Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Paɗaa mbǝs ǝna thla thlǝ fǝrtǝ Shemeta, fen nech kǝ, mbǝnfata, tǝ chiɗ chiɗ tǝ wanɗǝkaɗata, tǝ kǝɓikaɗi, tǝ kǝrǝs ǝna, tǝ chit kafata, tǝ kaakǝta, tǝ chit ǝnɗi naa nef chǝt ndiˈchan, tǝ paˈpaˈ tǝ hur inda, tǝ kǝmmǝ kǝta. Fee thlǝ chich weˈtǝ ichiɗiya nggǝ kusiˈ tǝkan her tandǝ fa wa.
Kǝthlǝm ndaˈan, maa mbandǝsi, kǝmchan si kǝ kǝsamǝn nafchǝs nat. Kapaɗan fenchǝmǝn fee fǝrchǝ kit kǝ Kǝristi.
Kǝ nggǝrwun mbuˈan nef ɓawa mee wa, ndiktǝɗi nech mbahǝn kǝssandǝ nafchis ndak nat wun mbuˈta. Tǝ minni naa ndiktiyowun choktǝ kǝ ǝna kǝssandǝ fee nech sǝkwunchi.
Cham thlǝrɗakta tǝ raˈan, nakowun haɗa ndǝ raˈan fa, kǝnowun kalandǝ raˈan ha kǝɗ thla thlǝ kalowundǝ Fartǝ ha tǝmɗi Kǝrǝsti.
Kǝmchansi yahraˈan ˈyowun kǝ chok tǝ kit fa. Kǝ karwun nat ǝnɗi nech kǝ ɓǝɓiˈan, paɗ kǝ kǝswun ǝnɗi har nech ndiˈchan kaˈan.
Kǝ malawun ɓǝɓifata, kǝ ngwanowunchiwa. Kǝrsǝ ndaˈan, ngwanaman ɓǝɓifata, tǝmɗi chǝt tarchiɗi nech ndiˈchan.
"Nat icha nggǝman fee ˈyamǝn," paɗ ngga nat icha nech tǝ nafu fa wa. "Nat icha nggǝman fee ˈyamǝn," paɗ ngga nat ichǝ thlǝ tǝnancha wa.
Kǝ lǝm fee wunchǝ wa. "Choktǝ tǝ ɓǝɓi nafcha, thlǝ sǝɓanchan nafchǝɗi kaɗ naa hur inchiyandǝsi."
Thlǝ mbahanchǝ Farta fǝrowun mbǝsˈǝn har, kǝ mbǝrantǝ thla ha yahtuwun. Kǝthlǝm chǝka kwati thlǝ mbǝs chowun ǝnɗi thlǝ yahtuwun. Kǝ mbǝrantǝ ǝnɗi ha kaɗatwun. Kǝ mbahan wun fǝrtǝ her chaˈ.
Njawu fee tikesha kǝ chipan fee tǝ ɗuliya wa. Naa fee ɗǝftǝ kǝ yikaa, kǝthlǝm kǝ fǝrantǝ ɗaˈkǝt nat nafchiɗi ǝ wuran. Kǝɗu paɗ, malaman kǝ nǝ nafcha ɗaˈkǝtɗi nech hwirˈyowun. Kǝthlǝm maa ǝ nii ndǝ kwastǝ tarchiɗi thlǝnandǝwun, nandǝ fǝran maandǝ Chinwun thla nech hulafǝrta."