Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
God kamo ta bogl atne edigwa paugwa i, God yene yoba nomane togo, ye ka mudu i bogl atne edigwa. Te, God kamo mudu i, nono ka beke norabuka kuno kaima erukwa. God kamo i, nono ka beke norsre, aglau ta erumga i di pogl norsre, te, mabunono kugl dugwa i ake du ede norsre, nono mabuno du eraiglmedi di norukwa pre wakai kaima paugwa. Te, God kogonmo yoba nomane wakai idre, kogon wakai mudu eramnedi ake kun eraiglkwa i, God kamo i mina eraiglkwa kuno erukwa.
Te, ene ama pitnga, ene gak kebra mogl, yakinga igne, ene God kamo bogl atne edigwa i prisre, yake ede unga. God kamo i, ene nomane togo, ene Krais Jisas pre mediglngo, ye ene ere yugwa i, kuno erukwa.
God kamo ta bogl atne edigwa paugwa i, God yene yoba nomane togo, ye ka mudu i bogl atne edigwa. Te, God kamo mudu i, nono ka beke norabuka kuno kaima erukwa. God kamo i, nono ka beke norsre, aglau ta erumga i di pogl norsre, te, mabunono kugl dugwa i ake du ede norsre, nono mabuno du eraiglmedi di norukwa pre wakai kaima paugwa. Te, God kogonmo yoba nomane wakai idre, kogon wakai mudu eramnedi ake kun eraiglkwa i, God kamo i mina eraiglkwa kuno erukwa.
Ana ene taragl swara ta praiglkwa podo paugwa i, yegl paugwa, God kamo kep yoba meglkwa i, ye God kamo siragl mere beglkwa i, ye yene primere ta boglkrikwa. Te, ye yene ka boramnedi prisre, ege swara ta ka kep ere boglkrikwa ba Mudu Murubuglo ye nomane togo, God ye boraiglmedi prumere keme beglkwa.
Timoti yo, ene kogon eratnara i, God wakai kanabedi ye kamo wakai ere bekenatnga! Ene yegl etn, ene God kamo, kaima paugwa i, kuno ere yoba di tedre, agai ta goglkratnga paugwa.
ene ege ege, God kamo di nogugl ede te pai moglo. Ege wakai mo ege kide yenabuka i, di pai moglsre, yoba aglau eraiglkwa i, ene ka tedre, mabunono ake du ede tedre, adigl gigledi moraiglmedi God kamo kuno ere beke to. Te, tabre pre ikribi, ene oglka erekro.
Na okuo ene motnara unaglka ba erme ene ege ege God kamo yoba kere tedre, mabunomo beke te, God kamo dumere yegl ye duglo boraiglmedi di te pai moglo.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Ana God kamo yogwa i, kor moglsre, kogon yobuglo ere moglkwa. Te, bainet ta dra aket aket nogwa i, podo nogwa ba God kamo bainet i egre tedre, nogwa. Ana yoba bugla togidre, dem muduo i nogugl edimere mere yegl, God kamo i, nono nomano, kwiano ya, deno muduno siragl mere paugwa i, togo i nogugl edugwa. Nono nomano mina siragl mere prumga ya kide wakai deno muduno mina prumga i, ere i nogugl edugwa.
Kamun mitna ibo ya dumo makan dudunabuka ba na kana ta dudukre, aimadi kamun pai morabiwe dugwa.
Yegl dugwa ba Jisas di ikne ede te, yegl dugwa, God kamo mina yoba ta yegl boglkwa, Yoba bret keme i nedre, kor moglkraiglmiwa. Ye God kamo mudu swara swarade idre, kor kaima moraiglmiwe di, yegl boglme dugwa.
Enene kanen kaima paugwa. Kanen kaima i mina ye ene pre moraiglmedi i pere edo dugwa.
Ene God kamo pre pogl sinamnedi kere moglsre, kerimara i mina ene wakai munedi prisre, aimadi kamin kor moraiglkwa i, ene i kodumnedi prikwa ba God kamo i, na ira moglka i, i nogugl edugwa.
ba Yagl Kade kamo i, aimadi kamin yei pai moglmiwe
dugwa. Te, yoba ka wakai ene di teigwa igne, ye God kamo aimadi kamin yenabuka swara i, ene di teigwa.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Ana Juda yoba dumo Beria meglkwa i, ye mabunono tau wakai pai, Tesalonaika yoba togwa. I siragl pre Pol ya Sailas ye Jisas kamo di tebriko, ye ka kaima pramnedi prisre, ka dibrika i kuno pamere di noribro mo di, ege ege God kamo tau yene kere kan, pre pogl sinamnedi erikwa.
