16 IMibhalo yonke yaphefumulelwa nguNkulunkulu njalo ilosizo ekufundiseni, lokukhuza, lokuqondisa, lokufundisa ngokulunga, 17 ukuze umuntu kaNkulunkulu ayilungisele ngokupheleleyo yonke imisebenzi emihle.

15 lokuthi kusukela ebuntwaneni wayazi njani imibhalo eNgcwele engakwenza uhlakaniphele ukusindiswa ngokukholwa kuKhristu uJesu. 16 IMibhalo yonke yaphefumulelwa nguNkulunkulu njalo ilosizo ekufundiseni, lokukhuza, lokuqondisa, lokufundisa ngokulunga, 17 ukuze umuntu kaNkulunkulu ayilungisele ngokupheleleyo yonke imisebenzi emihle.

20 Phezu kwakho konke, kumele liqedisise ukuthi akukho siphrofethi soMbhalo esavela ngokuchasisa okungokomphrofethi. 21 Ngoba isiphrofethi kasizange sivele entandweni yomuntu, kodwa abantu bakhuluma kuvela kuNkulunkulu beholwa nguMoya oNgcwele.

15 Yenza ubungcono bakho ukuba uzethule kuNkulunkulu njengohloliweyo, isisebenzi esingadingi ukuba sibe lenhloni njalo esiliphatha kuhle ilizwi leqiniso.

2 Tshumayela iLizwi; lungiselela isikhathi esifaneleyo lesikhathi esingafanelanga; lungisa, ukhuze njalo ukhuthaze ngokubekezelela okukhulu langokulaya ngokunanzelela.

13 Zinikele ekufundeleni uzulu imibhalo, ekutshumayeleni kanye lasekufundiseni ngize ngifike.

12 Ilizwi likaNkulunkulu liyaphila njalo liyasebenza. Libukhali kulenkemba esika inxa zombili, ingena ize yehlukanise umphefumulo lomoya, amalunga lomnkantsho; lahlulela imicabango lomumo wenhliziyo.

35 Izulu lomhlaba kuzedlula, kodwa amazwi ami kawayikwedlula lanini."

4 UJesu waphendula wathi, "Kulotshiwe ukuthi: ‘Umuntu kayikuphila ngesinkwa kuphela kodwa ngelizwi lonke eliphuma emlonyeni kaNkulunkulu.’*"

10 Njengoba izulu longqwaqwane

kusehla kuvela phezulu,

kungaphindi kubuyele khonale

kungathambisanga umhlaba

kuwenze ununkule ube lamahlumela,

ukuze unike umhlanyeli inhlanyelo, lodlayo umnike ukudla,

11 linjalo lelizwi lami eliphuma emlonyeni wami:

kaliyikubuya kimi lize,

kodwa lizafeza engikufunayo

liphumelelise lokho engilithume khona.

17 Bangcwelise ngalo iqiniso; ilizwi lakho liliqiniso.

39 Liphenyisisa imibhalo liyihlola ngoba licabanga ukuthi ngayo lilakho ukuphila okungapheliyo. Yiyo le imibhalo efakaza ngami,

25 kodwa ilizwi leNkosi limi kuze kube nini lanini."*

Njalo leli yilo ilizwi elatshunyayelwa kini.

9 Ijaha lingaphila njani impilo ehlambulukileyo?

Ngokuphila ngendlela yelizwi lakho.

160 Wonke amazwi akho aqinisile;

yonke imithetho yakho elungileyo ngeyaphakade.

ש Sin kumbe Shin

11 AmaJuda eBheriya wona ayelesimilo esingcono kulaleso esamaThesalonika, ngoba alemukela ilizwi ngomfutho omkhulu njalo ayihlola iMibhalo insuku zonke ukuze abone ukuthi lokho uPhawuli ayekutsho kwakuliqiniso na.

2 Njengenjayelo yakhe uPhawuli waya esinagogweni, kwathi ngamaSabatha amathathu wabonisana labo ngeMibhalo, 3 echaza njalo eveza obala ukuthi uKhristu wayemele ahlupheke njalo avuke kwabafileyo. Wathi, "UJesu lo engitshumayela ngaye kini unguye uKhristu."

30 UFiliphu wasegijimela kuyo inqola wezwa indoda leyo ibala u-Isaya umphrofethi. UFiliphu wayibuza wathi, "Uyakuzwisisa yini lokho okubalayo?"

