Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
"मन्नै ये बात थारैतै ज्यांतै कही सै, के थम मेरै म्ह शान्ति पाओ। दुनिया म्ह थारे पै क्ळेश होवै सै, पर हिम्मत राखियो, मन्नै दुनिया ताहीं जीत लिया सै।"
के मन्नै तेरे ताहीं हुकम न्ही दिया? हिम्मत करकै मजबूत हो जा; भय ना खावै, अर तेरा मन कच्चा न्ही होवै; क्यूँके जित्त-जित्त तू जावैगा ओड़ै-ओड़ै तेरा परमेसवर यहोवा तेरै गैल रहवैगा।"
फेर यहोशू नै उनतै कह्या, "ना डरो, अर ना थारा मन कच्चा हो; हिम्मत करकै मजबूत हो; क्यूँके यहोवा थारे सब दुश्मनां तै जिनतै थम लड़णआळे सो इसाए करैगा।"
मत डरै, क्यूँके मै तेरै गैल सूं, आस्सै-पास्सै ना देक्खै, क्यूँके मै तेरा परमेसवर सूं; मै तेरे ताहीं मजबूत करुँगा अर तेरी मदद करुँगा, अपणे धर्ममय सोळे हाथ तै मै तेरे ताहीं सम्भाळे रहूँगा।
क्यूँके परमेसवर नै म्हारै ताहीं डरपोक न्ही बणाया, बल्के उसका आत्मा म्हारे मन मजबूत बणावै सै, जो म्हारे ताहीं दुसरयां तै प्यार करण म्ह मदद करै सै, अर म्हारे ताहीं अपणे-आप पै काब्बू राखणा सिखावै सै।
मसीह मन्नै सामर्थ देवै सै उस म्ह मै सब कुछ कर सकूँ सूं।
हे यहोवा पै आस राक्खण आळेयो,
हिम्मत राक्खो अर थारे मन मजबूत रहवैं!
जिस दिन मन्नै पुकारया, उसे दिन तन्नै मेरी सुण ली,
अर तन्नै ताकत देकै मेरी हिम्मत बन्धाई।
बिश्वास की घोषणा
यहोवा मेरी ज्योति अर मेरा उद्धार सै;
मै किसतै डरुँ?
यहोवा मेरे जीवन का मजबूत गढ़ ठहरया सै,
मै किसका भय खाऊँ?
फेर यीशु नै जिब्बे उनतै बात करी अर बोल्या, "होसला राक्खो! मै सूं, डरो मतना!"
क्यूँके सारे उसनै देखकै घबरागे थे। पर उसनै जिब्बे उनतै बात करी अर कह्या, "होसला राक्खो, मै सूं; डरो मतना!"
उसनै उसतै कह्या, "बेट्टी, तेरे बिश्वास नै तेरे ताहीं ठीक करया सै, खुशी-खुशी चली जा।"
आखर म्ह हम सारी हाण होसला राक्खां सां, अर या जाणां सां के जिब ताहीं हम देह म्ह रहवां सां, तब तक प्रभु के सुर्ग तै न्यारे सां, जो सुर्ग म्ह सै।
सातवें महिन्ने के तेईसवें दिन म्ह उसनै प्रजा के माणसां ताहीं बिदा करया, के वे अपणे-अपणे डेरे म्ह जावै, अर वे उस भलाई के कारण जो यहोवा नै दाऊद अर सुलैमान अर अपणी प्रजा इस्राएल पै करी थी आनन्दित थे।
"हिम्मत बाँध्धों अर मजबूत हो थम ना तो अश्शूर के राजा तै डरो अर ना उसकै गैल की सारी भीड़ तै, अर ना थारा मन कच्चा हो; क्यूँके जो म्हारे गैल सै, वो उसके गैल आळयां तै बड़ा सै।
जै तू बिप्दा कै बखत हिम्मत छोड़ दे,
तो तेरी ताकत भोत कम सै।
ज्यांतै, हे भले माणसों, सब्र करो, क्यूँके मै परमेसवर का बिश्वास करुँ सूं, के जिसा मेरै तै कह्या गया सै, उसाए होगा।
मन्नै इस बात का भरोस्सा सै, के परमेसवर जिसनै थारे म्ह आच्छा काम शरु करया सै, वोए उसनै जिब यीशु मसीह बोहड़ के आवैगा तब तक पूरा करैगा।
थमनै इन सारी बात्तां तै खुश होणा चाहिए भलाए थम कुछ बखत खात्तर कई ढाळ की मुसीबतां के कारण दुखी सो।
धर्मियाँ की मुक्ति यहोवा की
ओड़ तै होवै सै;
संकट के बखत वो उसका मजबूत गढ़ सै।
क्यूँके मै थारे तै मिलण की लालसा करुँ सूं, ताके मै थमनै कोए आत्मिक आशीष दियुँ जिसतै थम बिश्वास म्ह मजबूत हो जाओ। मेरे कहण का मतलब यो सै, के जिब मै थारे तै मिलु, तो मै थारे ताहीं अर थम मन्नै उत्साहित कर सको, थम मेरे बिश्वास नै जाणकै मजबूत हो जाओ, अर मै थारे बिश्वास नै जाणकै मजबूत हो जाऊँ।
ज्यांतै हम हिम्मत न्ही हारते; हालाके म्हारी देह नाश होन्दी जावै सै, तोभी म्हारी अन्तरात्मा हर रोज नई होन्दी जावै सै।
इस कारण एक-दुसरे ताहीं तसल्ली द्यो अर एक-दुसरे ताहीं बिश्वास म्ह मजबूत करो, जिसा के थम करो भी सो।
हे बिश्वासी भाईयो, हम अपणी सारे दुख अर क्ळेश म्ह उत्साहित सां, क्यूँके हमनै थारे बिश्वास के बारै म्ह सुण्या के थम इब भी यीशु मसीह के बिश्वास म्ह मजबूत सों।
फेर माणसां नै जवाब दिया, "यहोवा नै त्याग कै दुसरे देवत्यां की सेवा करणा म्हारे तै दूर रहवै; क्यूँके म्हारा उद्धार परमेसवर यहोवा तै ए सै जो हमनै अर म्हारे पुरखां नै गुलामी के घर, यानिके मिस्र देश म्ह तै लिकाड़ ल्याया, अर म्हारी आँखां आग्गै बड़े-बड़े चमत्कार करे, अर जिस राह पै अर जिन जात्तां कै बीच म्ह तै हम चाल्ले आवां थे उन म्ह म्हारी हिफाजत करी;
क्यूँके यहोवा की या वाणी सै, के जो कल्पना मै थारै बारै म्ह करुँ सूं उन ताहीं मै जाणु सूं, वे नुकसान की न्ही, बलके सलामती ए की सैं, अर अन्त म्ह थारी उम्मीद पूरी करुँगा।
Este artigo te tocou? Faça uma oração!
+581 estão orando agora.
Junte-se à corrente de oração.