Ana ye ede Tesalonaika ebriko, okna Pol dumo bage bage pidre, wakan kade yogwa igne ye Juda yoba ka mabuno yugu kei yeimara pi, yoba ka mabuno beke te, te erumere i ere, wakan kade suota ye Tesalonaika ka mabuno yugu kei yeimara i pidre, ye yoba makai si meglkwa i God kamo di tedre, mabunomo di pogl togwa.
Ana Pol ye Tesalonaika yoba ka mabuno di togwa i, yegl mere di togwa, ye God kamo tau bage mere God Kere Yugwa Yagl i gagie giugl prisre, gogl, aglke adigl u kor enabuka paugwa pre dugwa i didre, mabunomo di pogl togwa. Di pogl tedre, ama yegl dugwa, Na ka erme diga i, Jisas ye God Kere Yugwa Yagl i moglkwa pre diwe dugwa.
Yegl dugo, Filip mukudi ede magigl pidre, prukwa i, yagl i Aisaia ka boglkwa i kere moglko, prukwa. Prisre, ye di pre, yegl dugwa, Agra yo, ene ketnga i, mabunomo ene pre pogl sino mo sikitne? dugwa. Yegl dugo, yagl i ye di ikne ede te, Na ta pre pogl sikriwe dugwa. Yoba ta ka i mabunomo di naran, na pre pogl sinaglka ba ta manan, na pre pogl sikraluwe dugwa. Yegl didre, ye Filip di te, ene ede karis mina un, nono akie ame di morabugle dugwa.
Ana Itiopia nem ikra ye Aisaia ka boglko, kerumara i, ka bage ta yegl paugo, kere kanugwa, Yoba sipsip si goramnedi kane kogl i ede eimere yegl, yoba ye God Kogonmo Yagl i si goramnedi si kane si i ede eigwa. Te, yoba sipsip yugo baiglko, sipsip be dikrumere mere yegl, Yagl i ama ka ta dikrukwa.
Yegl dugo, Filip ere mogl, God kamo bage ta kerumara i mabuno siragl mere paugwa i di togwa. Di tedre, God kamo tau ama idre, Jisas kamo yagl i di togwa.
Ana yagl suo i yegl dibriko, Jisas ye yegl di togwa, Ene nomane wakai ta paikrukwa paugwa. God kamo kep yoba ka mudu okna beglkwa i, ene tabre pre medra kiribrika. God Kere Yugwa Yagl i, ye giugl yegl mere prisre, okuo keme kagie kade inabuka paugwa i, ene ta prikribro? dugwa. Jisas yegl didre, God kamo okna beglmara i bage tau ye yene pre dugwa i, ye yagl suo i beke te ede ogwa. Ye Moses ka tau boglkwa i mabuno bogl idre, ka kep yagl mudu ta ka okna beglmara i mina bage tau idre, yagl suo i beke te ede ogwa.
Ana Jisas ede magigl udre, ye di te, yegl dugwa, Na Nina taragl mudu heven ibo ya dumo makan mina meglkwa ya paigwa i, na bitno moratnedi narukwa. Yegl pre ene ede uglo koglo koglo pidre, yugobuno pere pere meglmara i pi ye na kana duglo boraiglmedi beke teo dugwa. Beke tedre, ye na Nina God ya na ye Wam moglka i ya Mudu Murubuglo kagno mina ye nigl bugl teo dugwa. Nigl bugl tedre, ka mudu ene duglo boraiglmedi beke teiga i, ye ama duglo boraiglmedi beke teo. Te, ene prio. Na ene bogl aimadi akie moramga. Ege erme munga i dudinan, okuo na ene bogl aimadi mogl pai moramniwe di, Jisas yegl dugwa.
Ene pidre, ye yegl di tenaiglkwa, God yoba kingno mogl, suglno morabuka i, ede magigl u kodumiwe di teo.
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Buk i yoba ta kerenaiglkwa Jon ka gigledi di togwa
Na God kamo kep ere boglka magigl i, ene yoba ta praiglkwa i, na ene yegl di teiga, yoba ta ka tau yene prumere i suna edenan, God ye yubun tau tenabuka. Buk i mina yubun tau unabe dumere yegl, yoba i morabara God yubun yegl tenabuka pre diga. Te, yoba ta ka magigl paugwa i tau i eglke edenan, God ye buk i mina taragl wakai wakai pre dugwa i, ye morabara i eglke edenabuka. Na diga i, ede ta yoba mogomo uro nebi, kor moraiglkwa ikra ye mogomo uro ne dinabedi ersre, God dumomo, siti kor ta yenabara suna i, ama taragl wakai wakai i tenabuka igne, ye ta ikrabuka pre diga.
