15 Lubaragiñe lira, abagarida humá aban ibagari sánduti le gumuti; lugundun Bungiu le agúarubei hun lun lánigu humá, sánduti lidan sun katei. 16 Tariñahare Lererun Bungiu: «Sandu humá, lugundun au, sándutina».

15 Lubaragiñe lira, abagarida humá aban ibagari sánduti le gumuti; lugundun Bungiu le agúarubei hun lun lánigu humá, sánduti lidan sun katei. 16 Tariñahare Lererun Bungiu: «Sandu humá, lugundun au, sándutina».

4 Lubaragiñebei meha ladügüni Bungiu ubóu, anúadira lumutiwa lun lánigubadiwa lan lau le lunbei ladügüni Kristu wawagu, lun sándubadiwa lan ligibugiñe, ua ligíame dáseiti wawagu.

3 Le labusenrúbei Bungiu, lun sándubadün lan; lun ua lan ni aban agamariduti mamarieidunga, 4 lun lasubudiruni kada aban ida luba lan lagumadiruni lúgubu guánarügü lidan sánduni luma inebesei, 5 mama lau luriban ayumahani kei hadügüni gürigia ha ibidiñehabúbaña lun Bungiu. 6 Libügürü lubeiti agamariduni ualá ni aban adügüti wuribati lun liduhe, ladüga héreti labeichuni Bungiu le adügüti katei le, keisi wariñaguni hun. 7 Mama lun wabagaridun lidan iwiyei lagúara Bungiu woun, busenti lun wabagaridun lidan sánduni.

9 Salba lumutiwa Bungiu, wa ligía woun lun wanügün aban ibagari le sánduti; mama hamuga luéigiñe anihein lan katei buiti wadüga, ladüga ítara liña lan laranseruni lubaragiñe ladügüni ubóu lun larufuduni lareini luma línsiñehabu woun lídangiñe Hesukrístu.

3 Gama lumoun sándutibu

rútiña Ísüraelina uéiriguni bun lidan barúeihan.

2 Úati ni aban sánduti kei buguya, Nabureme!

Úati óunigiruti kei buguya!

Wabungiute!

Úati amu buéi!

15 Ladüga lariñahare le Íñugutimabei,

le wínwanbei lun sun dan le sándubei liri:

«Lidan aban fulasu íñuti ani sagüráuti naganóua,

gama lumoun anahein giñe luma le ǘnabugubei ani nidiheri ligía,

ani rútina gurasu luma dǘgüdaguaü lun.

23 Ítara luba narufuduni nuéirigun luma sandu nan houn saragu gürigia. Narufudaguba nungua houn, ábame hasubudiruni luagu au lan Aburemeibei".

23 Narufudaali hagibugiñe néchanigu luagu haruma lan óunwenbu niri le hanabagubei haganagua néchanigu hagía, ábame hasubudiruni luagu Aburemei lan au. Au le Aburemei ariñagubalin.

14 Houcha humá lun lidan humá darangilaü hama sun gürigia, abagarideina aban ibagari le sánduti; lugundun úabei arihiti Aburemei sin lira.

14 Houcha humá lun lidan humá darangilaü hama sun gürigia, abagarideina aban ibagari le sánduti; lugundun úabei arihiti Aburemei sin lira.

1 Ítara liña lubeiti, niduheñu hínsiñetiña nun, anihán burí füramasei le ladügübei Bungiu woun. Ligía lunti lubéi wachibuni sun luwuyeri iwiyei wawariua, dandu luéi wágubu kei tuéi wawani. Houcha wamá lun sandu wamá ligibugiñe Bungiu, lau lueirin inebesei le wawagubei lun.

1 Ítara liña lubeiti, niduheñu hínsiñetiña nun, anihán burí füramasei le ladügübei Bungiu woun. Ligía lunti lubéi wachibuni sun luwuyeri iwiyei wawariua, dandu luéi wágubu kei tuéi wawani. Houcha wamá lun sandu wamá ligibugiñe Bungiu, lau lueirin inebesei le wawagubei lun.

22 Ánheinti guentó, mámaadün lábugiñe lugumadin figóu, lidamunhadün Bungiu, barütiti katei le arumani tun hanigi luma ibagari magumuchaditi hun.

19 (Nadimurehaña hun lau hénpulu le luáguti idamuni luma labureme, lúntima gunfuranda humanina.) Ítara kei meha lidamun humá sun luwuyeri figóu, guentó lunti hiabin lun lidamun humá burí katei le buídubei, lun habagaridun aban ibagari deregeguañu hungua lun Bungiu.

1 Amuriahatina lubeiti huma, niduheñu, lun hederegeragun hungua sunsuinagubei lun Bungiu keisi adagaragüdüni wínwanti, sánduti ani le auti lagundaara Bungiu, anihán lichugúniwa uéiriguni le lunbei híchuguni.

