14 Disebá luéi wuribani,

adügabéi le buídubei,

áluahabei darangilaü, ábame bafalaruni.

3 Hemenigibá luagu Aburemei,

adügabéi le buídubei,

babagarida ubouagu,

gúnfuliba súnwandan.

13 Gama lumoun chóuruguatina nungua

luagu lachülürüba lan dan lun narihini lugundan Nabureme

lidan limigifen ibagari le.

6 Nabureme,

haritaguabá luagu ínsiñehabuni luma gudemehabu

le arufuda báalibei woun súnwandan

7 gama lumoun maritaguabá luagu nifigoun,

ni luagu wuribati le meha nadügübei dan meha nibureingidina.

Haritaguabá nuagun, Bungiu,

luagu lueirin bínsiñehabu luma bareini.

17 Richati Aburemei lidan sun lémeri,

areidati lidan sun ladüga.

9 Basubudirubei giñe ísuruni luma irichaü

teni buguyame lun sun katei le buídubei,

22 Arumani busenwabei lúmagiñe gürigia,

buítimati gudeme lan gürigia sügǘ lau mafayeihadi lan.

22 Ánheinti igaburi le líchugubei Sífiri: Ínsiñehabuni, ugundani, darangilaü, gaguraasuni, areiduni, lubuidun igaburi, úaraguni, 23 ǘnabuguni, ragüguaü unguaü. Úaraguati burí igaburi le luma furumiñeguarügü lúrudu.

10 Ligía, adüga waméi lubeiti le buídubei houn súngubei sagü gayara lan, hóuntima waduheñu lidan afiñeni.

29 Manabaha humá; lubaragiñe lira, hadimureha dimurei buiti, le íderagutiña ha híbiri lidan hafiñen, abiniruni ligíame houn ha aganbubalün.

32 Buidu humá, gudemehabu huguyame húmagua, ferudunagua humá húmagua ítara kei feruduna lanün Bungiu lidan Kristu.

9 Hínsiñe hamá hiduheñu luéigiñe Hesukrístu hun lau ínsiñeni le inarüniti. Iyereegulá wuribani hun, falá huméi le buídubei.

21 Mígiraguagüdaba bungua lun lagañeirunibu wuribani; lubaragiñe lira, gáñeibei wuribani lau buiti.

23 Inarüni le ariñawagúbei: Gayaraati nadügüni le nabusenrun, gama lumoun mama sun katei lun buidu lan lanügün. Gayaraati nadügüni le nabusenrun, gama lumoun mama sun katei lun lawanseragüdüniwa lidan katei le lánina sífiri.

33 Meyeedúa humá. Ariñawagúati: «Féridigüda hamuti hagübüri umadagu lubuidun igaburi». Inarüni lira.

8 Gayaraati líchugun Bungiu sun luwuyeri abiniruni hun, lun ñein lan le habusenrubei huma súnwandan lun habagaridun, ñein ligíame giñe saragu huma lun hídehan lidan sun katei buiti.

9 Ánhañati würiña busentina lun hadaüragun keisi lubudubu, lun mama lan lau amuriguni hanarimeguti haranseragua houngua, ni lau golu, pérülasi, o daüguaü séruburitu; 10 lun lau lan lubuidun igaburi hadouragua haugua kei lunti lan hadügün würiña ha deregeguaañabaña houngua lun Bungiu.

14 Deregeguati lungua lun lounwen wawagu, lun lasalbaruniwa lídangiñe sun wuribani luma lun larumadagüdüniwa le gumuti, lun lumutuniña wamá, aranseñu lun wadügüni le buídubei.

5 Ligía lunti lubéi háfaagun lun híchugun lubuidun igaburi lanwoun hafiñen; subudi lanwoun lubuidun igaburi, 6 ragüguaü unguaü lanwoun subudi; gurasu lanwoun ragüguaü unguaü; ederegeraguni unguaü lun Bungiu lanwoun gurasu; 7 gamadaguaü lanwoun ederegeraguni unguaü lun Bungiu; ínsiñehabuni lanwoun gamadaguaü.

13 Kábagia gayara ladügün wuribati hun, anhaün íchaagua hungua lun hadügüni buiti súnwandan?

16 Lariñahare Aburemei houn lumutuniña:

«Rárama humá luagu burí üma, ariha humá,

hálügüdaha luagu binadu üma,

hagéi lan üma le buídubei;

falá huméi, ábame hadarirun emeraaguni».

Aba hariñagun:

«Uá, mabusenrúntiwa wafalaruni üma ligía».

7 Buiti Wabureme;

aramudaguagülei ligía lidan lidaani idiheri,

góunigi lumutiña ha afiñebaña luagu.

15 Mebedúnti giñe aban lanpu lun lichugúniwa tábugiñe aban gafu; luagu dábula lichugúa lun larugoungadágüdün hau sun ha múnadabaña. 16 Ítara humá giñe, durunguagüda huméi hilanpun hadan gürigia, lun danme lan harihini buiti le hadügübei, ábame giñe hadimurehan buiti luagu Wáguchi Bungiu le siélubei.

36 Gudemehabu humá, kei gudemehabu lan húguchi Bungiu.