Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
ଆଦେଙ୍ଗ୍ ନିନ୍ ଦାର୍ମୁଦିକା, ନେଗିବିସାର୍, ନ୍ୟାୟ୍ ମାରି ନେଗି ୱିଜୁ ସାରି ନେସ୍ନି ।
ଲୋକ୍ତି ଆସା ୱାନି ଦୟାଦି ଗୁଣ୍ ମାରି ମିସ୍ମାଟା ୱେର୍ନି ଲୋକା ବାଦ୍ଲୁ କାକୁର୍ତି ଲୋକ୍ ପେରିକାନ୍ ।
ମାତର୍ ଆତ୍ମାଦି ଦାନ୍ ଆଜିନାତ୍; ଜିବନ୍ନୋନିକା, ୱେଡ଼ିକା, ସାନ୍ତି, ସାସ୍ଆନିକା, ଦୟା, ନେଗିକା, ବିସ୍ବାସ୍, ତିର୍ଜିବନ୍ ମାରି ଆତ୍ମା ରକିୟା ଇୟାୱିଜୁ ବିରୁଦ୍ତାନ୍ ଆମାଇନି ନିୟମ୍ ସିଲେତ୍ ।
ଆଦେଙ୍ଗ୍ ଏସ ଦେବେଙ୍ଗ୍ ସାରି ପୁଟ୍ନାତ୍, ୱିଜୁଦିନ୍ ୱିଜେରି, ବିସେସ୍କିଜି ଏମେକାର୍ ମା ବିସ୍ବାସି ପରିବାର୍ତୁ, ୱାରି ନେଗିକା କିନିକା ମା ପାଣି ।
ମି ୱେୟୁଦାନ୍ ଇନି ତାଗ୍ଇମାଟା ସୋମାକିତ୍, ମି ମାଟା ନେଗିକା, ପିରିସ୍କିନିକା ମାରି ପାଣିଦୁଲାଗେ ଆପିତ୍ । ଆର୍ତିଙ୍ଗ୍ ଆମାକାର୍ ମି ମାଟା ୱେନାର୍, ୱାରି ଉଣ୍ତିଙ୍ଗ୍ ଆକା ନେଗିକା ଆନାତ୍ ।
ମାରି, ନିଜେନିଜେଦି ଉଣ୍ତିଙ୍ଗ୍ ସାକା ଆଦୁ ମାରି ନେଗି ଜିବନ୍ ଆଦୁ, ମାରି ମାପୁରୁ କ୍ରିସ୍ତଦିମାନୁ ମିଙ୍ଗିଁ ଏଣ୍ତେସ୍ କେମା କିତାନ୍, ଆୟାୱାଜା ମିର୍ ନିଜେନିଜେଦିଙ୍ଗ୍ କେମା କିଦୁ ।
ଜିବନ୍ତି ୱାଲେ ଜିବନ୍ନୋନିକା ନେଗିକା ଆପିତ୍ । ଆମା ୱିଜୁ ସତ୍ସିଲେ; ତାନିଙ୍ଗ୍ଁ କାଡ଼୍ଦୁ, ୱିଜୁ ସତ୍ ବିସୟ୍ତୁ ଲାକ୍ତୁ ଆଦୁ ।
ଅସତ୍ ତାନ୍ ଆରାମାଟ୍; ୱିଜୁ ଅସତ୍ ବିସୟ୍କୁ ନେଗିପାଣିଦାନ୍ ଜିଣାଦୁ ।
ୱାର୍ ୱେର୍ସିନାର୍, "ୱିଜୁ ବିସୟ୍ ପୁରା କିନି ଉଣ୍ତିଙ୍ଗ୍ ମାଙ୍ଗିଁ ଅଦିକାର୍ ମାନାତ୍," ମାତର୍ ୱିଜୁ ବିସୟ୍ ନେଗିକା ସିଲେ । ମାପ୍ ୱିଜୁ ବିସୟ୍ କିଦେଙ୍ଗ୍ ଆଟ୍ନାପ୍, ମାତର୍ ୱିଜୁ ବିସୟ୍ତାନ୍ ମିଚ୍ ମାଟା ସଏତ୍ ।
ମିର୍ ବେମ୍ରି ଆମାଟ୍, "ତାଗ୍ଇ ଲୋକା ୱାଲେ ମିସାତିଙ୍ଗ୍ ନେଗି ଜିବନ୍ ନାସ୍ଟୁ ଆନାତ୍ ।"