31 Yathi, "Ngingakuzwisisa kanjani kungekho muntu ongichazelayo na?" Yasicela uFiliphu ukuthi agade azohlala layo.

32 Indoda engumthenwa yayibala indima yombhalo ethi:

"Waqhutshwa njengemvu isiwa esilaheni,

njengezinyane lemvu elithula zwi phambi komgundi,

kanjalo kazange awuvule umlomo wakhe.

35 UFiliphu wahle waqalisa ngaleyondima yoMbhalo, wayitshela izindaba ezinhle ngoJesu.

10 Ngoba u-Ezra wayezinikele ekufundeni lokugcina uMthetho kaThixo lokufundisa izimiso zawo ko-Israyeli.

25 Wathi kubo, "Uthi liyizithutha ezinjani, njalo lilezinhliziyo ezithundubeleyo ekukholweni konke lokho okwakhulunywa ngabaphrofethi! 26 UKhristu wayengamelanga ahlupheke yini zonke lezi izinto andubana angene ebukhosini bakhe na?" 27 Wasesukela kuMosi kanye labaPhrofethi bonke wabachazela okwatshiwo emibhalweni mayelana laye.

18 UJesu weza kubo wathi, "Wonke amandla ezulwini lasemhlabeni aphiwe mina. 19 Ngakho hambani lenze abafundi ezizweni zonke, libabhaphathize ebizweni likaBaba, leleNdodana lelikaMoya oNgcwele, 20 njalo libafundise ukulalela konke engililaye ngakho. Ngempela ngilani kokuphela, kuze kube sekupheleni kwesikhathi."

7 Ekuhambeni kwenu, litshumayele lelilizwi: ‘Umbuso wezulu ususondele.’

8 Ngakho kwabuye kwafika kuye ilizwi likaThixo lisithi:

1 Ilizwi likaThixo lafika kuJoweli indodana kaPhethuweli.

19 Ilizwi likaThixo lafika kuJeremiya lisithi:

1 Isiphrofethi, Ilizwi likaThixo ku-Israyeli ngoMalaki.

8 Laphinde lafika njalo ilizwi likaThixo kuZakhariya lathi:

4 Emva kwalokho kwafika ilizwi likaThixo ku-Isaya lisithi:

1 Umoya kaThixo Wobukhosi uphezu kwami,

ngoba uThixo ungigcobile

ukuba ngitshumayele izindaba ezinhle kwabampofu.

Ungithumile ukuba ngibophe inhliziyo ezidabukileyo,

ngimemezele ukukhululwa kwabathunjiweyo,

lokukhululwa kwezibotshwa emnyameni,

2 lokumemezela umnyaka womusa kaThixo,

losuku lokuphindisela kukaNkulunkulu wethu;

ukududuza abalilayo,

3 lokunakekela labo abadabukileyo eZiyoni,

ukubapha umqhele wobuhle

esikhundleni somlotha,

amafutha okujabula

esikhundleni sokulila,

lengubo yokudumisa

esikhundleni somoya wokulahla ithemba.

Bazabizwa ngokuthi yimʼokhi yokulunga,

ehlanyelwe nguThixo

ukuba abonakalise inkazimulo yakhe.

5 Wonke amazwi kaNkulunkulu akalamposiso;

uyisihlangu kulabo abacatsha kuye.

6 Ungengezeleli emazwini akhe,

funa akukhuze akwenze umqambimanga.

18 Ngiyabaxwayisa bonke abezwa amazwi esiphrofethi sencwadi le: Nxa umuntu ezakwengeza olunye ulutho kuwo, uNkulunkulu uzazengeza kuye izifo ezibaliswe kule incwadi. 19 Njalo nxa umuntu esusa amazwi kule incwadi yesiphrofethi, uNkulunkulu uzamthathela isabelo sakhe esihlahleni sokuphila laseDolobheni eliNgcwele, okubaliswe kule incwadi.

