Bom ânimo
Tende bom ânimo! Jesus repetiu estas palavras aos seus discípulos em meio às tempestades. No mundo tereis aflições, mas Ele já venceu o mundo — e nos dá coragem para enfrentar tudo.
Ndanguwalonjela mbuli azi leka muwe na kikala goya kuli kilumba na heni. Kuli isi motunyigwa, ila mikangaze nhumbula! Heni nandiisumya isi!"
Ukumbuchile kota heni ndikulajiza uwe wimile nzinzili na usindamale. Uleche kudumba ne kuwa na masinzo kwa vila heni Mkulu Nguluwi, Nguluwi wa hegwe, nda hamwe na hegwe honeche houluta."
Yoshua nakawalonjela "Mleche kudumba ne kuwa na lunhwinhwi, mwime nzinzili na msindamale, mina ahyo ndo Mkulu Nguluwi vyoyowaditila wang’honyo wa hemwe wawele mochitowa na hewo."
Lelo, mleche kudumba, kwa vila nda hamwe na hemwe.
Mleche kukabuswa, kwa vila heni nda Nguluwi wa hemwe.
Ndowadita muwe nzinzili na kuwatanza,
ndowamila na moko wa heni utanganiche.
Mina Muhe wotupegwe na Nguluwi hauwele wa kutudita tuwe tudumba, haiwele ahyo, ila ndo Muhe yalingutugalila mong’ho na igano na kilongoza twetwe.
Ndoweza kudita chila mbuli kwa vila Kilistu kangunipa ludali.
Muwe mzidahe na mikangaze nhumbula,
hemwe mweng’ha mlingitumbila kwa Mkulu Nguluwi.
Londikulilile, hegwe nakunyidichila,
nakunyonjezela mong’ho wa nhumbula.
Mkulu Nguluwi ndo lumuli lwa heni na ulohozi wa heni,
ndimdumbe whaani?
Mkulu Nguluwi ndo ngome ya ukomu wa heni,
ndimdumbe whaani?
Baho, Yesu nakalonga na hewo, "Msindamale, nda heni. Mleche kudumba!"
Mina weng’ha lowamuwene nawadumba lukami. Baho Yesu nakalonga na hewo, "Msindamale, ndo heni. Mleche kudumba!"
Lelo Yesu nakamlonjela, "Mhinza, makundo ga hegwe gakulohola. Ulute kwa kikala goya."
Twa nzinzili mazuwa gose hanga twanguvizela kota kikala kuli lukuli alu hela ndo kikala kutali na Mkulu.
Kuli zuwa liwinzile, liwele nalyali ndo zuwa lya makumi meli na gadatu lya mwezi wa saba, Solomoni nakawalaga wanhu leka chila munhu yalute kaye kwake. Nawatowa luchenze kuno wosangalala mnhumbula za hewo, kwa chiwalo cha mbuli zeng’ha ziwele Mkulu Nguluwi nakadita kwa chiwalo cha Daudi na Solomoni na kwa chiwalo cha wanhu wa heye Waisilaeli.
"Muwe nzinzili na mzidahe. Mleche kudumba ne kuwa na lunhwinhwi hali mndewa wa Ashulu na wamizi wa heye, kwa vila yawele hamwe na hetwe ndo mkulu kusinda yawele hamwe na heye Senakelibu.
Wone uwe ng’hochele mhela wa magazo,
lelo hegwe ndo kwahela mong’ho lukami.
Ahyo wang’holozangu, mikangaze nhumbula! Kwa vila ndangumkunda Nguluwi kota yowa hihila kota vyondonjelwe.
Lelo ndanguvizela ng’hatu kota Nguluwi yawele nakaluka kukola mijito aji jinojile mgati mwa hemwe, kojidita jilutilile mbaka jenele kuli zuwa lya kuhiluka kwa Yesu Kilistu.
Msangalale kwa chiwalo cha mbuli ayo, hanga sambi, kwa hado hela, yowagana kisinza kwa chiwalo cha majezo gali vinji.
Mkulu Nguluwi kanguwaloholaga watanganiche,
na kuwamila mhela wa magazo.
Mina nangana ng’hatu ndikoneni ndiwagawileni ndolendole za chimuhe za kuwakangaza. Gondilingulonga hano, weng’ha heni na hemwe tikangaze. Makundo ga hemwe gong’hangaza heni na makundo ga heni gokukangazani hemwe.
Kwa chiwalo acho hambe tutweguche nhumbula, hanga ng’huli za hetwe zokola, ila kwa mgati twanguditigwa tuwe goya chila zuwa.
Ahyo mikangaze nhumbula mwemwe baho na kitanza kota vyomlingudita sambi.
Lelo wang’holozangu, kwa mbuli ya makundo ga hemwe nagatukangaza nhumbula ng’hatu, kuli nongwa na magazo ga hetwe geng’ha,
Aho ndo wanhu nawamwidichila, "Hotuweza ng’oo kumleka Mkulu Nguluwi na kujifugamila milungu jiyage. Mina, Mkulu Nguluwi, Nguluwi wa hetwe, ndo yatulavile hetwe hamwe na wasekulu wa hetwe kuli isi ya Misili kotuwele wapogozi, natugona kwa meho ga hetwe madito ga kububuwaza goyaditile. Nakatwamila kuli majendo ga hetwe geng’ha na hali wanhu weng’ha wawele natukola hali hewo.