17 Niduheñu, ayumuraguatina hun lun harihiniña kátaña lan ha afanreinraguagüdübaña gürigia, ru hagía achugeraguágülei lun hafiñen. Múaranti le hadügübei luma le arufudahóubei hun. Dise humá hawéi gürigia hagía;

3 Kei lánigu humá Bungiu, moun lumuti ni lun hadimurehan luagu salufuri, ni amu luwuyeri iwiyei, ni igaaduaü.

3 Kei lánigu humá Bungiu, moun lumuti ni lun hadimurehan luagu salufuri, ni amu luwuyeri iwiyei, ni igaaduaü.

22 Ánheinti luagu binadu ligaburi habagaridun, lunti hígiruni, le mabuidunhalibei ladüga hayumahan le geyeeraguadibei; 23 iserigua humá lidan hani sífiri luma lidan hisaminan, 24 daügua humá lau iseri igaburi, igaburi le ladügübei Bungiu kei ligaburi guánarügü, lidan irichaü le tímatimaati luma arumani.

21 Terencha burí meha huguya lun Bungiu, láganigu meha huguya tidan hanigi ladüga katei wuribati le hadügübei. 22 Ánheinti guentó, arandaragüda laadün Bungiu lúmagua lau lounwen Kristu lun larufudunün sánduñu, madaseirunga ani madurunga ligibugiñe. 23 Gama lumoun lunti herederun deregüdagu lidan hafiñen, mígirunga huméi emenigini le huágubei le líchugubei uganu lánina asalbaruni le haganbubei. Ligía uganu le apurichihóubei lidan sun ubóu, le giñe napurichihabei, au Pábulu.

17 Deregeguagüda baña houngua bun, lau lubafu bererun le inarünibei.

9 Ida lubagia gayara lan labagaridun nibureinti

aban ibagari harumati?

Lau lagunfulirun lau bererun!

23 Bungiu, arihabána, arihabóun nanigi;

hóuchaguabana, subudibéi nisaminan;

24 arihabá anhein luáguñadina lubéi lémeri wuribani,

alidihabana luéigiñe üma magumuchaditi.

1 Nalawahabei Nabureme tau sun nuani;

nalawahabei liri Bungiu le sándubei lau sun núgubu.

16 Ibidiñeti san hun luagu litenpulun lan Bungiu huguya, ani aganawa lan Sífiri Sandu hidan?

2 hun huguya ha tílanabaña liligilisin Bungiu to uburuguboun Korintu, ha lídanhañabaña aban luma Hesukrístu, ha aguarúbaña lun sandu hamá, hau sun ha agúarubalin liri Wabureme Hesukrístu lidan sun fulasu, ligía Haburemebei ani Wabureme giñe.

5 Ítaramemela ligaburi hasaminarun kei meha ligaburi lasaminarun Kristu Hesusu:

1 Ánheinti rúhali lubéi Kristu ubafu hun lun híchugun gurasu, anhein íderagua lubalün línsiñehabu lun híchugun dǘgüdaguaü houn amu, anhein gafanran hubéi súngubei lidan ábanmeme Sífiri, anhein anihein lubéi gudemehabu tidan hanigi, 2 gúndaaguagüda humana lau haganóun lidan úarani luma ínsiñehabuni húmawagua, óundarañu lau ábanmeme Sífiri luma ábanmeme saminaü. 3 Madüga humá ni kata huouguarügü lun hanügǘniwa weiri, ni lau pantaü; lubaragiñe lira lau lan ǘnabuguni, ani buidulá hanügüniña amu gürigia huéi guánarügü. 4 Mámarügüla katei le buídubei hun háluaha, áluaha huméi giñe le buídubei houn amu.

5 Ítaramemela ligaburi hasaminarun kei meha ligaburi lasaminarun Kristu Hesusu:

6 Lau sun meha Bungiu Irahü lan ligía,

málugunti lárügüdüni liricha kei Bungiu.

7 Lubaragiñe lira, aba lígiruni le lánibei,

aba ladügün kei ubúeini lau lágurahoun kei wügüri.

8 Danti le ítarahali kei wügüri,

aba lǘnabudaguagüdüntima lungua,

ani ladüga laganbadi, aba lounwen luagu gurúa

lau sun nibusigarídüna lan óunweni luagu gurúa.

9 Ligía líchugunbalin Bungiu liñun-agei uéiriguni lun

luma iri le wéirigutimabei lídangiñe súngubei,

10 lun danme lan haganbuni sun ha siélubaña, ha múarugubaña,

hama ha lábugiñebaña múa liri Hesusu, lun háhuduragun lun;

11 gúfese tuguyame sun iñeñein luagu Hesukrístu lan Waburemebei,

lun luéirigun Bungiu Úguchili.

12 Ítara liña lubeiti niduheñu hínsiñetiña nun, ítara kei aganba humanina súnwandan dan le meha húmañadina lan, aganbatima humana guentó dan le dise nan. Awadigimaridameme humá lau duari luma inebesei darí hasubudiruni ka lan asalbarunibei le tímatimaati. 13 Bungiu íchugubalin lubuidun aritaguni hun lun héibugun luma, íderagualaün lun hadügüni kei labusenruni.