Jisas kamo swara keme pame dugwa
Na nagna kogl, kide kaima ta prika i, ka mabuno kibi ta erme yudre, Jisas kamo wakai yome digo, ene prisre, tabre kaima God mokono teigwa. Krais ene yoko kaima ere inagledi goglmara i mina God agle dugo, ene ede suna wigwa ba tabre kaima ye kamo kide kodigwa. Krais kamo wakai swara kaima yogwa ba yoba tau ene kinano sinamnedi Jisas kamo wakai pamara i, ka kibi tau mere i suna edidre, ene beke teigwa i pre diga.
Ene prio! No okna ene meglmara udre, Jisas kamo wakai pamere beke tomga ba yoba ta okuo udre, ka pere ta yu ene di tenan, God yoba i ere kide ere tenabedi prika. Yoba yoko mo, nono Jisas dedugwa yoba munga i mo, angelo ta heven ibo mogl, atne u dinabuka i, pra, God ye ere kide ere tenabedi prika. Ka i okna dumgo, pre kodigwa ba na aglke kor dinaglka. Yoba ka pere ta ene okna pre mediglmere mere yu ene di tedre, ka i Jisas kamo wakai yome ta dinan, God ye ka tage tenabuka.
Te, Yagl Kade tabre ukrukwa i, ene ama praiglkwa, ye sugl kan mogl, yoba ere inagledi prukwa pamedi praiglkwa. Na ka yegl diga i, agro Pol, ye nono deno muduno suna moglkwa i, ama ka kuno yegl mere ene bogl togwa. God ye Pol nomane wakai togo, ye pepa mudu boglmara i mina mabuno tau yegl mere pre dugwa. Ye pepa boglmara suna i, mem tau atne paugwa pre yoba pre pogl sinaiglkwa i, ege tau waragne dagl paugwa. Pol ka boglkwa i, yoba tau God kamo beke ikre, nomano gigle dikrukwa i, ye ake yake tedre, di ta edigwa. Te, ye God kamo mudu idre, ama yegl keme erikwa pre ye yene u kide enaiglkwa paugwa.
Ana ene prio. God kamo siragl mere okna ibo beglkwa i, nono erme munga i ama beke inaiglmedi beglkwa. God kamo nono si gigledi noran, nono adigl gigledi mogl, God bogl okuo wakai kaima moramnedi sugl moramga i pre ye beglkwa.
Ye ere inabuka ba ye pre mediglbi keme agle dinaiglkrawa. Te ka wakai ta prekribi, ye siragl mere pre medraiglme? Te ka wakai praiglkwa i, yoba pi dikribi, ta prekraiglkwa. Te yoba ka praiglmedi yoba ta dedekribi, ye siragl mere pi dinaiglme? Yegl pre God kamo bage ta okna beglkwa i mina yegl beglkwa, Yoba ta God kamo wakai i, i pi yoba pere ta di teigwa i, wakai kaima pamiwe di, yegl beglkwa.
Ana Jisas kamo wakai i, yoba ede bage bage pi, yoba di teigwa ba yoba tau prisre, mane digwa. God kamo kep yagl Aisaia okna mem i pre yegl boglkwa, Yagl Kade yo, no ene kanen i pi yoba di tomga ba ye pre mediglkrimiwe di, yegl boglkwa. Nono Krais kamo yoba di tenamga i, yoba tau prisre, mane dinaiglkwa ba yoba tau pre medraiglkwa i, konbauna swara keme yogwa. Nono Krais kamo di tomun, ye prisre, pre medraiglkwa. Ba ta di tekrumun, ta prikraiglkwa pre ye ta pre medraiglkwa i kuno erekrukwa.
Jisas kamo wakai i mina God yoba ere yugwa
Na Krais kamo wakai yoba di tenaglka i, agai ta goglkraglka. I siragl pre ka i God yobuglomo podo atne paugo, yoba iramna pre medraiglkwa i, mudu ere inabuka. Ka i komono kana Juda yoba pidre, okuo Jentail yoba enabuka. Ka wakai i mina God du moglmere mere moramga i, ama i nogugl edugwa. Pre medramga keme. Kuno yegl mere God kamo mina okna ibo bogl, Yoba ta pre mediglbi, God ye yoba du meglmedi kanan, yoba i kor aimadi moraiglmiwe di, yegl beglkwa.
