Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Kefo kavukava’ma nehanazana atrenka knare kavukva huo. Arimpa fruma huno mani zankuke nehakenka, ana kavukavake huo.
Hagi Ra Anumzamofonte tamentinti nehuta knare tamavutmava hiho. Ama mopafina knare huta nemanita fatgo avu’ava’zama hu’zanku hankavetita eri’zana eriho.
Tamagerfa hu’na namentintima huana, henka’a Ra Anumzamofo knare’zana, nagrama mani’nama vanua knafina kegahue.
Ra Anumzamoka kasunku zanku’ene vagaore kavesi zankura kageraokanio. Na’ankure ana kavukva zana korapa knareti hume enka, meninena ana kavukvara nehane. Ra Anumzamoka, ko’ma mofavrema mani’nenama hu’noa kumi’ene kefo avu’ava zani’a, vagaore kavesizanku kagesa nentahinka kumini’a atrenanto. Na’ankure Ra Anumzana Kagra kasunku Anumza mani’nane.
Maka zama hifina Ra Anumzamo’a fatgo avu’ava zanke nehuno, asunku huranteno ana maka zana hunerante.
Ana nehunka fatgo avu’avazane, fatgo huno ke refkohu avu’ava ene, maka vahe’ma mago avamente avu’ava’ma hunte’zana antahi ankeregahane.
Ra zama me’neana huvempama hunte’nesia kere, amage’ma anteno mani’zane. Hagi amunte omane vahe’ma mani’zamo’a, havige vahera agatere’ne.
Hianagi Avamumofo avu’ava zana avesinte’zane muse’zane, rimpa fru’zane, akoheno mani’zane, vahe so’e hunte avu’ava zane, knare avu’ava hu’zane, ke amage’anteno avariri fatgohu avu’avazane, akoheno fru avu’ava hu’zane, agra’a avesiza kegava huzamofona mago kasegemo’a hara reontegahie.
E’ina hu’negu tagrama vahe’ma zamaza huga kankamuma fore’ma hanigetma, maka vahera knare tavutva hunezamita, Ramofonte’ma zamentintima nehaza nagara zamazahutfaza hugahaze.
Hanki tamagipintira vahe’mokizmia havi nanekene urinke’nena ozmasmitma, zamaza nehutma, hanaveti’za manisaza nanekege nehnageno, antahisamokizmi’a zamaza hugahie.
Agazone hutma vaheku tamasuntgi nezmantetma, Kraisimpi kumitia Anumzamo eri atre’rante’neankna hutma, kumi’zmia atre’zmanteho.
Avesintezamofo nanenke
Tamage hutma vahe’mofona zmavesizmanteho. Kefo avu’ava zana tamagena hunenteta, knare avu’ava zana azeri hankavetiho.
Tamagra atrenkeno havi avu’avazamo’a tamazeri agate’oreno, hianagi knare tamavutamava hutma havi avu’avara agatereho.
Hakare zama hanumpina Anumzamofo agi’a erisaga hanuna naneke
Tagra mika’zana amne hugahunanagi, ana mika’zamo’a taza osugahie. Tagra mika’zana amne hugahaze huta hugahunanagi, ana mika’zamo’a, tazeri hanave otigahie.
Hanki negi vahera omaniho. Havi zamavuzmava nehaza vahe’mo’zane utagroteta manisazana tamazeri havige vahe asegahaze.
Hagi Anumzamo’a knare huno maka’zampina asunku’zama’a eri aviteramantena, aviteta mani’neta, mika zupa rama’a me’nesnifinti knare tamavu’tmava huta vahe’mofona zamaza hugahaze.
A’nemo’za zamavuzmavama hanaza zamofo naneke
Hagi nagri’ma navesiana, a’nemo’za fatgo huza kukena nehu’za, zamavasesema hanafina vahe’mo’za kezmasane hu’zana nosuza, zamanu zamazoka hane’zane, golire trohunte’naza avasase zane, hage rimpinti zane (pearl), marerisa kukena osiho. Hu’neanagi Anumzamofo amage' nentonema hanaza a’nemo’za, knare avu’ava nehu’za, ana avu’avateti knare avasese hiaza hu’za hugahaze.
Tagriku huno Agra’a avufga atreno kefo’zampinti miza seranteno tvare atre’ne, Agri’a vahere huno sese huranteno, tvare Agrarega tante’negu, muse nehuta knare zanke hanune.
E’ina hu’negu ama ana agafare tamentintimo’ma hage ra hanigura mago’ane hanavetita, knare tmavutmava nehutma, knare tamavutamavatetira, knare antahintahi eneritma, ana knare antahintahireti tamavufamofo avesi’zana kegava nehutma, tamavufamofo avesi’zama kegava huzanteti, knazama erita nevutma, knazama erino vuzantetira, Anumzamofo avu’avaza nehutma, Anumzamofo avu’avazantetira, neramafuna knare tamavu’tmava hunezmanteta ovesinte avesinte hiho.
Knare tavu’tavama hanunazante tata erisuna naneke
Hagi tamagrama hanavetitma so’e tamavutamava nehnageno’a, iza tamazeri havizana hugahie?
Hagi Ra Anumzamo’a amanage huno hu’ne. Kama hatna’ma hu’nere oti’neta korapa’ma knare kama me’nege’za tagehe’zama vanoma hu’naza kana ina me’ne huta hiho. Hagi knare kama keta eri fore’ma hanuta ana kante nevuta tamarimpa frua erigahaze. Hianagi tamagra amanage huta nehaze, I’o e’i ana kantera ovugahune huta nehaze.
Ra Anumzamo’a knare hu’neankino, tamagerfa huno knazama esania knafina hankave vihugna hurantegahie. Agrite’ma amuhama nehu’za taza hugahiema hu’za nehaza vahera Agra zamageno antahino hu’neankino, knazama esania knafina Agra kegava hunezamante.
Vahe’mo’za ramu tavi rekru hu’za baketifina nontaze. Tavi ante azotare hantintenageno remasa nompina nehie. Anahu kante tavika’a atregeno, vahe’mokizmirera remsa hanige’za, knare kavu kvara nege’za, monafi mani’nea Negafana ra agi amigahaze.
Nafatmimo’ma asunku hunermanteaza hutma, tamagranena tamasunku huzmanteho.