसन अपने-अपने मने मां चैन मैल्हेलो। पन तैनेईं ज़ोवं, ‘असां तैस पुड़ न च़लमेले।’
यहोवा भलोए, ते मुसीबतरे वक्त मज़बूत ठार ठहरते, ते ज़ैना तैस कां शरण नेतन तैन केरो खियाल केरते।
लोक बलतो दीयो हेटी मां न रखन, पन तैस उच्ची ठैरी रखतन ताके घरेरे सैरी मैन्हन लौ पुज़्ज़े। ते एन्च़रे तुश्शी लौ मैन्हु केरे सामने एरी चमके, ताके तैना तुश्शां रोड़ां कम्मां हेरतां तुश्शे सुर्गेरे बाजेरी तारीफ़ केरन।"
ज़ेरो दया दिल तुश्शो बाजी तेरहे दया दिल तुस भी भोथ।"