ୱିଜୁ ରକମ୍ତି ଦାନତୁ ମିଙ୍ଗିଁ ପିରିସ୍କିଦେଙ୍ଗ୍ ମାପୁରୁ ଆଟ୍ନାନ୍; ଆବେଣାନ୍ ମିର୍ ୱିଜୁଦିନ୍ ନାଣ୍ତଦାନ୍ ବାସାଦେଙ୍ଗ୍ ଆଟିନିଦେର୍ ମାରି ୱିଜୁ ରକମ୍ତି ନେଗି ପାଣି ଉଣ୍ତିଙ୍ଗ୍ ନାଣ୍ତଦାନ୍ ସିଦେଙ୍ଗ୍ ଆଟିନିଦେର୍ ।
ଆଇମେକାଙ୍ଗ୍ଁ ନା ଅନୁରଦ୍, ୱାକୁ ଜାତୁନ୍ ଆପିୱି । ନାଣ୍ତ୍ଦାରାଦି ୱାତିଗନ୍ଦା ଆରାନିକା, କୁକୁଟି ରଙ୍ଗ୍ ଉସାଏନଣ୍ତା ମାରି ବାଙ୍ଗାଁରାମ୍ତାନ୍ ନିଜେଦିଙ୍ଗ୍ ତିଆର୍ଆଏଣ୍ଗା, ଆଇମେକ୍ ସତ୍ ପାଣିଦାନ୍ ନିଜେଦି ଦାର୍ମୁବିସୟ୍ତି ତରିୱି ।
ଆୟା କ୍ରିସ୍ତ ଜିସୁ ମାଙ୍ଗିଁ ୱିଜୁ ତାଗ୍ଇ ପାଣିଦାନ୍ ଡ଼ିସିସ୍ କିଦେଙ୍ଗ୍ ମାରି ନିଜେଦି ଉଣ୍ତିଙ୍ଗ୍ ସତ୍ପାଣିଦୁ ୱେଡ଼ିକାଆଜି ନିଜେଦି ଲୋକା ୱାଜା ପୁରା ନେଗେନ୍ କିଦେଙ୍ଗ୍ ମା ଉଣ୍ତିଙ୍ଗ୍ ନିଜେଦିଙ୍ଗ୍ ସିଆୟ୍ଆତାନ୍ ।
ଇୟାଉଣ୍ତିଙ୍ଗ୍ ମିରୁ ଜାତୁନ୍ତାନ୍ ବିସ୍ବାସ୍ ୱାଲେ ନେଗିଗୁଣୁ, ନେଗିଗୁଣୁତି ୱାଲେ ବୁଦି, ବୁଦିଦି ୱାଲେ ତିର୍ଇଡ୍ନିକା, ତିର୍ଇଡ୍ନିଦି ୱାଲେ ସାସ୍, ସାସ୍ତି ୱାଲେ ଦାର୍ମୁଦିପାଣିକିନିକା, ଦାର୍ମୁପାଣିଦି ୱାଲେ କ୍ରିସ୍ତଦି ତଡ଼ାନ୍କାଙ୍ଗ୍ ଜିବନ୍ନୋନିକା, ମାରି ମଣ୍ତଲିଦିଙ୍ଗ୍ ଜିବନ୍ନୋନି ୱାଲେ ଜିବନ୍ନୋନିକା ମିସାକିଦୁ ।
ମାରି ମିର୍ ଜଦି ସତ୍ପାଣି କିଦେଙ୍ଗ୍ ମୋନ୍ ସିନିଦେର୍, ଆର୍ତିଙ୍ଗ୍ ଏନ୍ ମିଙ୍ଗିଁ ନିସ୍ଟୁର୍ କିନାନ୍ ?
ଦିୱା କାସିସ୍କିଜି ଏନ୍ ଅଡି ଆଡ୍ଗି ପିଡ଼ିକ୍ସି ଇଡ୍ଏନ୍ । ତାନିଙ୍ଗ୍ ଦିୱା ଇଡ୍ନି ମୁସ୍କୁ ବାଡିଦୁ ଇଡ୍ନାନ୍ ମାରି ଆକା ଇଲୁଦୁ ମାନି ୱିଜେରିଙ୍ଗ୍ ଜାୟ୍ ସିନାତ୍ । ଆୟାୱାଜା ମି ଜାୟ୍ ଲାକ୍ତୁ ତରାଇଆପିତ୍ । ଆରିଙ୍ଗ୍ ମି ସତ୍ପାଣି ସୁଡ଼୍ଜି ୱାର୍ ମି ମୁସ୍କୁପୁର୍ତି ବୁବା ମାପୁରୁଦି ଦନ୍ୟବାଦ୍ କିନାର୍ ।
ମି ବୁବା ଏଣ୍ତେସ୍ କାର୍ମୁଦିକାନ୍, ମିର୍ ଆୟାୱାଜା କାର୍ମୁଦିକାର୍ ଆଦୁ ।