6 Ngiyamangala ukuthi limdela masinya kangaka lowo owalibiza ngomusa kaKhristu njalo liphendukela evangelini elehlukileyo, 7 elingasivangeli langempela ngitsho. Kusobala abanye abantu bayaliphambanisa njalo bazama ukungcolisa ivangeli likaKhristu. 8 Kodwa lanxa thina loba ingilosi evela ezulwini ingatshumayela elinye ivangeli ngaphandle kwalelo esalitshumayela kini, kasilahlwe kuze kube nini lanini! 9 Njengoba sesivele sitshilo, lakhathesi ngiyatsho futhi ngithi: Lanxa kungaba ngubani otshumayela kini elinye ivangeli ngaphandle kwalelo elalamukelayo, kaqalekiswe nguNkulunkulu!

15 Khumbulani ukuthi ukubekezela kweNkosi yethu kutsho ukusindisa, njengalokhu umzalwane wethu othandekayo uPhawuli walilobela ngenhlakanipho uNkulunkulu amupha yona. 16 Uloba ngendlela efanayo kuzozonke izincwadi zakhe, ekhuluma lezizindaba kuzo. Izincwadi zakhe zimumethe ezinye izinto okunzima ukuzizwisisa, okuthi abantu abangaziyo labangaqinanga bazihlanekele, njengabakwenzayo kweminye iMibhalo, okuzaletha ukubhujiswa kwabo.

4 Ngoba konke okwalotshwa kudala kwalotshelwa ukusifundisa, ukuze kuthi ngokubekezela langokukhuthazwa yimibhalo sibe lethemba.

14 Pho, bangakhuleka kanjani kulowo abangakholwa kuye? Njalo bangakholwa njani kulowo abangakaze bezwe ngaye na? Njalo bangezwa njani kungekho otshumayela kubo na? 15 Njalo bangatshumayela njani ngaphandle kokuba bethunyiwe na? Njengoba kulotshiwe ukuthi, "Yeka ubuhle bezinyawo zalabo abaletha izindaba ezinhle!"*

16 Kodwa akusibo bonke abako-Israyeli abazamukelayo izindaba ezinhle. Ngoba u-Isaya uthi, "Nkosi, ngubani olikholiweyo ilizwi lethu na?"* 17 Ngakho-ke, ukukholwa kuvela ekuzweni ilizwi, lelizwi lizwakala ngelizwi likaKhristu.

16 Kangilanhloni ngevangeli, ngoba lingamandla kaNkulunkulu okusindiswa kwabo bonke abakholwayo: kuqala amaJuda, kulandele abeZizwe. 17 Ngoba ukulunga okuvela kuNkulunkulu kubonakaliswa evangelini, ukulunga okungokukholwa kusukela ekuqaleni kusiya ekucineni, njengoba kulotshiwe ukuthi: "Abalungileyo bazaphila ngokukholwa."*

12 Kasamukelanga umoya wasemhlabeni, kodwa uMoya ovela kuNkulunkulu ukuze siqedisise ngalokho uNkulunkulu asiphe khona ngesihle. 13 Lokhu yikho esikukhulumayo, hatshi ngamazwi esawafundiswa yikuhlakanipha kwabantu kodwa ngamazwi esawafundiswa nguMoya. 14 Umuntu ongelaMoya kazamukeli izinto ezivela kuMoya kaNkulunkulu ngoba kuye ziyibuthutha njalo angeke aziqedisise ngoba zibonakaliswa ngomoya.

21 Ngoba ekuhlakanipheni kukaNkulunkulu, umhlaba ngokuhlakanipha kwawo kawumazanga, uNkulunkulu wathokoza ngobuthutha balokho okwatshunyayelwayo ukuze kusindise abakholwayo

22 AmaJuda afuna izibonakaliso lezimangaliso lamaGrikhi adinga ukuhlakanipha, 23 kodwa thina sitshumayela uKhristu owabethelwayo: isikhubekiso kumaJuda lobuthutha kwabeZizwe, 24 kodwa kulabo ababizwe nguNkulunkulu, amaJuda lamaGrikhi, uKhristu ungamandla lokuhlakanipha kukaNkulunkulu.

17 Ngoba uKhristu kangithumanga ukuba ngibhaphathize kodwa ukuba ngitshumayele ivangeli, hatshi ngamazwi enhlakanipho yabantu, funa isiphambano silahlekelwe ngamandla aso.

9 Kodwa lina lingabantu abakhethiweyo, ubuphristi bobukhosi, isizwe esingcwele, abantu abangabakaNkulunkulu, ukuba limemezele indumiso yakhe yena owalibiza lisemnyameni ukuba lize ekukhanyeni kwakhe okumangalisayo.