Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini, bulembo na uyaaba utuma linyutu. Mikele a mili mu ulwanisa mavaanga ma pila mo yiina ve.
Ni mu buuna, bu taangu yimonihili, libaavaangaani ma mabwe huli pasi muutu, fula-fula huli baana ba ngu ba imiinu mu Kristo.
Nyaha dyambu tso limosi lilibi livelepala mu minywa mya benu. Ka, baaleelaani mambu ma mabwe, ma muutuunga hyenze huli ba bali mu uyuha benu.
Baani baatu ba babwe na ba baaluula mu litondo la bana mu bana. Baasaani bana kolo-kolo, we bu Nzambi ubaasa benu kolo-kolo mu nzila a Kristo.
Nyaha litondo liba bibaayaka laavele na muwala. Belelaani bubi, kangamaani mu ma mabwe.
A nyaha bubi bubiingala we ve, ka nyaha we ba mubiingili a libi mu libwe.
Eeye, «byosi baava muswa» we bu benu libaaleele, ka byosi a bili na tsoongo mu bisu ve. Mu mbuli, «byosi baava muswa», ka byosi a bili mu ukulasa imiinu ve.
A liba hu iliba ve, bambaahi bababi babaabiiyasa bipfu bibibwe bya bana.
Na Nzambi li na matwala ma uluusa benu mu mabwe ma pila mu pila. Bu benu luuluula mu bi benu lili na byo nzala, benu luubwebaha taangu yoosi bi byalutahala bulahi, mana benu libaakumbasa bakima mu mavaanga ma mabwe ma pila mu pila.
Me tondi kaka ti, bakaasu babaalwata bu hwafwana. A mu tooni umonehele ve, ka mu butsitu bwosi. Bakaasu a bafwana uyolo linyutu la bo mu mivanda, mu wolo, mu bilunga na milwatu mya talu ve. Ka bo baafwana umweese yoli-yoli a bo, mu mavaanga ma mabwe. Yiina ni mbiili yi yafwana mu bakaasu ba bubaayusa Nzambi.
Nde ayehuli nyutu a nde, mu unyahula ma mabi ma bisu moosi. Eye, nde anyahuli ma mabi ma bisu, mana nde akitula bisu ibaandu hya nde hi hyatsyeme, hi hili na lehemene mu ukuhasa mavaanga ma mabwe.
Ni mu buuna, benu lafwana uva mifudi mya benu myosi, mu ubwese ŋa yulu imiinu hya benu, mbiili yimbwe; na ŋa yulu a mbiili yimbwe, nzaabili a Nzambi; ŋa yulu a nzaabili a Nzambi, ukuta hu linyutu; ŋa yulu ukuta hu linyutu, mukonono; ŋa yulu mukonono, ukangama hwa mu Nzambi; ŋa yulu a ukangama hwa benu mu Nzambi, litondo li bumwana bu bungu bwa mu Kristo; ŋa yulu litondo li bumwana bu bungu bwa mu Kristo, bwesaani litondo.
Na utwala uvangila benu libi, tso benu laahwada mu ubaavanga libwe?
Na a bubaabangisa mwinda mu usuusa nde hutso ipaanyi ve, ka bubaasuusa nde ŋa isuusili hya nde hi hyasyenoho, mana nde ayalusa byosi bi bili mutso a nzo. Ni mu buuna, liyalala la benu laafwana ubaamwedeme ŋa busu bwa baatu boosi, mana bo bamono mavaanga ma benu ma mabwe na bayuusa Taata a benu wu li hu mayulu.»
«Kwilaani lingebe we bu Taata a benu haluula mu kwili lingebe.