14 Adüga huméi sun katei magülülühanga ani masigenehanga huguyame, 15 madarirúniwa láamuga duru huagu, ni mégeiti, lirahüñü humaamuga Bungiu, ha harumatiña haganagua gürigia wuribatiña ani salufuritiña. Huguya, harugoungadagüdatün haganagua gürigia hagía kei waruguma ubouagu, 16 ragüñu huguya luagu uganu lánina ibagari. Dánmeti liabin Hesukrístu, gúndaabadina huagu, lau nasubudiruni luagu mama lan luagu ni kata náfaagua luma nuadigimarida haganagua. 17 Íbini lun lan níchuguni nibagari guánarügü lun lóustarun idewesei buiti le híchugubei lun Bungiu luagu hafiñen, gúndaabadina úara huma luagu. 18 Lunti giñe hagundaarun úara numa ani gafanran huguyame numa lidan nugundan.

19 Anhein busén lubéi Wabureme Hesukrístu, nóunahabei Timotéu arihaün madise, lun gayaraabei lan nagundaarun danme le lagiribudun lau uganu nun huagu. 20 Ladüga úati amu numa le asaminaruti kei au, le áfaaguti lun buidu lan lidin hun; 21 súngubei hawouguarügüñein haritagua, mama le labusenrubei Kristu Hesusu. 22 Ánheinti Timotéu, subuditi ligaburi hun, luma ida liña lan leseriwidun numa lidan lapurichihóun uganu le lánina asalbaruni keisi aban isaani le íderaguti lúguchi. 23 Agurabatina lubeiti nóunahani arihaün lárigiñeme nasubudiruni kaba lan asusereda nun; 24 lau sun afiñe nan luagu anihán lan lugundanbei Bungiu, lun nidin arihaün nungua madise.

25 Genege lumuti giñe nun luagu lunti lan nóunahani níbiri Epafurodítu lárigoun humoun. Kei hasubudirun, ligía nóubabei lidan luadigimari Kristu luma lidan áfaaguni, le hóunahabei huguya guánarügü nun lun letenirun lun le nemegeirubei. 26 Wéiriti lálugun huagu ani gíbeti laritagun ladüga haganbun luagu lisandi. 27 Inarüni luagu sandi lan meha, yarafa lun lounwen; gama lumoun aba gudemehabu lan Bungiu lun luma nun lun mibihin nan íruni lanwoun le nuágubei, aba lareidaguagüdüni. 28 Ligíatima nabusenrubei nóunahani lun hagundaarun lau harihini luma lun maweirin lan nirun. 29 Resibi huméi lau sun ugundani keisi iduhei luéigiñe Wabureme Hesukrístu; ani hínsiñe hagíame sun ha ítarabaña kei ligía hun súnwandan, 30 kei chülǘ lubéi yarafa lun lounwen ladüga leseriwidun lun Kristu. Deregeguati lungua, meberesegúnga kaba lan asusereda lun, lun leseriwidun nun, katei le hásiñarubei adüga lugundun díseñu hiña lan nuéi.

48 Úaragua humá lubeiti keisi úaragua lan Húguchi Bungiu le siélubei.

16 Aba lariñagun Hesusu:

—Úati gürigia ébeduti lanpu, aba ladouragun lau lau somu katei o líchuguni lan tábugiñe gabana; iñu líchigei lun larugoungadágüdün múnada, lun gayara lan harihin ha ebelurubaña habarua.

14 Áluaha huméi buiti, mama wuribati,

ábame gabagari humá;

ítara luba inarüni lan le hariñagubei:

Luagu anihein lan Wabureme Suntigabafu huma.

10 Linebenwa Bungiu lagumesehabei lichú aau;

lasubudirúniwa Bungiu, le Sándutimabei,

ligía luálinbei ichügü.

25 Mabuidunti füramase lan gürigia lun Bungiu,

ani ñéingiñe aba lasakürihan luagu le füramase láalibei.

26 Huguya gasu sandu humá, lugundun sándutina, au le Aburemei. Anúadira naadün hawéi híbiri néchanigu lun nánigu humá.

26 Huguya gasu sandu humá, lugundun sándutina, au le Aburemei. Anúadira naadün hawéi híbiri néchanigu lun nánigu humá.

7 —Díreigua humá hungua nun le gumuti, sandu humá, lugundun au Aburemeibei le Hubungiute.

4 Heremuha lun Bungiu,

heremuha uremu lun Aburemei;

alawaha huméi le agalufehabei ligibuagu dúeri,

gunda humá lidan Aburemei!

Gunda humá liñúarü!

5 Bungiu le aganóubei tidan luban to sánduboun,

ligía háguchibei méteñuhaña,

ligía ágüdahabaliña würiña ha hilaguaaña hámari;