God nono siragl mere yoko kaima ere wakai ere norukwa i, ye nono pre pogl sinaiglmedi prisre, ye Murubuglomo norukwa. God Murubuglo nono munara udre, nomane kor norukwa pre yoba meda meglkwa i nomano pamere yegl, nono nomano yegl ta paikrukwa. Te, God siragl mere yoko kaima ere wakai ere norukwa i, God Murubuglo no Jisas dedugwa yoba munga i di noruko, no yoba di te wan munga. Makandigle yoba nomano pamere i no ta di noriko, no prisre, yoba di te wan moglkrumga ba God Murubuglo yene nomane norsre, ka di norumere i, no yoba di te wan munga.
God Murubuglo ka di norukwa i, nono Mudu Murubuglo ta yumga i keme pre pogl sinamga. I siragl pre God Murubuglo swara no pre pogl sinaiglmedi erukwa. Yoba ta God Murubuglo ikrikwa i, ye pre pogl sinaiglkwa kuno erekrukwa. God Murubuglo ye meglmara ta moglkrukwa pre ye kamo prisre, ka kaima pamedi pre, mem wakai pamedi praiglkwa i ta kuno erekrukwa.
God nomanemo podo paugwa pre ye okna ibo pre kan erukwa i, ye yoba kanige eran, ye yene nomano duglo boglsre, God moglkwa i ta pre kan eraiglkwa, i kuno ta erekrumedi God komono kana pre kan ere kodugwa. Te, yoba munga i, no nono nomano duglo boglsre, ede God moglmara enamga kuno ta erekrumedi ye ama pre kan ere kodugwa. Yegl pre God ye yene wakai prumere konbauna pere ta i nogugl ede, yoba Jisas kamo i pi yoba tau di tebi, yoba ta prisre, pre medraiglkwa i, ye ere inagle dugwa. No Jisas kamo di wan munga i, yoba tau mere prisre, no du erimedi prikwa ba du erekunga. God ye Jisas kamo swara i mina yoba ere yugwa pre ka i podo paugwa.
Ana Juda yoba meglkwa i, ye kimagl ta eribi, kandre keme, pre medramnedi prikwa. Te, Grik yoba meglkwa i, ye bitno podo panabuka i swara konbauna doko wan meglkwa. Yegl erikwa ba no Juda yoba ya Grik yoba suo akie ka swara keme di tomga. Krais ede prak mina goglkwa ka swara i di te wan munga ba Juda yoba tau mere ka i prisre, kide pre, pre medrakiurikwa. Te, Grik yoba tau mere no ka dumga i prisre, no du erimedi prikwa. Juda yoba ya Grik yoba tau mere yegl prikwa ba God nono agle dugo, no Juda yoba mo Grik yoba ta ede suna umga i, nono God nomanemo ya yobuglomo siragl mere i nogugl edugwa i, pre pogl sumga. Ye Jisas kogon erumara swara i mina nomanemo podo paugwa ya yobuglomo podo paugwa i nogugl edumedi pre pogl sumga. Yegl pre Krais kamo swara i, wakai kaima pamedi prumga.
Ba Krais kogon narsre, na dedugwa i, na Yoba nigl bugl to! dikrukwa. Ye dugwa i, Na kana wakai i, i pi yoba di to! didre, na dedugwa. Ye na yegl eratnedi dedugwa pre na Krais ede prak mina goglkwa kamo yoba di te wan moglka i, yoba pre pogl sinaiglmedi ka nogugl keme di wan moglka. Makandigle yoba bitno podo paugwa, yoba wakai praiglmedi ka dogon erukwa kane kane dimere yegl na ta dikrika. I siragl pre na ka dogon erukwa yegl ta dibo, yoba tau wakai praiglkwa ba Krais ede prak mina goglkwa ka i na ere i taragl yoko ediga mere yegl panabuka pre kide panabuka. Yegl pre na Krais kamo nogugl keme di wan moglka.
Ana yoba tau yegl mere yage sigwa ba ene meglkwa i, God ene ye yobanama moraiglmedi kere i pere edugo, ene ye yobama kaima meglkwa. Te, God ene kingno moglko, ene mogl pere edidre, ye tawa teigwa yoba mere yegl meglkwa. God ene yegl mere kere i pere edugwa i, ye siragl mere wakai moglkwa i, ene di nogugl edinaiglmedi pre ene kere i pere edugwa. I siragl pre God yene ere mogl, ene mim erumara kide kodidre, ede u ye abuglagemo, wakai kaima sumara i mina ede suna unaiglmedi agle dugwa.